武俠小說泰斗金庸逝世 享年94歲 [復制鏈接]

freezefox:
會考前我都係睇衛斯理的。十部八部左右吧。
不過，老實講，衞斯理D 小說，頭幾部就好新奇好吸引。睇多幾部，就開始覺得悶，內容重複了。反正次次講到最尾講唔掂就賴落外星人到⋯⋯所以後尾都無咩點再睇了。
.......

後期者，早期都好高質
有好幾本都係預言書，尤其係追龍。。。

頭髮，尋夢，仲有好多都係水準之作

我又覺得冇得直接比較
風格都唔同
不過講影響力同文學底蘊
當然係金庸大好多

其實香港真係幾勁,反而強國咁多年都出唔到香港四大才子果類水平既文人出黎

飛雪連天射白鹿
笑書神俠倚碧鴛

R.I.P.

英俊:其實香港真係幾勁,反而強國咁多年都出唔到香港四大才子果類水平既文人出黎[表情]  (2018-10-31 14:36) 

香港97淪陷前仲有創作空間,  水平高d,  
有堆上左去共國,  只可以日日寫紅歌紅劇,
水平一定低

羅力亞:雖然射鵰三部曲都經典
不過自己最中意笑傲江湖，天龍八部同鹿鼎記
入面刻劃既人性同矛盾
真係幾時睇返都咁準！ (2018-10-31 12:12)

我最鐘意係鹿鼎記！！

韋小寶真係顛覆哂所有武俠小說男主角一定要靚仔人品好武功高強既定律！簡直係武俠小說既奇疤！你真係好難再搵到第二本咁既武俠小說。

其次係倚天、天龍！

張無忌光明頂隻抽群邪，開創一個打十個既先河！

喬峰自殺個一幕，真係非常悲壯！


書劍我嫌佢有少少婆婆媽媽！笑傲江湖寫得好，但我唔太鐘意個調子，真係好灰！好灰！射鵰、神鵰呢D經典唔駛講。不講唔入我三甲。


睇得人最唔開心係連城訣，個段時間金庸似乎都好悲觀。






順帶一提，我最喜歡的女主角，係程靈素。

英俊:其實香港真係幾勁,反而強國咁多年都出唔到香港四大才子果類水平既文人出黎[表情]  (2018-10-31 14:36) 

文革都革死哂啦。何來才子⋯⋯⋯

freezefox:我最鐘意係鹿鼎記！！
韋小寶真係顛覆哂所有武俠小說男主角一定要靚仔人品好武功高強既定律！簡直係武俠小說既奇疤！你真係好難再搵到第二本咁既武俠小說。
....... (2018-10-31 16:03) 

成日覺得韋小寶就係寫香港人
要係各個勢力之間左右逢源

倚天最深刻都係張翠山同殷素素死個度

入面名門正派為左權力互相爭鬥，計算
反而所謂邪教仲有人性.......

羅力亞:倚天最深刻都係張翠山同殷素素死個度
入面名門正派為左權力互相爭鬥，計算
反而所謂邪教仲有人性.......
....... (2018-10-31 17:32)

呢段我反而覺得有少少敗筆。敗在張無忌既心理變化上。


試問一個幾歲孩兒。從來無接觸外面既人，第一次接觸，就親眼睇住自己父母被佢地迫死。母親臨死前仲要叫佢認住呢班人，將來報仇。佢心中豈能全無恨意？

之後又比人打左一掌毒掌。過左幾年顛沛流離既生活。識到個靚女又比佢呃，識個醜既就比佢咬。真係咩醜惡既人性都見過哂。一個咁既童年，就算你話佢仍然保持赤子之心，唔去恨人，都至少試得防人。邊可能好似佢咁純真？



張無忌係一個完人。只係，太完美了。完美得黎有點假⋯⋯⋯⋯

freezefox:呢段我反而覺得有少少敗筆。敗在張無忌既心理變化上。
試問一個幾歲孩兒。從來無接觸外面既人，第一次接觸，就親眼睇住自己父母被佢地迫死。母親臨死前仲要叫佢認住呢班人，將來報仇。佢心中豈能全無恨意？
....... (2018-10-31 17:54) 

所以倚天唔會入我三甲
好怕個主角係d優柔寡斷，拖泥帶水既性格

笑傲同天龍好睇就係因為d人性格好鮮明

最愛女角大熱應該都係趙敏同任盈盈la

rip

羅力亞:所以倚天唔會入我三甲
好怕個主角係d優柔寡斷，拖泥帶水既性格[表情]
笑傲同天龍好睇就係因為d人性格好鮮明[表情]  (2018-10-31 18:45) 

但張無忌實在太強了！


我諗金庸作品中武功最高既主角，佢都應該必入三甲！

freezefox:但張無忌實在太強了！[表情]
我諗金庸作品中武功最高既主角，佢都應該必入三甲！ (2018-10-31 23:36) 

三甲？未必，仲有獨孤求敗，東方不敗，石破天，無涯子，黃裳，王重陽，林朝英，張三峰，當然仲有掃地僧，呢堆人都應該好打過張無忌~

麻凡:三甲？未必，仲有獨孤求敗，東方不敗，石破天，無涯子，黃裳，王重陽，林朝英，張三峰，當然仲有掃地僧，呢堆人都應該好打過張無忌~[表情] (2018-11-01 01:10) 

佢講主角之中ma