浸大咪神一球大勝周秀娜
2010年12月07日
一向橫掃寫真界的周秀娜，在剛過去的書展已經受浸大咪神楊梓瑤（ Carol）的狙擊。不是寃家不聚頭，在葉念琛執導的新戲《婚前試愛》中，兩人再度鬥個你死我活，她們在片中跟男主角都有極大膽的親熱戲。其中 Carol被對手羅仲謙壓至胸部變形，以 34E上圍一球大勝周秀娜。
本月 23日上映的電影《婚前試愛》，由周秀娜、楊梓瑤、羅仲謙及萬寧哥哥沈志明主演，是聖誕檔期唯一的港產片。同期對撼的包括《哈利波特：死神的聖物 1》（ Harry Potter and the Deathly Hallows Part 1）、《小人國大歷險》（ Gulliver's Travel）及《毛百萬》（ Megamind）等荷李活電影。片中周秀娜與羅仲謙扮演一對快將結婚的情侶，卻發生爭執，並同時遇上令他們心動的異性，兩人面對新奇而毫無保留的偷食誘惑，均感心大心細。
Carol七情上面
近日以一身肌肉出位的謙仔，會分別跟 34E的 Carol及 32D的周秀娜演激情戲，令一班宅男咬牙切齒。其中一場跟 Carol在床上搏鬥達 5分鐘的性愛戲份，女方的巨胸被壓至變形，加上 Carol七情上面的表情，很難令人相信她是初登銀幕的 o靚模。反觀同樣以性感出位的娜姐，雖然先後肉搏謙仔及萬寧哥哥，特別是跟後者那一場走勻全屋、招式百變的親熱場面，意識大膽，但客觀而論娜姐仍不敵 Carol簡單直接的一球彈出。
Carol昨日接受電話訪問時談及自己的床戰戲份說：「都唔係好大膽啫，角度問題，導演拍得勁啫，我當時都黐晒膠紙，做足防走光準備，而且阿謙大隻，佢瞓落嚟啱啱遮住我唔走光，我借佢身體做擋箭牌。不過，佢壓落嚟都好重吓。」 Carol更表示自己拍戲經驗不多，全靠拍檔幫忙，她說：「阿謙教我點就位，我都冇理咁多，拍時都冇尷尬。呢啲戲已經係我嘅底線，冇得再低 o架啦，都係劇情需要，再大膽嘅戲份，我暫時未 carry到。」提及 Carol以一球大勝同片的周秀娜大搶風頭， Carol即說：「點會，我冇可能贏到娜姐，佢啲都好激。」
娜姐裸背誘惑
原來周秀娜在片中也會大露背色誘羅仲謙，周秀娜昨日在電話中說：「我同阿謙扮未婚夫婦，所以床戲好 sweet，至於交代我同沈志明嘅偷情戲，意識比較大膽。」對於同片 Carol的豪情倒奶搶風頭，周秀娜說：「我完全冇諗呢啲，大家戲中感情線都唔同，我同 Carol都冇對手戲。」
在戲中跟兩女床戰連場的謙仔，他接受訪問時說：「唔係你哋睇咁浪漫，個對講機放喺床頭，成日會聽到導演指示點做，而我嘅責任就係用我嘅胸肌遮住令佢哋唔會走光。」對於《婚》片同期強片臨立，導演葉念琛說：「片種唔同，而且呢個咁好檔期，冇其他咁地道話題的愛情電影，而且《哈利波特》冇我哋着咁少衫。」
採訪：何永寧、比華利
