新年將至Angelababy相約鄭中基買海味賀年，入到海味店即指着燕窩大嗌：「我要買冬菇！」搞到正在用鮑魚扮超人的鄭中基即時O嘴：「我冇聽錯嘛？呢啲係冬菇？」並將鮑魚移近耳仔當耳罩，以為自己聽錯又看錯！二人玩完鮑魚扮超人和米奇老鼠後，又拿起名貴花膠當尖帽，鄭中基則繼續扮超人，花膠變手臂，繼而搞笑地用花膠扮揮春，祝大家「年年花膠咁靚」！
Baby坦言主演的賀歲電影《花田囍事2010》上映，大感雀躍，而鄭中基亦表示有信心票房再創佳績，虎年會多放時間在音樂上，但落實會原班人拍《龍咁威》第三集，問到新年適逢情人節，會否約緋聞女友蔡卓妍拍拖拜年？他即笑說：「睇吓點啦！」
另外，Baby早前請教風水老師問虎年運程，得知虎年順景兼桃花旺，安心又開心，因為桃花旺即人緣好，對事業更有幫助：「每年我都會睇風水，入行之後每年都會買桃花，喻意桃花當旺！」早前她到旺角花墟揀選桃花，可惜尚未「出爐」，只好以意頭價「易發」即28元買了一顆「五福臨門」。
http://the-sun.on.cc/cnt/entertainment/20100213/00470_023.html佢最近同中基哥傳緊?
但係baby真係好靚
