其實我覺得公開有公開既好處既。最少有示警同作為案例既作用。論壇係真心想扭轉諧音粗口既風氣既話，單單係個別地扣分其實作用不大。PM版主十居其九係事後既事，扣分亦一定係唔知過左幾耐先會做。PM 又好，扣分又好，全部都唔會有人知道，除當事人外。係咁既情況下，大家只會見到有人爆粗都無問題（因為見唔到事後係有人追究番的），唔會有警惕作用。大家依舊會繼續爆。
唯有係好似宜家咁有個地方比人舉報，版主總版作出公開的判罪，邊單係成立，邊單係唔成立，為規則定下案例，為判斷劃下底線，大家先會知咩係OK ，咩係唔OK。案例一立，亦免除日後大家問點解佢又唔罰我又罰，點解呢句唔得個句又得既爭議。
當然，公開判決亦有唔好處，即時既紛爭會多左，可能每一單都要嘈一輪先可以落判決。判決後總有一方唔甘心唔接受，又會係第二度唱你串你，係唔好受，係好激氣既。
所以，追求一時既安寧，定係長治既安寧，管理層自己決定了。
