吹番買賣. 今年好少可三隊降班人馬中, 無一個夠料有興趣想執平貨引入. 反而好中意水晶晶人今年的表現, van Aanholt + Wan-Bissaka一對能攻能守, 猶其中意Wan-Bissaka, 好少人包圍同出腳可以咁準.
另外Zaha又係正, 有種似以前Sterling利記時死扭但又扭到的踼法, 我覺得有時睇隊友俾到幾多support, 前面成日得一兩件的話佢都唯有係扭落去, 身邊有D同level的球員, 踼法又會唔同.
後補埃及文明的話, 覺得Zaha或Richarlison二選一都會係好唔錯的選擇.
雖然一定唔平, 但如果曼城的翼位後補係Sane+Mahrez, 我地有Origi+另一件補前面三個都唔係好過份. 以前就話靠雙線買人策略, 貴一貴都要買最好的人(Salah, Alisson, VVD), 同時平一平買有潛質的人希望搏中幾件(Karius, Solanke, Robertson). 2019/20係第一次我地終於唔使行雙線, 因為一隊已經算組軍完成, 大家肯簽哂長約, 今年的transfer budget可能可以盡用係改善二線兵源方面.