[日本]大阪京都自駕長者親子遊 [復制鏈接]

你地個個都開po復活節出發, 我都開番個

大阪京都大家都唔陌生, 但我想有1日自駕去天橋立, 即日來回, 有無好友試過?
另外如果1日自駕即日來回姬路, 神戶又可唔可以?

有無行程推介?

家陣開POST 係咪有錢分？！


咁我都開番個先！

天橋立我未去過，唔清楚！


神戶可以即日來回的，但要小心繁忙時間勁塞車！

但姬路城就抆水少少啦。 唔係話唔得既，回程個下辛苦D 囉。我估計，你都係諗住去完神戶，再去返姬路城，然後返大阪個種啦，係咪？

咁你神戶點都玩半日架啦，黃昏入到姬路城行個圈，返大阪個程要兩個鐘。 司機慘D 咁解囉。

比我直頭係神戶個頭住番晚好了。


順勢可以去埋淡路島嘛。你知唔知佢有個火影樂園？

你有小朋友架嘛！神戶我大力推介動物王國！好正既一個動物園。幾乎全部動物都可以親自餵，可以超近距離接觸。 D 動物都幾特別。 呢個一定要去。


淡路島有好多公園，你四月去可以睇油菜花田，一大片，好靚的。櫻花就唔駛講啦。 另外仲有唔少公園可以比小朋友玩。頭先我講個個火影樂園，附近就有個歷奇公園，可以係湖上面玩飛索。又有個三層樓咁高既繩網陣，都係專為小朋友而設的！絕對值得去玩。個到係以蠟筆小生為主題的。

freezefox:家陣開POST 係咪有錢分？！
咁我都開番個先！ [表情] [表情] [表情]  (2020-01-10 11:53) 

當姫路去新大阪搭新幹線29分鐘既時候，聽到自駕要兩個鐘我就覺得好辛苦


同埋姫路應該係去個城架啦？
但個城要除鞋+上上落落樓梯，帶住長者小朋友可能唔係咁適合架喎
小朋友亦好可能適合隔離個動物園多過個城…

freezefox:但姬路城就抆水少少啦。 唔係話唔得既，回程個下辛苦D 囉。我估計，你都係諗住去完神戶，再去返姬路城，然後返大阪個種啦，係咪？
咁你神戶點都玩半日架啦，黃昏入到姬路城行個圈，返大阪個程要兩個鐘。 司機慘D 咁解囉。 (2020-01-10 11:59)

我鍾意日本城堡, 姬路城係結婚前同老婆JR遊去的, 所以想睇下呢次可唔可以舊地重遊, 我都知係抆水少少

freezefox:比我直頭係神戶個頭住番晚好了。
順勢可以去埋淡路島嘛。你知唔知佢有個火影樂園？[表情] [表情] [表情] [表情]  (2020-01-10 12:00) 

最弊係酒店已經book哂, 我習慣係搵哂酒店先plan行程. 加上扶老攜幼, 所以盡量唔換酒店. 今次係2晚京都, 3晚大阪.

我都想去淡路島, 應該要等d細路大個d先, 然後同老婆兩個人去

freezefox:你有小朋友架嘛！神戶我大力推介動物王國！好正既一個動物園。幾乎全部動物都可以親自餵，可以超近距離接觸。 D 動物都幾特別。 呢個一定要去。
淡路島有好多公園，你四月去可以睇油菜花田，一大片，好靚的。櫻花就唔駛講啦。 另外仲有唔少公園可以比小朋友玩。頭先我講個個火影 .. (2020-01-10 12:04) 

咁淡路島一日來回得唔得
神戶嗰個睇下有無時間, 不過都應該淡路/神戶2揀1

太伊:當姫路去新大阪搭新幹線29分鐘既時候，聽到自駕要兩個鐘我就覺得好辛苦 [表情]
同埋姫路應該係去個城架啦？
但個城要除鞋+上上落落樓梯，帶住長者小朋友可能唔係咁適合架喎
....... (2020-01-10 13:00)

係呀, 嗰陣我未結婚同老婆去個城, 去完之後瓜瓜嘈話太辛苦
今次如果去到我諗住城外影相算啦, 隔離動物園可以諗諗, 但即日回大阪係抆水

好友改名做好友足球+旅遊論壇, 有無得諗?

myrmidon:係呀, 嗰陣我未結婚同老婆去個城, 去完之後瓜瓜嘈話太辛苦 [表情]
今次如果去到我諗住城外影相算啦, 隔離動物園可以諗諗, 但即日回大阪係抆水 [表情]
 (2020-01-10 13:38) 

動物園210円入場，我都行到兩三個鐘，影姫路城既角度都唔錯…

但你唔入城既話，自駕去姫路會幾阻礙你既行程…
唔同我習慣搭新幹線去就勁快去到…
(試過有晚突登搭去食壽司)

我諗你都係留返下次先去姫路啦
自駕梗係去淡路島呢D非自駕唔方便去既地方
相對安靜好多

freezefox:家陣開POST 係咪有錢分？！
咁我都開番個先！ [表情] [表情] [表情]  (2020-01-10 11:53) 

你開post可能就變左做交代post,純粹話比人知你去邊

因為你應該都唔洗人幫手都搞得掂