其實諗番之前, 兩次同冠軍一步之差, 果時時以為仲差少少, 下季就會搞得掂, 結果都係一季之後盛極而衰, 跟手又去番5X, 6X分的水平. 08/09果時仲係利老板時代, 無咩錢投資落隊波, 好成績冇條件續航, 2010年Henry哥先入主解決財政問題. 13/14後原本好大希望, 雖然夏天巴塞簽走咗Suarez, 但D錢即刻簽番幾件修咸頓人, Emre Can, Balotelli等, 好盡地一鋪feel. 估唔到Sturridge的情況以為會再闖高峰, 原來已在下山途中, 傷到喊. 新人以為有一半融入都好呀, 結果個個比之前表現打個6折, 巴神果D唔使講添.
雖然次次都會覺得今次唔同, 今次唔會上次咁, 但又真係好似今次係好唔同. 財政的穩定, 領隊的魅力, 隊中的骨幹, 呢兩年歐聯的表現, 對留住人心同吸引星級球員真係好大幫助. 今季都未完, 但已經對下季同之後的前境好期待!!