[電視劇]Netflix討論區 [復制鏈接]

麻凡:我諗佢地收視下跌的原因，係同我地都分別頂唔順果一段劇情，即係第一季尾段同第二季初段，用太多篇幅講教授同阿嬸呢段唔合理既中年情，佢地每個星期追，觀眾流失左就好難返轉頭。更致命係因為收視下滑，第二季尾果幾集，當日西班牙大幅刪剪，五碗水煲埋一碗，捱過左中年之戀，之 .. (2020-05-16 23:46) 

我宜家正正係停左係第二季既中段，第二季呢段真係好難頂。

呵，我當日都係停左好鬼耐，耐到第4季上先開始睇返~~

末世列車電視劇版

https://www.youtube.com/watch?v=D7lgcr2cMvU

《末日列車》| 正式預告 | Netflix

https://www.youtube.com/watch?v=Lojn3Cyy_zw
《不死軍團》| 正式預告 | Netflix

永恆並不那麼輕鬆美好。一支秘密傭兵團隊擁有不會死的神祕能力，關係緊密的他們以戰士安蒂（莎莉·賽隆，港譯查理絲花朗，Charlize Theron 飾）為首，數個世紀以來皆為保護凡人世界而戰。然而當團隊受僱執行一項緊急任務，他們的神奇能力竟意外曝光，外人於是打起壞主意，意圖靠複製他們的能力賺錢，而且為達目的不擇手段。情況危急，團隊能否除去敵人的威脅，全看安蒂與新兵奈兒（基基·萊恩，Kiki Layne 飾）的能耐。本片改編自格雷格·魯卡 (Greg Rucka) 廣受好評的圖像小說，由《籃球之愛》及《燈光之外》的導演吉娜·普林斯貝瑟伍 (Gina Prince-Bythewood) 執導。原來，長生不死並沒有想像中地好過。寫實硬漢故事《不死軍團》劇情刺激緊湊，將於 7 月 10 日在 Netflix 上線。

終於睇哂紙房子第二季

三，四季節奏會快好多~~

麻凡:三，四季節奏會快好多~~[表情]  (2020-05-31 20:02) 

第二季後半段無咁拖。都OK 。可以一口氣追哂。 但真係好多犯駁位。 有少少搵戲黎做。

freezefox:第二季後半段無咁拖。都OK 。可以一口氣追哂。 但真係好多犯駁位。 有少少搵戲黎做。
 (2020-05-31 21:45) 

犯駁的確太多了，第三四季係更離譜，根本就唔係理邏輯，就似職業特攻隊果d 咁上下，但娛樂性就係好夠的，亦好滿足到而家全球右翼思想既大勢，即係如果要繼續睇，要調整下心態，想唔用腦娛樂下既，其實可以睇埋佢，想睇嚴謹劇本的，咁就真係唔啱了~~

啱啱睇完一套短劇, 比利時的, 叫"絕夜逢生"。
第一季只係得6集, 類似的題材熟口熟面, 但有努力想玩點點新元素, 節奏也算明快, 應該很容易便能KO一季~~

麻凡:犯駁的確太多了，第三四季係更離譜，根本就唔係理邏輯，就似職業特攻隊果d 咁上下，但娛樂性就係好夠的，亦好滿足到而家全球右翼思想既大勢，即係如果要繼續睇，要調整下心態，想唔用腦娛樂下既，其實可以睇埋佢，想睇嚴謹劇本的，咁就真係唔啱了~~ (2020-06-01 10:57) 

下？竟然係咁？！我仲諗住第三、四季會扭橋扭得仲勁D 添⋯⋯

freezefox:下？竟然係咁？！我仲諗住第三、四季會扭橋扭得仲勁D 添⋯⋯ (2020-06-03 13:08) 

某桯度上你可以咁講, 基本上每一兩集之內一定會有一個大危險, D橋真係扭得好勁.......
但合唔合理又係另一回事...........

另外再介紹一套美劇"castle rock", 我而家睇緊第二季, 同第一季劇情無關聯的, 兩季可以獨立分開睇。
首先介紹下套劇係由Stephen King + J. J. Abrams 製作, 呢個卡士已經夠勁, 有佢兩個劇集當然係懸疑風格, 今次仲非常燒腦, 要邊睇邊自己腦補解謎的。
我個人覺得呢次基本上係Stephen King要黎致敬自己的，諗諗下都幾痴線，自戀狂咁，氣氛都拍得唔錯，稍為有得燒下腦咁，期間又好多佢的電影或電視的經典場口或對白會突然致敬式的出現，幾有趣。
不過睇完結局後我都係不禁X左出聲, 佢為左致敬自己, 挖左好鬼多個抗, 等我仲特登搵紙筆記得，點知佢都係填唔哂d坑既, 亦唔解釋, 真係頂佢。
整體來說唔錯的, 如果係fans我覺得一定要睇, 但如果一向係嚴謹的燒腦戲觀眾, 要諗清楚, 佢留左好多個洞係無埋返架, 有強迫症唔好開始了~~

末日列車第一集唔錯

羅力亞:[圖片] (2020-06-04 22:21)