STANPROB:段皇爺咪又係縮沙, 咁樣睇落去之前嶺大個鄭國漢都算係咁了 (2019-10-10 23:38)
STANPROB:段皇爺咪又係縮沙, 咁樣睇落去之前嶺大個鄭國漢都算係咁了
(2019-10-10 23:38)
中大閉門對話會文字分享(校長落淚、眾人向校長道歉)
- 段崇智離開對話會後上車,學生圍堵校長車,兩位副校長落車嘗試調停,而段校長仍然坐係車。
- 其後副校長向同學承諾會連同校長返對話會現場探望崩潰同學。當副校長嘗試上車與段校長商量時,段校長不願開門,副校長透過車窗與校長討論,並叫同學退後,校長先係保安組保護下行出車。
- 校長決定與崩潰學生閉門會議,請所有記者離場,而一眾學生與校長及其他職員繼續係會場對話。
- 校長坐下安慰崩潰既一名同學,同學哭訴自己曾被警察用鐵鏈鎖手、被警棍打、被十名防暴上門查屋。段校長抱住哭訴同學。
- 校長承諾會譴責所有警察行施既暴力,而且唔會再有中大學生係中大範圍被捕。
- 有校友指中大校長地位比一般學生同校友高得多,指如果校長願意到警局陪伴學生,或陪同學生上庭,警暴情況便會大大減少。
- 校長指自己不知道學生幾時上庭,指反送中運動係新挑戰,自己同管理層仍一直學習如何處理。
- 校友指普通人都可以上網睇被捕人士既上庭時間。另一名學生重申警察早前係大學站無故拘捕被地盤工人打既兩名中大學生,當時如果校長在場,警察就會知學生有人保護,該兩名學生就唔會被捕。
- 校長承諾未來會上庭聽聆訊。
- 數名學生其後逐一表示自己已經睇唔到未來。
2300 ——————-
- 校長指自己今晚會訓唔著,因為發現自己有好多工作要做,指自己今日了解左好多野。
- 段校長指一日中大人一生中大人,不論在何地都係中大人,而佢指不論大家點笑,佢都真心地視大家為家人。
- 段指未來會新增緊急task force,增加人手幫助學生,並會邀請學生加入task force。段指佢地呢種年長人士不及年輕人敏感,希望大家願意通知佢地。學生問校長知唔知咩係連登Telegram,吳副校指雖然知道,但執行層面上真係無時間睇。
——————-
- 有職員一邊流淚一邊指自己之前俾左私人電話學生,指就算係凌晨三點打俾佢幫手都得,甚至曾私人借錢提供經濟援助。
- 吳副校指認為自己過去做得好好,但今次自己仍然處理得非常不完善。而段校長亦同時落淚,指自己非常希望幫助學生,而認為呢種小型對話比千人對話直接得多。段指自己都係人,當學生大叫佢唔配做校長時,佢都會嬲。隨即有學生躹躬向校長講:「校長,我代表大家同你講聲對唔住。」眾人紛紛向校長道歉。
2318 ———————-
- 學生要求校長承諾當再有防暴到大學站,校長會到現場。
- 職員指中大自七月開始已經請左廿四小時律師,指如果有同學致電,或者防暴到校園,律師便會立即幫忙。
- 同學指香港有個結界叫「警處」,而且警察會濫權阻止被捕人尋找律師。亦有校友質疑點解校方而家講左咁多措施但無人知。職員重申佢地一直努力緊。
2325 ————————
- 學生指:「如果校長你出黎,你就係手足!我話既!如果有人敢打你,我實幫你擋!」其他學生紛紛和應:「我都幫你擋!」校長回應:「多謝你地。」學生紛紛指無人真係「憎恨」校長,只係想校長做到「與學生同行」。
- 有學生發言:「我自己家父為退休警察,經常話我哋係曱甴,但當我返屋企時,我爸爸會幫佢按摩,同我講:『你有咩事,我實去保釋你。』校長,我覺得呢啲就係愛。」同學指唔會要求大學表明支持示威者,但即使政見不同,如果校長真係視學生為家人,應該要陪伴學生。
————————
- 吳副校長總結指,第一,校方將會出聲明譴責警方暴力,第二,成立緊急task force,集中研究如何提供到即時幫助,同埋俾同學知道有大學援助。但強調人手不足,始終需要保安組幫助,自己唔能夠24小時on call。
- 段校長強調如果警方真係強行闖入校園,一定會要24小時on call既律師團幫手。
- 校長指今次對話除左與受警暴同學
[ 此帖被迪克在2019-10-11 00:35重新編輯 ]