反對修訂《逃犯條例》消息分享區 [復制鏈接]

freezefox:
呢個唔係失敗主義，呢D叫自省！如果我地連自省既能力都無，咁就唔駛玩落去。
每次有人犯錯，我地都搬不割蓆句野出黎頂。呢句野唔係免死金牌。不割蓆既意思更加唔係話唔比人批評！ 呢兩個月黎，最鐘意講不講蓆個班，就係鬧得泛民最甘個班。 佢鬧泛民時，有冇講不割蓆？泛民比人X 個陣，有冇搬不割蓆出黎擋？定係實事求是去回應批評？
.......

X又X左，琴晚已經檢討左成晚
成個運動我地都唔係冇出錯過
從來冇講不割就係唔批評
我琴晚都係group度X班人衝動
咁之後呢？
人地出毒招
係唔係我地要睇將來做d咩去拆招呢？

如果你係覺得繼續捉鬼/X琴晚係重要過推返爆眼，義士被毒打既post
咁我想講你正正咪中左對家spin+分化策略lor
要講就講有人搞事同舉真槍
Keep住講公安同幫手spin冇分別

只要仲有人繼續就仲有牌
如果我地放棄思考，
比人地影響情緒
先係真正冇牌

只能夠再share天琦既忠告，希望自己冷靜，希望大家都冷靜。

//雖然如此，我仍希望你們能夠明白：本著對香港的熱愛，你們已展現了無比的勇氣，改寫了香港的歷史。當然，真正的公義還未來臨，你們或許因而心中充滿憤怒，這乃是人之常情。但我懇請你們不要被仇恨支配自己，在危難中，更要始終保持理性的思考。//

我自己都唔開心好燥
但對手就係想我地咁
宜家我地係要補救，唔係清算

https://thestandnews.com/culture/%E6%A0%B8%E5%BD%88%E9%83%BD%E5%94%94%E5%89%B2-%E4%B8%8D%E4%BB%A3%E8%A1%A8%E6%94%AF%E6%8C%81%E6%94%BE%E6%A0%B8%E5%BD%88/

即係咁，如果那是我老婆。
佢因為一些生理問題，
燥底，有一點點無理取鬧，
比如話，批評我呼吸太大聲嘈住佢睇 NETFLIX。
我要點處理？
首先我想利申 1000 次，無論如何我都愛佢，
唔會同佢割席。
然後，我明白，情緒好難控制，燥底無可避免。
所以我學習同佢相處。
學習理解、體諒、尊重，感同身受。
因為我真係愛佢嘛，
已經第 1001 次利申，
唔會割席。



但如果佢問我﹕
「咁係咪即係，你都認同，你自己呼吸太大聲嘈住我睇 NETFLIX？」
對唔住，唔係呀。
認同，同埋接受，係兩回事來的。
我接受你有情緒，但不代表你做得對。
當然抗爭者唔係老婆，
咁樣比喻或許有不足，
但「我接受你有情緒，但不代表你做得對」，
這結論還是共通的。
正如有個講法，「核彈都唔割」，我認同，
但我唔係支持你眾籌買核彈呀嘛。
所以﹕
如果你認為抗爭者昨晚做得不對，
我想同你講﹕
「不一定要跳到去諗自己是咪要割席。
在割席與支持之間，還有好多位可以企。
比如批評、發言。
請繼續用你的智慧，支持這場運動。」
如果你是被批評行私刑的抗爭者，
我又想同你講﹕
「批評不是割席，
不割席也不等於自我封嘴。
唔好因為有人批評就賴割席。
如果你也認同，批評的人也是關心香港的人，
請你也好好珍惜他們的批評。」
講好咗無論如何都愛我老婆，
就無論如何都繼續愛我老婆。
磨擦難免，關鍵係咩，
係愛呀哈利。

羅力亞:【逃犯條例】最少10名被捕示威者手腳骨折 送北區醫院拘留治理
https://www.hk01.com/article/363488?utm_medium=Social&utm_source=telegram&utm_campaign=mama
依單冇人提 (2019-08-14 10:07) 

NDH 流言澄清
Fact checked from multiple primary source:

NDH 1B / 1C Ward
冇收過cord compression
冇收過fracture femur
只有一位fracture humerus而且已經做左OT
其他既義士大多都只係neck pain
無大礙 可自由走動

有警察有嘗試阻撓他們聯絡律師
但亦有警察都比佢地打電話

同埋已經有人幫佢地搵左律師
但有冇見 講過啲乜
我地就不得而知⋯⋯
所以大家放心
佢地大致安好 有得食有得訓

admin: 請留意, 近日有人有組織及有目標地開新戰線 - 假消息戰.

1. 制造假消息. 令到日後再有D 嚴重受傷既消息都會比人歪曲 / 質疑.
2. 放人入各group 收風 + 放流料, 互相質疑, 分化行動
3. 放人扮遊客 / 示威者, 制造畫面作文

大家聰明既香港人, 小心唔好再亂share info.
幫手keep clean information.
今次衰左唔緊要, 我地認, 報AIRS . 下次唔好再犯, 比人利用

另外, admin 警告作文, 消費傷者既人.
你現在同全體醫護人員作對.
依家唔係你既年代, HA Secrets 團隊有龐大網絡做fact check. 亦有大量良心同事投稿幫手fact check.
我地唔需要HAHO大台 , 我地HA Secrets 都一樣有得放消息.

如果你打算挑戰整個醫管局,
我地會全力捍衛我地既病人.
你注定會失敗. 然後比人用完即棄.

source: HA Secrets

羅力亞:我自己都唔開心好燥
但對手就係想我地咁
宜家我地係要補救，唔係清算 (2019-08-14 10:57) 

唔係清算就唔會有個個金毛飛既POST 啦。


其實呢D POST 先係最無謂！一來都唔知係咪真係佢，定求求其其搵個替死鬼黎食左個死貓。二來，就算真係佢又點？你估機場入面就係得一隻鬼？呢類捉鬼既POST 愈多，成個運動就愈失焦！尋晚就係個個迷失左係捉鬼既遊戲到，完全唔記得入機場既原本目的！人人以捉鬼自HIGH，先會落得如此收場。



前日十萬八萬人入左機場，你以為個日會無鬼咩？點解個日紋風不動？因為個日係和理非大集會哎嘛。你有幾多鬼都無用。你係唔會煽動到班和理非的！點解尋日就得？真係因為幾隻鬼就攪到成個運動轉哂風向！


NO！！ 唔好再將個焦點放係鬼到了。唔好再賴有鬼了！係有一班人一路都想衝！想宣洩自己既怒氣怨氣！鬼只係幫佢地推波助瀾吧了。佢地本身唔打算衝，唔打算攔路既話，幾隻鬼係做唔唔到任何野的。所以，宜家將個責任推哂落「 有鬼」到，正正係幫佢地開脫自己既責任。佢地要明白一點，我地爭取既係民主、自由、人權！我地首先就唔可以扼殺人權！ 佢地首先唔可以被仇恨遮住對眼！ 唔好再話我上過前線點點點，你地班冷氣軍師點點點。呢班人宜家都仲係連登周圍X 緊其他勸佢地冷靜既朋友。佢地一日唔明白呢點，班鬼就一日都有機會繼續帶住個風向。咁你再手捉多一百隻鬼出黎都無用！


必需先正己，方能嚴人！你鬧緊班黑警做既野，你全部做番哂，咁你仲點爭取你要爭取既事？

避開個話題唔講，轉移視線唔提，顧左右而言他。都係藍絲最鐘意用既技兩！我地係咪都要淪為同藍絲同一個層次？！


錯就係錯！錯就要面對！唔可以用：「佢地都咁咁咁啦！」 黎做推委既理由！ 呢D 係小學生既做法。我地要面對錯誤，勇敢承認錯誤！更重要既，係要尋求共識，大家要協議謹守一定既底線同法則！呢D 尋日連登都好多人做緊，但就比班前線勇武係咁X 。唔可以唔做的！唔可以逃避的！


機場已經係最容易對付鬼既既地方了。 周圍燈火通明。咩地方都有記者有人！咩鬼都無得避。如果係機場你都對付唔到D 鬼，之後你去到邊到都只會比鬼攪，比鬼帶。咩都做唔到！


而對付鬼既方法其實簡單到不能再簡單。就係堅守原定既原則，不輕易被人煸動，不要被人亂帶風向！前線個班無可能無上連登。每一個行動，行動之前都有哂共識，你無端端係行動期間違反最初既共識。根本唔駛理你係咪鬼，個一刻你都已經變成鬼了！就係咁簡單。

今個星期老共明顯已接手, 招招快狠準

佢地對鎮壓叛亂, 煽動群鬥既經驗, 唔係特衰正苦可以比

星期日武力升級, 再自揭臥底身份

星期一連我呢d普通人都睇到機場有鬼, 另加白色恐怖

結果尋晚憤怒+內鬼既不安就爆出黎......差佬自揭身份, 好自然就會諗鬼係差佬, 仲要次次都大隻, 平頭裝, 忘記左鬼可以係老黑, 721白衫除左大叔, 一樣有正常樣既後生仔

自問冇智慧諗解決方法, 但再去機場示威就有保留 (今日純粹去幫政府道歉個人覺得ok), 因為敵人已有對策, 仲變招好快.....

icemanbergkamp:NDH 流言澄清
Fact checked from multiple primary source:
NDH 1B / 1C Ward
....... (2019-08-14 11:08) 

請留意, 近日有人有組織及有目標地開新戰線 - 假消息戰.




呢招先係最毒。殺人於無形。最毒係，佢好似企係你個邊，其實就係推你去仇恨深淵。等你被仇恨蒙敝雙眼，咩都睇唔到。

icemanbergkamp:NDH 流言澄清
Fact checked from multiple primary source:
NDH 1B / 1C Ward
....... (2019-08-14 11:08) 

有冇LINK？

freezefox:有冇LINK？ (2019-08-14 11:26) 

fb search HA secrets 會見到

#本地 香港國際機場連日來有市民集會活動，機管局昨日入稟高等法院申請禁制令，並已取得該命令，禁止任何人在機場指定範圍以外包括禁區內，進行任何示威活動，但仍容許市民在和平合法的方式下，在示威專區內進行示威或集會。(8/14/11:08)

羅力亞:我自己都唔開心好燥
但對手就係想我地咁
宜家我地係要補救，唔係清算 (2019-08-14 10:57) 

好多香港人呢2個月會燥會唔開心會情緒失常, 係好正常

呢度冇人想清算, 只係會檢討下吹下水, 交換下訊息

大家都想香港好, 縱然勝算好微, 都希望可以捱落去, 所以同路人互相支持係重要

freezefox:唔係清算就唔會有個個金毛飛既POST 啦。
其實呢D POST 先係最無謂！一來都唔知係咪真係佢，定求求其其搵個替死鬼黎食左個死貓。二來，就算真係佢又點？你估機場入面就係得一隻鬼？呢類捉鬼既POST 愈多，成個運動就愈失焦！尋晚就係個個迷失左係捉鬼既遊戲到，完全唔記得入機場 .. (2019-08-14 11:14) 

一直有班前線就係得個勇字
無用腦諗下點做
我見既係互相對峙就X來X去,咩俾壓力黑警
其實你一大班人大半個港島一路SET ROAD BLOCK一路走已經何以令黑警疲於奔命

次次等人地SET好陣先俾人圍,只有送頭,慢慢D頭就送晒出去