成隊波既精神面貌都提升返去最高層次。 比賽時高度集中。 同之前個幾場波真係完全兩回事。
正如所料,AA 係好短好短既時間內已娙提升返個狀態。未必係最TOP 個陣,但至少都係水平以上。 前面三叉戟合作無間。入既第一球就係最佳示範。呢場計,三個既狀態都無問題。沙拿無波入,但傳送比以前好得多了。亦少斷纜。如果杜姆把握力好少少,沙拿至少可以拎個A 。
法賓奴打中堅,令人驚喜。其實佢都唔係第一次客串呢個位。但今次對手係TW ,更見份量。幾次 ONE ON ONE 都睇到佢一幢都無。令人開始諗,或者由得佢一路打中堅好了⋯⋯⋯哎⋯⋯⋯咁對高美斯同馬迪普都唔係咁公平⋯⋯⋯另外,之前打到無黎神氣既艾利臣。今場都翻生了。 個球PKS 好緊要呀。 75分鐘比人追返粒既話,後面個十幾分鐘會好難打的。
較失色既,都係基達。都兩三年時間了⋯⋯⋯仲未可以發揮到佢之前係德甲既實力。都仲係成日斷纜。 你話好有威脅既傳送,又唔覺有。 泰亞高黎左之後,我恐怕佢既機會只會愈黎愈少⋯⋯⋯咁攪法,好快會離主力之列愈黎愈遠。
泰亞高,半場波,已經令人信服。 明顯地,佢既加盟,肯定可以激活前面既三叉戟。令到佢地有更多變化,更多可能性。大大延長三叉戟呢個組合既「壽命」。 亦令到利記可以執行既陣式更多。有利南野或基達安插入黎。 點睇都係一個抵到爛既收購。
以咁既狀態,利記係對曼城前,應該都唔會有咩大問題。
[ 此帖被freezefox在2020-09-21 14:27重新編輯 ]