琴日場波番到屋企先睇哂全場, 其實好險. 臨尾以為4:2但明顯越位, 最後韋斯咸單對單個下以為死得, 竟然Alisson神救, 顏面擋保住3分.
今場係今季第二次一場失多過一球, 上次係對愛記5:2個場. 睇波有時覺得我地後防真係谷得好上, VVD可以企係過咗中圈位置分波,
少少過火. 曼城上季有時都會係咁, 但都要睇情況同對手心態.
以前落後下會換Origi出黎, 買咗Minamino以為會佢同Origi爭做首席impact player, 點知上位既係Oxlade. 一換出黎打直接波, 有機會就起腳或自己帶上去, 成場比場節奏快咗好多, 造就雙方都多咗攻門, 韋斯咸肯攻後面先有多D空位.
最後見Mane被換走的一刻, 個樣好無奈, 完全睇到係話「點解又係我, 條友(Salah)玩失咁多波都踼足, 我就次次都踼唔足......」