【演唱會屏幕墮下與移民潮】
1.MIRROR演唱會意外，同呢篇文最後講「很多行業技術精英都走了」，share同一個諗法。
2.過去好多不同數字反映香港移民人士數目，例如2019年至2021年間有13萬人淨移出；2022年首季淨流出人口已經14萬人。
3.如果你係後生一輩，會發覺身邊仍然有人話想走，移民momentum其實冇停過，即係呢幾年香港有機會走咗30萬人。
4.呢30萬人特點係：受過高等教育、有一技之長、通常頗為年輕、帶埋小孩一齊走。佢哋本來係社會中流砥柱，但因為厭惡香港形勢而離開。
5.雖然香港on-and-off都有人失業，但聽到更多係請唔到人才，headhunter忙到唔得閒serve你，最終企業會因為人才流失好多嘢甩甩漏漏，或者係揠苗助長一班有潛力但欠缺經驗既員工，完全做唔返一貫質素。
6.移民對香港既破壞力量化唔到，只能夠靠感覺。當香港有技術、有經驗人士走晒，好多習以為常既嘢都會成為意料之外，例如演唱會上一部大電視竟然可以跌落舞台。
7.人才流失，情況就好似層層疊，呢塊積木冇咗，嗰塊積木抽出咗，最終成幢嘢會倒塌。
8.雖然唔同人都會尋根究底邊個負責今次意外，但香港最大既問題可能係結構性問題，失誤或導致人命傷亡既風險可能會慢慢暴露，仲會係跨各行各業。政府覺得移民唔係問題，係一個非常錯誤既判斷。
[ 此帖被羅力亞在2022-07-30 08:25重新編輯 ]
