【紅 魔 鬼 曼 聯 王 朝 討 論 區 】 [復制鏈接]

shaw 傷

G-shock:簡直浪費咗個位 (2018-10-07 23:26) 

費蘭尼直接中鋒位好過啦, 至少高空波拎到, 唔係原地跳

G-shock:車仔好順，下場作客， 輸少三球當贏 (2018-10-07 23:29) 

睇黎都係 901 搏1分

其實唔放盧卡古打正中鋒，由得佢係邊路放。咪正正係佢一直以黎無論係愛華頓或國家隊既打法囉。


佢既弱點就係腳下功夫麻麻。拎波、控波、護波全部唔得。你係都要佢打正中鋒，放大佢既弱點。扼殺佢既強項。咪即係搵佢黎攪兼搵自己黎攪。

如果買佢而唔係打中鋒, 咁點解要放走伊巴?

想佢打正中鋒，同佢係咪岩打正中鋒，可以係兩件事。

呢種情況，有四個字可以形容：「事與願違」。

冇速度冇技術、拎波、控波、護波都麻麻點打邊路

Alan0502:冇速度冇技術、拎波、控波、護波都麻麻點打邊路[表情]  (2018-10-09 11:58) 

佢點會無速度？


佢爆發力強，係邊路突破能力不俗。

另外，佢係不擅於背住龍門企定定搶點，不擅於處理高空長傳。但你比到直線佢走位，佢係OK 的。


簡單D 講，佢需要更多既空間去跑動。而唔係釘死係禁區內搶點。

係國家隊，有世三，有迪布尼，比到好多靚既直線。所以佢雖然浪費左唔少機會，但入波數量一樣都唔少。

如果你要佢好似基奧特咁樣做柱「等」，做支點，做二傳。佢唔得囉，偶有一兩下神來之筆，但更多既時間係被人鬧到飛起。雖然佢有咁既身形。正正因為佢有呢個身形上既優勢，大家先會「誤會」佢可以打正中鋒！



即係，你要莫拉達做番基奧特個辦，都係死。

freezefox:佢點會無速度？
佢爆發力強，係邊路突破能力不俗。
....... (2018-10-09 12:09)

會唔會誤會左?速度同爆發力係兩樣野黎~,佢爆發力強咪得第一下~

之後都係用身位阻止對手搶波而唔係用速度去拋離對手

用佢踢邊路仲死,冇技術又冇傳中~如果話佢係內切型前鋒

但睇返佢eve 87個入球得1,2個係咁樣入又唔似~

同埋呢87個入球有8成係集中係中路等機會入

https://www.youtube.com/watch?v=2KlBmlRaN6s


簡單d講你兩翼有傳中,中場有直線比佢,唔好要佢控,停,扭,

剩係要佢擺個波入網,佢就交到功課比你

姐係類似以前雲尼斯杜萊咁上下既工作

只可以講現階段lukaku唔適合曼聯既戰術體系,摩連奴戰術需要一個強而有力既前鋒單打獨鬥,

可以自己搵食既前鋒~姐係杜奧巴果類~唔係lukaku呢類需要供應既前鋒~

Alan0502:只可以講現階段lukaku唔適合曼聯既戰術體系,摩連奴戰術需要一個強而有力既前鋒單打獨鬥,
可以自己搵食既前鋒~姐係杜奧巴果類~唔係lukaku呢類需要供應既前鋒~ (2018-10-09 12:55) 

所以最唔明
當初就係知佢唔係第二個drogba先放走
而家又買返佢做drogba既野

Alan0502:會唔會誤會左?速度同爆發力係兩樣野黎~,佢爆發力強咪得第一下~
之後都係用身位阻止對手搶波而唔係用速度去拋離對手
....... (2018-10-09 12:46) 

同埋相對上以前係愛記,對其他球隊會有互攻既情況
人地中後場無企到咁密,佢空間點到多過而家(禁區內/外)

而家打陣地完全顯露晒佢搶點同走位弱既問題出現
上一場眉段佢走左去右邊,唔係中間同左路阻住做波,其他球員就發揮到

滅羅:同埋相對上以前係愛記,對其他球隊會有互攻既情況
人地中後場無企到咁密,佢空間點到多過而家(禁區內/外)
而家打陣地完全顯露晒佢搶點同走位弱既問題出現
....... (2018-10-09 13:09) 

搶點佢ok的~反而有冇發現曼聯個戰術中兩邊大部分都係內切型球員,eg:福仔,馬仔,山神,連加特~

個個都內切既話,咁睇波既咪有個錯覺lukaku係中間係阻住哂~佢一離開中間其他球員就發揮到

同埋佢踢愛華頓時期兩邊好多傳中好手~史密斯高文,巴尼斯,迪路菲奧,派拿,所以表現係好好多~

Alan0502:會唔會誤會左?速度同爆發力係兩樣野黎~,佢爆發力強咪得第一下~
之後都係用身位阻止對手搶波而唔係用速度去拋離對手
....... (2018-10-09 12:46) 

我又唔係叫佢打翼！佢當然唔係速度飛快個類，但肯定唔係「無速度」囉。你之後講既雲尼斯杜萊就無速度。

佢活動範圍都係禁區外圍，只要有爆發力，兩三下都爆都入禁區了。


其實你講既同我講既咪同一樣野。咪就係唔好要佢打柱「等」式既中鋒。正前鋒係無問題的。佢射術好，射門雄渾有力！雖然把握力一般，但只要有足夠供應，佢入球能力係強的。呢個就係點解佢會被稱為「弱隊殺手」既原因了。對弱隊，你一場波可能有十次八次機會。浪費左五六次都好，把握到三次就戴帽！

但強強對疊，成場可能就係得個一兩次黃金機會，正正因為佢把握力一般，所以對強隊往往都入唔到波，成日比人錯失機會既印象。



無錯，佢同雲佬係做緊差唔多既野。可惜，佢同雲佬既把握能力真係兩個世界…………