英俊:D球員差,都唔代表你換得果一條友嫁...[表情]
果場波差唔多大半隊跑唔郁,shelvey直頭係後半場斷左幾多波,無曬力都唔換
.......
路過入黎吹兩句……
首先，上季所謂既第 10 只係一個假象，分數上其實同對下幾隊相差甚少無咩大分別……
另外，今季整體實力上比起上季唔止無增加，仲可以話弱左，係其餘各隊都有增兵，此消彼長之下，咁既成績其實係可以預期……
點解話整體實力弱左呢？
1. Muto <=> Gayle…… 我覺得呢個係今季最失敗收購，Gayle 射術差就眾所周知，不過起碼有速度，同埋熟悉英超踢法，換個 Muto 返黎又要由頭適應英超，仲要 class 上完全無 upgrade (兩個係 transfermarkt 既估價都一樣係 10M)，如果要 upgrade 呢個位就超碼要買個 20M 人返黎，唔係換黎做咩？
尋日輸果球就主要係輸 Muto 無啦啦係後場橫傳，跟住當然仲要輸球證無啦啦將球門球錯判角球
2. Rondon <=> Slimani…… 同 Slimani 一樣踢兩踢就跛左
3. 最致命傷就係原有球員大跌 Watt，最明顯既就係 Diame，上季下半季發左神經，今季一如所料打回原形，變返一個英冠球員，free transfer 返黎既 Ki 又唔知點解失左蹤，連續多場無傷無病後備都無，雖然佢都唔見得好得去邊。
另一個就係 Perez，尋日睇佢真係睇到火滚，開波幾分鐘果個機會有咩理由把握得咁差，英文旁述係我地失波之前都已經不斷講呢球波，話呢的機會都把握唔到的話，咁既球隊點護到級？
4. 既然肥佬唔肯俾錢買人 (傳聞佢 100M+ TV Money 全部袋晒落袋，然後放風話賣盤由 400M 減價減到 300M，真係賤人中既極品！
)，明知賓佬就唔會續約 let the contract run to the end，係咁既情況之下對整隊波既士氣影響甚大，因為無論球員或教練團都會感到前境不明朗。咁不如就換埋領隊，不過肥佬又唔肯賠一年人工 (6M) 左右，所以整件事既結論就係肥佬自作孽抵Q死！
[ 此帖被火鳳凰在2018-10-22 12:47重新編輯 ]
