電玩節打到嚟 台美少女跟宅男抱抱
後日揭幕 料 70萬人次進場
2010年07月28日
【本報訊】動漫電玩節周五殺到，大批機迷、動漫迷又踏入瘋狂日子，有人通宵瞓街輪候搶購精品，有人為性感的 Game Girl着迷，而且本地電玩女模外，展商又邀來台灣美少女，跟宅男抱抱，現場又有全新體感遊戲試玩，為宅男們提供全方位感官享受。大會預計今年將吸引 70萬人次進場，但否認禁止部份 o靚模場內舉行活動，只為免引起混亂。記者：翁煜雄
一連五天動漫電玩節，共有 150個參展商，多位遊戲參展商昨先來展前大「晒冷」。每年吸引大批年幼機迷搶購的越一，今年推 LFO卡倫手辦模型，售 800元特別版只有 10個，頭 3個搶購的可獲贈冰清版，總裁朱仲豪說：「雖然炒唔係咁好，但網上已經有人問價。」他說，為免機迷之後日子進場「冇嘢好買」，特別將《黃金至尊收藏本》，每日都推 30本發售。
可率先擺脫手掣束縛
Gameone則由韓國引入《勁舞團》體感結他、無限正義版高達等，首 20名購物的可獲抱抱點數卡，持卡可抱抱《夢幻古龍》代言人、台灣美少女大元（真名林盈臻）；現場也會有 10位 Gameone Game Girl與機迷玩遊戲。
Gamania也邀台灣 Show Girl到場，並推出將首次與電影同步推出的網絡遊戲《劍雨》，現場又招聘遊戲產品營運主任，起薪點由 9,000至 1.2萬元不等。
Xbox 360則設亞洲首個 Kinect公開試玩台，本地機迷可率先擺脫手掣束縛，以身體郁動直接玩體感遊戲，全新曝光遊戲包括《 Kinect Sport》、《 Dance Central》等，首三位試玩的更可優先選購 Kinect。
部份扭蛋公仔只需 1元
玩具方面，瑞華行在場設全球最多共 400部扭蛋機，逾 200款扭蛋公仔，部份更只需 1元。場內訂購漫畫家李志清的《射雕英雄傳》精裝特厚本全套，可參與抽獎，獎品是李志清親繪的油畫。玉皇朝《天子傳奇》 Online Game攤位，每日也會派 800把吹氣刀。今年的創意地攤，除本地精品外，一群杭州獨立設計師，也應邀參與，提供多款生活用品、家具、手工藝品等供選購。
另外， Gameone、 Xbox本安排周秀娜等 o靚模在攤位與機迷見面，但大會認為有關人士易引起哄動，故不應在攤位內舉行而禁止該活動。
動漫電玩節行政總裁梁中本說，會繼續派發排隊證明予頭 300位輪候人士，以免混亂，並料可吸引逾 70萬人次，較去年 64.9萬，上升 7%。
動漫電玩節 2010
日期： 7月 30日至 8月 3日
時間：早上 10時至晚上 9時（ 8月 3日提前至晚上 8時）
地點/入場費：灣仔會展/28元
節目及特色： ACG Girl比賽、創意地攤、電擊高達模型王大賽、 Cosplay大賽等
必搶精品（售價及展商）：
• LFO卡倫手辦模型（ 800元/越一）
•絕對武力反恐狙擊密碼卡（ 200元/Gamania）
• 勁舞團體感結他（ 350元/Gameone）
•南宮問天手辦公仔（ 1,200元/玉皇朝）
•「 12吋絕世好劍」加「雪飲刀雷射版」套裝（ 800元/天下）
資料來源：動漫電玩節
特稿：瞓街九日機迷誓搶限量品
開幕前通宵輪候的人龍，幾乎已成為動漫電玩節的特色，今年更誇張，有機迷一早於上周三已到達會展外等候，無懼黑色暴雨警告， 13名只有十多歲年輕人瞓街九日，誓言要取得網絡遊戲限量精品，但也坦言：「價錢啱都可能賣番出去。」而漫畫迷也不甘示弱，上周五已前來霸頭位：「班 o靚仔咁勁，我哋都要早啲。」
夾錢租酒店房冲凉
市民上周三仍忙於到剛開幕書展時，年約 20歲的李先生已與 12名機友跑到會展，輪候進入本周五開始的動漫節。大會還未有排隊安排，他們便像游牧民族般，一時躲在舊翼的士站外，一時在露天處聚集等候。
打散工的他說，眾人湊錢在附近租了一酒店房，「輪流上去冲凉。」當中不少 13、 14歲少年，昨即使多次下大雨，仍站着在路邊打機打發時間：「屋企人都知，又唔係做衰嘢。」
李先生說想搶購越一的限量卡倫手辦模型，每個售 800元，頭三位可獲贈冰清版：「聽講都有炒價，價啱，好似幾千蚊咁，會考慮賣出去。」他的如意算盤未必響，因該類精品早前也曾有價無市。
43歲蔡先生也與莫先生等逾 10名友人，上周五到來：「見到班 o靚仔好早嚟嘛。」他們與年輕機迷並非競爭對手：「我係想買天下嘅刀劍套裝。」他特意請假一周：「年年嚟，你訪問我都訪問到熟啦。」
本報記者
