周潤發昨日出席英皇電影《讓子彈飛》香港記者會，席間，「估神」上身的他表示，看好佘詩曼及鄧萃雯爭視后！據知，身在無錫拍劇的阿佘正努力度期出席頒獎禮：「幾辛苦都要返香港！」
英皇電影投資一億五千萬港元、影帝周潤發、姜文及葛優等主演的電影《讓子彈飛》，昨日舉行盛大記者會，偕太太陳薈蓮赴會的發哥以戲中的西裝造型亮相，吸引半百傳媒採訪，場面熱鬧！向來是「電視精」兼「估神」的發哥，除了大談拍戲趣事外，又認同今年視后是佘詩曼與鄧萃雯之爭：「都係阿佘同雯女兩個爭啦！（如果要你揀一個？）冇得揀呀！咁揀鄭裕玲啦！」至於視帝誰屬，影帝發哥卻「反高潮」力捧老友兼金像影帝鄭則士，而非大熱「劉醒」黎耀祥：「我前晚睇《義海豪情》大結局，仲將『醒哥』記錯o左係『柴九』！（林峰呢？）咪似麥包囉！」對於黃日華早前炮轟無線「大細超」，他說：「佢鬧TVB我睇唔到，我只係讚TVB！」司儀嘟姐即打蛇隨棍上，邀他回巢拍劇，發哥笑說：「你返我咪返囉！不過唔知會唔會叫我一年簽一個騷喎，係就唔知點算！」
阿佘度期返港
其實外界一致認為今年視后屬雯女與阿佘之爭，有傳陳志雲回歸增添雯女及祥仔的勝算，加上阿佘曾揚言因在內地拍劇而缺席頒獎禮，令雯女「后」勁更凌厲！不過，雖然《公主嫁到》大結局收視不及《義》劇，但整體平均收視卻比《義》劇多出4萬觀眾，據知阿佘得悉《公》劇平均收視撼贏《義》劇後，即度期返港應戰：「我依家o係無錫拍緊《帶刀女捕快》，呢套劇好趕，就算我返到o黎都要即日來回，但咁辛苦我都好想返o黎，因為有提名好想參與！（勝算高o左？）冇玄機o架！未到頒獎禮一刻都唔會知，我希望《公》劇「羅」『最佳劇集』！」
雯女改爭「飛躍進步」
至於昨日拍攝健康食品廣告的雯女，對於獲發哥睇好大表感激：「其實我信心不嬲大！我覺得可以「羅」飛躍進步獎，因為個角色難度好高！（平均收視唔夠《公》劇勁，擔心「羅」唔到『最佳劇集』？）劇種唔同，唔好以用收視定輸贏！」
http://news.hk.msn.com/entertainment/article.aspx?cp-documentid=4641096
