[日本]東京自由行 (25-30 Nov 2019) [復制鏈接]

羅力亞:另外又想補多句
有冇咩app係東京自由行有用？
例如時刻表個d (2019-10-15 09:01) 

我只用過有個乘換案內同GOOGLE MAP就搞掂, 最多加個TABELOG睇餐廳幾多分

啊，第一次係到見你出POST！

1. 機票：如冇意外hk express
我宜家次次去日本都係搭HKEXPRESS ⋯⋯⋯

2. 出機場：想問出市區搭NEX係咪最方便？我未決定落腳點但來回4000 yen 算抵玩？
你唔係去東京駅既話，其實都唔一定要搭NEX，雖然，NEX 一定係最舒服的了。 如果係山手線入面揀地方住，搭SKYLINER 仲好，又平又快，都舒服。不過留意，我唔知你幾點到埗，NEX 同 SKYLINER 都好早就停駛的。

3. 住宿：如上，但暫時傾向池袋，亦想問下大家有冇其他地點推介？如果有，有冇試過民宿/airbnb係可以一戰？
日本唔好住民宿了⋯⋯⋯尤其宜家嘈得好緊要。無保障之餘，又唔係真係話平好多。 無著數。

4. 交通：主要市內遊，我睇到有一種tokyo subway ticket，1500 yen三日，包哂主要metro，應該啱我用？JR pass又係咪必須？
我自駕多。如果留係東京，都係兩三日之內既事。所以好少買PASS。不過你唔係要去近郊的話，就唔好買JR PASS 了。得山手線用得，其他絕大部分既地鐵、私鐵都唔關事。買左實蝕。


5. 紅葉：我知預報係十一月尾十二月頭先係最靚，不過就fd好大機會月中去(13-22依個period，24號前要返黎投票呢)，應該都有得睇下紅葉？
東京個紅葉期好長的。 點都搵到地方有紅葉。係咪最靚就另計啦。不過有機會要出去近郊，而唔係巿中心。老老實實，要睇紅葉，都係郊外好。

租酒店方面，以前我係會用日文網既 樂天（JALAN ），因為真係會訂到好多更平既酒店。選擇亦比 HOTELS,COM  同埋AGODA 多。但宜家唔係了！已經無左呢支歌仔唱了。好多時，樂天仲要貴過AGODA。都唔知點解⋯⋯⋯  

幾年前，我訂十間日本酒店，八間經JALAN 訂。宜家，十間得一兩間會經JALAN 訂⋯⋯⋯


真係要去一D 好僻既地方， JALAN 先會有優勢。

freezefox:租酒店方面，以前我係會用日文網既 樂天（JALAN ），因為真係會訂到好多更平既酒店。選擇亦比 HOTELS,COM  同埋AGODA 多。但宜家唔係了！已經無左呢支歌仔唱了。好多時，樂天仲要貴過AGODA。都唔知點解⋯⋯⋯  
幾年前，我訂十間日本酒店，八 .. (2019-10-15 11:42)

傳聞 agoda 係向樂天(手羅)酒店既貨
所以兩者其實差唔多...

其實住邊到，好決定係你去邊到玩。 如果你係東京巿內玩既話，基本上住邊到分別不太大。 不過，都係最好諗定邊幾個大景點先，再決定住邊到。例如你會成日去台場呀，迪士尼呀，築地呀（宜家就豐州啦） 個D 既話，不如新住近東京駅或上野駅附近既私鐵沿線。舉例京橋、 寶京、八丁崛、茅場。又或者上野、新橋呢D 站都OK 的。又方便、又平D ！你住東京駅附近就會貴好多囉。

其實你一住近山手線幾個大站既酒店，就一定係貴D 的了。愈近愈貴。住「咩」少少 ，就會平D 。 間房又大D 。

如果你有諗過去箱根既，咪要揀新宿囉。 如果唔會去箱根既，就唔好揀新宿了。我個人就唔多鐘意新宿。

池袋都OK 。 但都係個句，最好睇左你想去邊幾個景點先決定。    


會唔會搵一兩日去近郊玩，亦係決定你住邊到既關鍵之一。

其實去日本飲飲食食野，我多數會參考呢個website...

https://linshibi.com/

呀，如果你鐘意ONE PIECE 既，記住去埋東京鐵塔個個ONE PIECE 樂園呀。


反而池袋個個同漫畫 少年 JUMP 有關個個樂園，我去左三次池袋都無入去玩⋯⋯⋯

freezefox:1. 機票：如冇意外hk express
我宜家次次去日本都係搭HKEXPRESS ⋯⋯⋯
2. 出機場：想問出市區搭NEX係咪最方便？我未決定落腳點但來回4000 yen 算抵玩？
你唔係去東京駅既話，其實都唔一定要搭NEX，雖然，NEX 一定係最舒服的了。 如果係山手線入面揀地方住 .. (2019-10-15 11:39) 

其實我都想東京自駕...

但單單係泊車已經收左我皮，仲未計塞車o個D...

其實，點解你仲會揀自駕? 有冇咩攻略??

推薦多一個APPS 比你，好好用的。叫 Tripla 。可以幫你係日本訂位食飯的。但一定要預先訂。無得即時訂。

先搵左你想去既餐廳，搵到相關地址之餘既資料，然後通過上述既APPS ，有人即時同你對話，幫你訂位的。


有時如果你要去D 好火紅既餐廳，都係訂左位先好。 唔駛摸門釘。

ODIN:傳聞 agoda 係向樂天(手羅)酒店既貨
所以兩者其實差唔多...
 (2019-10-15 11:55) 

但好多時佢批出黎個價仲要平過JALAN ！

ODIN:其實我都想東京自駕...
但單單係泊車已經收左我皮，仲未計塞車o個D...
....... (2019-10-15 12:04) 

因為我大部分情況下都要出郊區，真正係東京自駕既時間少之又少。


如果我留係東京巿中心玩，我係一定一定唔會揀自駕的。

我唔係去伊豆個邊，就係去河口湖個邊。 一係就係去箱根、千葉、 琦玉、 得頭頭尾尾一兩日或兩三日會留係東京。所以就算係自駕，九成都係機場到東京，東京去近郊，近郊返東京。係東京巿內自駕既情況多數都係台場呀，迪士尼呀呢D 地方。


如果去上野、池袋個D 地方，我寧願留番架車係酒店，搭地鐵好過。

freezefox:推薦多一個APPS 比你，好好用的。叫 Tripla 。可以幫你係日本訂位食飯的。但一定要預先訂。無得即時訂。
先搵左你想去既餐廳，搵到相關地址之餘既資料，然後通過上述既APPS ，有人即時同你對話，幫你訂位的。
....... (2019-10-15 12:04) 

原來有, 我以前都係搵酒店幫手book

STANPROB:原來有, 我以前都係搵酒店幫手book  (2019-10-15 12:28) 

唔係間間酒店肯幫手的。 同埋，同電郵同酒店聯絡，一來一回，快都一兩日啦。用呢個APPS，幾分鐘攪掂。仲可以用中文溝通。超方便。