第一集:
"唉,又訓唔著啦...點好呢..." 丘一帆在床上左轉右轉喃喃地說,"依加先三點,點先捱到朝早呀....上年係咁...今年又係咁...唉.." 丘一帆,一個快將十八的少年,個子不高,架著一副金絲眼鏡,好像一個辦公室的經理似的..但事實就相反,上年會考得五分,今年決定重讀再考多一次,但他心中有數..今年和上年應該差不多...試問這樣有可能做到經理嗎?我看不太可能...
正當丘一帆睡不著喃喃自語的時候,他的手提電話響起,丘一帆拿起他的電話,看看是誰這麼夜打電話給他,其實他一早估到是誰,他心暗暗地說" 九成九係熊貓啦...係得佢咁夜都唔訓架姐..." 果然是熊貓,丘一帆按了接聽鍵說道" 點呀,熊貓,你又係訓唔著呀?" " 係呀,呀帆,我都估到你會訓唔著,所以0米打俾你囉!傾下計咁囉 " " 唉.邊訓得著呀...聽日又派會考成績單,都唔知考成點...邊訓得到呀...唉..." " 我0米又係..咁如果你今次又考唔到十四,咁你點呀?" " 九成都考唔到啦...我諗住讀酒店囉...你都知我想讀好耐啦!" " 你都好0的呀...有野想讀...我都唔知讀咩好..唉..升中六又冇我份...都唔知點好..." " 同我一齊讀酒店囉,有個伴!" " 酒店?你就話想做酒店,所以讀姐...我又唔係..." " 有咩所謂呀,讀讀下就有興趣啦...同我一齊讀啦!" " 睇下點先啦....哎呀..冇電...." " 嘟...嘟...嘟 "丘一帆望著電話說 " 死仔,又冇電.." 丘一帆放下電話...繼續在床上轉來轉去......
終於到了第二天,丘一帆一早就預備好,回校拿成績單. 回到學校,老師進入課室,準備派成績單,丘一帆的緊張竟在此時一掃而空因為佢已經心中有數. " 丘一帆!" 老師叫他的名字,丘一帆拖著輕快的腳步出去拿成績單,一拿到,他立即看看自己考成如何,不出所料真的和上次差不多,今次考到八分. 丘一帆心想"都好既,可以一心一意讀酒店,唔駛煩!" 接著丘一帆打電話給他的媽媽 " 媽 " 考成點呀?" " 八分囉" "八分?姐係又升唔到啦....." 帆媽語中帶點失望地說出. "係呀,我依加去報酒店讀" " 讀邊間呀?" " 官塘職訓囉,又近,唔駛煩!" "唉...是但你啦,你都咁大個囉,自己想點就點啦,不過你係讀先好,唔好報0左又唔讀呀!" " 知道啦!" 丘一帆排了線便去報名了.
來到職訓局,丘一帆進去詢問處問道" 唔該,我想報酒店架!" " 哦,好呀,上去一樓呀!" " 哦,唔該晒!" 上到一樓,有一位校工問道 " 報酒店呀? " "係呀!" 向前行第一個課室!" "哦,唔該晒!" 丘一帆走到第一個課室,看到坐無虛席,嘩的一聲,心想"咁多人既...仲報唔報到架...唔理啦...報0左先算" 丘一帆拿了報名表,看了一會,決定報酒店業的飲食來讀,因為起碼都有餐食呀,哈哈. 填好報名表,即場面試.結果丘一帆成功被錄取. 他立即打電話給他的媽媽說他已經被錄取了. 剛打完不久,很多朋友斬打給他問問他考成如何,當然他的好朋友熊貓也不會缺少," 熊貓,協成點呀?" " 唉...慘不忍睹....一分...." "下.......一分?....咁你點呀.."丘一帆非常不相信地說." 唔知呀..可以點姐..一分....." "同我一齊讀酒店囉,一分都得架!" " ...酒店呀...." " 仲諗咩呀...你仲有第二條路咩?" " ....咁又係...死就死啦" 熊貓堅決地說. "咁就0岩啦,記住係報酒店業既飲食呀,唔好報錯呀!" " 知啦!唔好當我傻架! " " 你知你架啦..." " 得啦,飲食呀麻,知啦,係咁啦,拜!" "拜!" (待續)
[ 此貼被柯南在2005-11-06 23:42重新編輯 ]
