所以我先攪唔清楚究竟條大橋既所謂時空逆轉究竟係咩！
首先，如果佢只係普普通通一般大家所認知既時光機。即係回到未來，又或者叮噹時光機會概念。咁好簡單哎，無咩野者。咪尼爾用時光機返去以前，見返以前既主角，幫佢渡過難關。咁以前既主角日後就變返天能組織既始創人，之後招攬細個既尼爾，訓練佢成材，再送佢返去以前既時空，救返自己⋯⋯⋯即係最大路既時光旅程既大橋啦。完全無特別可言。
天能只所以唔係一般既時空片，就係因為佢個個時空既概念同以往完全唔同哎嘛。 佢強調佢唔係時光旅行哎嘛，係時間逆轉哎嘛，同埋，佢既世界應該係無平行時空架嘛。所以所有野先可以係同一條時間線到發生哎嘛。逆時同埋順時既時空係係同一條時間線到推演架嘛。 即係，尼爾要返去主角個個時間，佢係要用逆轉機，將自己變成逆時，然後一直潛服係逆時既時空，一直等到遇到主角既時間線，再同主角「相遇」哎嘛。 但相遇後，佢卻並非處於一個逆時既時間線，佢同主角都係順時既時間空間到進行。同之後，主角用逆轉機去返一個星期前，一切都係逆時發生，完全係唔同架喎。 無論係主角，尼爾，反派，佢地用逆轉機進行時間逆轉，都係進入逆轉既時間線架嘛。 咁尼爾點解可以進入一個順時既時間線？
當然，最簡單既解釋就係，佢地係可以選擇順時或逆時兩種不同既時間線，任佢鐘意去邊條線都得。如果係咁⋯⋯⋯咁點解成套戲個個都走入去逆時既時間線？玩自己乎？
即係，我想話，如果成個時空逆轉既最關鍵概念，係黎自「逆轉」。 因為逆轉先可以進行時間轉移。咁尼爾呢個角色就唔知點解可以出現。但如果個概念係，唔一定要逆轉，都可以進行時間轉移，咁成套戲所有既逆轉都變成多餘，為逆轉而逆轉。完全無意義⋯⋯⋯
