• 1221閱讀
  • 24回復

[轉貼]名校教了我什麼——女校生的反思 [復制鏈接]

上一主題 下一主題
離線智者
 
發帖
14653
好友元
46535
閱讀權限
37357
貢獻值
2
只看樓主 倒序閱讀 使用道具 樓主   發表于: 2010-12-05
http://hk.news.yahoo.com/article/101204/4/lljy.html

周日話題﹕名校教了我什麼——女校生的反思
(明報)2010年12月5日 星期日 05:05

【明報專訊】直資名校被揭發一大堆混帳,那部古老幻燈片機就在我的腦袋開動不斷重播我的中學校園片段,晃眼已是十多年前的泛黃舊事。

我的母校,是港島區一家有逾百年歷史的女校,人稱「老牌名校」、「貴族學校」。我曾經為自己能夠入讀這樣的名校感到無比自豪,因為我們一班女生,既能說流利英語、又懂得吃西餐禮儀、亦能夠淡定自信於人前表現自己,根本唔將隔籬學校著旗袍紮孖辮的四眼妹放在眼內。

直至我做了記者,我才發現,所謂名校生獨有的自信、傲氣,還有世故、現實,跟那隻只懂呱呱叫的井底之蛙,沒太大分別。

八九六四   那年,我在鰂魚涌一間街坊中文小學讀小五。我是班長,自發貼了大堆剪報,發起同學手纏黑布。翌年六四1周年如是,我還記得我們和班主任一起哭。

1991年,我被派到那所名女校升中一,班主任比我更興奮,我卻戰戰兢兢。

我被編入全級最top的A班,噩夢開始——老師上課全講雞腸我聽唔明、英文堂默生字我無個寫得出、原校小學升上來的個個都已埋堆唔受我玩,和我一樣的外來生全班只有五六人,她們不是半唐番就是英文小學出身,來自中文小學的好像只我一個。

同窗:我唔想自己中文咁叻

中文堂,成為我的避難所,也是我唯一找回點點信心的課堂。可惜,我的同學都看不起中文,反而為自己中文成績遜於英文而感「自豪」。我很記得,中二那年我的同窗中文測驗全班最高分,她放學時卻苦瓜乾面口道﹕「我唔想自己中文咁叻,我要英文勁呀。」

不單我的同學,後過渡期年代的修女校長,也不將中文放在眼內。中三起我加入中文辯論隊,校方對我們的重視遠不及英文辯論,我的大師姐隊員都是高材生,閒談時笑道﹕「校長唔理我口地仲好,輸咗都無壓力。」據說,修女校長的臉孔在回歸後180度轉變,小師妹通風報訊,Sister近年經常強調要向北望學好普通話,轉直資後又花大筆錢裝修   搞個什麼孔子學堂,希望girls都要學好中國文化。

名校,就是如此現實。它貫輸的價值觀是七個字——識時務者為俊傑。不單校長,老師、同學,都很懂得做人——做一個成功的主流香港人,當然離不開一個錢字。

名校價值:識時務者為俊傑

我的同學,家住干德道司徒拔道,每天司機駕著勞斯萊斯定時定候接送。中二那年,富家女邀請我到她的大潭複式洋房,我到今天仍記得那個無敵大海景。那晚,我回到數百方呎的舊樓——我的家,感到前所未有的自卑。

同學雖然有錢,但她們不算show off——應該說,她們由開口講英文到言談間展現個人長處,是骨子埵蛣M流露的自信,外人覺得她們「寸」、「扮口野」,但那其實是她們是獨有的上流社會溝通方式、貴族間的溝通密碼。午飯鐘響,校園是中英夾雜的喧鬧、好動女生在球場打英式netball而非籃球羽毛球、貪靚的討論暑假去歐洲買什麼名牌。沒有人會談六四,也懶理香港回歸將至。

我當年自覺格格不入,這幾天我不停思考,這個年代獲獎學金的窮學生,入到直資學校後,可有當年我的自卑、孤單?

年輕的我用了半年時間,流了很多淚水、開了多晚通宵,就全程投入校園生活,學懂說美國   口音英文、不怕在堂上舉手答問題、在同學面前不再害羞,我學會了如何做個presentable的名校生。我的成績由包尾變成中等,更獲頒全年進步獎。我開始享受校園生活,和我的富家同學一起溫習看戲談天說笑。我享受自己被標籤成「A班精英」,有名人來校探訪,校長只會把他帶到我們A班;朗讀話劇跳舞我們A班都拿冠軍;老師最疼惜的又是我們A班。

勝王敗寇的遊戲規則

名校的遊戲規則是「精英制」,你入了A班、拎到獎,就是精英中的精英,如盛放牡丹成眾人焦點,其他班別的同學,只是你的綠葉。名校精英制,簡單來說是套用職場遊戲規則——勝者為王敗者為寇,職場的上位伎倆,名校生早在少年十五二十時就學懂——懂得識時務、懂看人眉頭眼額、懂把握機會表現自己長處。但少女含苞待放的天真純情,去了哪兒?年輕人對社會的熱血,為什麼丁點都不見?

中六那年,我被同學選了當Head Girl(雖然我不是會考狀元)。那年我18歲,成年了,看到所謂名校生、我的同學師妹,很多人雖然表面自信家境富裕,但其實心靈空虛,有的放學流連百貨公司不願回家、有的故意不穿整齊校服引人注意。我將我的發現告訴校長老師,希望他們多花時間關心同學,而非一味叫她們參加比賽幫學校拎獎。

結果我被大駡,更被視為最不聽話的Head Girl。

10多年了,如今,我不少中學同學都很有成就,有的是某某大公司主管、有的嫁了有錢人錦上添花。數月前,在婚宴重遇昔日的A班同學,她們說起自己的職業、老公、子女,當年班房堛漲菻H又再呈現,表現自己似乎是名校生的終身任務。

可是,我已不再是A班那個小薯仔,我不想再追隨A班大隊了。

離開名校投身記者工作後,我看到世界之大,不是只有干德道豪宅、生活也不是只有名牌拎獎、做人的價值也不是只懂得看人眉頭眼額。世界之大、胸襟之廣,是即使我們家住干德道,也知道香港有個地方叫深水埗有很多板間房;即使我們追逐名利,也關心世界大事懂得分辨是非黑白,而非趨炎附勢。

倒模生產典型香港人

教育的終極目標,是訓練每個人的獨立思考、批判思想。但名校在這方面做到幾多?名校最成功的,是它大批倒模生產一個個典型香港人——實際、精叻、識上位、識表現自己。但更深層的價值——真、善、美,名校又教了幾多?

這個每個名校生都應思考的問題。

後記

我不憎恨我的母校,畢竟它教曉我很多實際的。到今天我最好的朋友,都是和我背景類近的中學同學。雖然她們不讀報、不關心時事,但都有一顆溫柔的心。我預科時的中文老師是我最尊敬的人,也是我的死黨。

寫這篇文章,是希望香港人不要盲目貪慕名牌。所謂名校的教育理念,你作為家長是否認同?更重要的,是你希望學校教曉你的子女什麼?

而我最希望,香港出色的窮學生與富學生,都有平等機會入讀優質學校,這卻是我對直資概念的最大質疑。

文 蘆葦

編輯 屈曉彤、劉逸芝
  
發帖
67977
好友元
0
閱讀權限
67977
貢獻值
2
只看該作者 1  發表于: 2010-12-06
我尋日都讀左呢篇~~
確係幾值得一讀嘅~~
離線羔羊仔
發帖
7937
好友元
315
閱讀權限
7937
貢獻值
0
只看該作者 2  發表于: 2010-12-06
係fb睇左,寫得好好
離線星淺
發帖
2359
好友元
2359
閱讀權限
2359
貢獻值
0
只看該作者 3  發表于: 2010-12-06
名校一味剩係識得拔尖

不論老師說話行為尖酸刻薄 上堂抽盡你水

校長等等都為左保持個D所謂既9X% 100%

而盡量由各地方打擊學生自信 務求你放棄轉校

我小學都係全級第2 同班第1的

不過中學後 我搬屋每程車要成1個鍾頭9個字

搭完車就已經累到阿媽都唔認得

每個禮拜5日有3日遲咁制

條校長為左打擊我 中2已經要我留左一年

仲要將我SD去社工做唔知咩氏智力測試企圖想搵個籍口趕我走

所幸得出黎都有123佢地趕唔到我走 就話我一路食老本

仲有每日廣播都有我名咁制 要去咩咩室咩咩室

跟住個年再唔俾我升

我即刻唔再係依個學校哂時間

轉番去平凡學校做山大王

上堂剩係聽下書都第一咁制 諗番起佢地簡直就係浪費左我既時間

係我走左無耐2年 個間學校終於天怒人怨 有記者爆哂D黑暗野出黎 個陣我不知幾心涼
[ 本文被星淺在2010-12-06 17:43重新編輯 ]
離線迪克
發帖
40661
好友元
10001
閱讀權限
118083
貢獻值
14
只看該作者 4  發表于: 2010-12-07
八九六四   那年,我在鰂魚涌一間街坊中文小學讀小五。我是班長,自發貼了大堆剪報,發起同學手纏黑布。翌年六四1周年如是,我還記得我們和班主任一起哭。



果然一蟹不如一蟹
只愛足球
離線xo883
發帖
11375
好友元
12470
閱讀權限
11375
貢獻值
1
只看該作者 5  發表于: 2010-12-09
其實點定義為名校? 出好多狀元定咩?
離線PonG
發帖
38395
好友元
106089
閱讀權限
38395
貢獻值
2
只看該作者 6  發表于: 2010-12-10
我唔多同意
離線麻凡
發帖
34665
好友元
44164
閱讀權限
34665
貢獻值
10
只看該作者 7  發表于: 2010-12-10
引用第6樓→※Pong※←2010-12-10 00:43發表的“”:
我唔多同意 [表情]

邊方面?
離線PonG
發帖
38395
好友元
106089
閱讀權限
38395
貢獻值
2
只看該作者 8  發表于: 2010-12-11
引用第7樓麻凡2010-12-10 07:54發表的“”:
邊方面?

中文堂,成為我的避難所,也是我唯一找回點點信心的課堂。可惜,我的同學都看不起中文,反而為自己中文成績遜於英文而感「自豪」。我很記得,中二那年我的同窗中文測驗全班最高分,她放學時卻苦瓜乾面口道﹕「我唔想自己中文咁叻,我要英文勁呀。」


名校,就是如此現實。它貫輸的價值觀是七個字——識時務者為俊傑。不單校長,老師、同學,都很懂得做人——做一個成功的主流香港人,當然離不開一個錢字。


仲有其他。。。
發帖
67977
好友元
0
閱讀權限
67977
貢獻值
2
只看該作者 9  發表于: 2010-12-11
引用第8樓→※Pong※←2010-12-11 20:43發表的“”:
中文堂,成為我的避難所,也是我唯一找回點點信心的課堂。可惜,我的同學都看不起中文,反而為自己中文成績遜於英文而感「自豪」。我很記得,中二那年我的同窗中文測驗全班最高分,她放學時卻苦瓜乾面口道﹕「我唔想自己中文咁叻,我要英文勁呀。」
名校,就是如此現實。它貫輸的價值觀是七個字——識時務者為俊傑。不單校長,老師、同學,都很懂得做人——做一個成功的主流香港人,當然離不開一個錢字。
.......

其實, 唔同"名校"都有唔同嘅所謂"風氣".
所以, 唔可以全部都一概而論嘅....
(同你一樣, 我對作者所講嘅事同觀點亦唔係完全讚同)

不過以我所知, 作者嘅母校以前確係有以上你quote左嘅呢個情況.....




我覺得, 呢篇文章嘅出現, 好嘅地方在於, 不單止引起廣泛討論, 仲有好多d延伸閱讀 (有好多文化界blogger都有寫返篇), 睇埋睇埋知道得更多, 有一個更整體嘅體會~~
離線麥精
發帖
59442
好友元
41
閱讀權限
59443
貢獻值
5
只看該作者 10  發表于: 2010-12-11
引用第9樓sikingthegreat2010-12-11 21:36發表的“”:
其實, 唔同"名校"都有唔同嘅所謂"風氣".
所以, 唔可以全部都一概而論嘅....
(同你一樣, 我對作者所講嘅事同觀點亦唔係完全讚同)
.......

而且作者果個年代同我地都唔同了..


不過我都幾buy佢講
離線PonG
發帖
38395
好友元
106089
閱讀權限
38395
貢獻值
2
只看該作者 11  發表于: 2010-12-11
引用第9樓sikingthegreat2010-12-11 21:36發表的“”:
其實, 唔同"名校"都有唔同嘅所謂"風氣".
所以, 唔可以全部都一概而論嘅....
(同你一樣, 我對作者所講嘅事同觀點亦唔係完全讚同)
.......

佢引申出黎GE 野我覺得OK

教育的終極目標,是訓練每個人的獨立思考、批判思想。但名校在這方面做到幾多?名校最成功的,是它大批倒模生產一個個典型香港人——實際、精叻、識上位、識表現自己。但更深層的價值——真、善、美,名校又教了幾多?
寫這篇文章,是希望香港人不要盲目貪慕名牌。所謂名校的教育理念,你作為家長是否認同?更重要的,是你希望學校教曉你的子女什麼?

而我最希望,香港出色的窮學生與富學生,都有平等機會入讀優質學校,這卻是我對直資概念的最大質疑。


只係我對佢有D 內容唔認同罷了 
離線隨風
發帖
11450
好友元
123260
閱讀權限
11450
貢獻值
0
只看該作者 12  發表于: 2010-12-13
引用第11樓→※Pong※←2010-12-11 22:43發表的“”:
佢引申出黎GE 野我覺得OK
教育的終極目標,是訓練每個人的獨立思考、批判思想。但名校在這方面做到幾多?名校最成功的,是它大批倒模生產一個個典型香港人——實際、精叻、識上位、識表現自己。但更深層的價值——真、善、美,名校又教了幾多?
寫這篇文章,是希望香港人不要盲目貪慕名牌。所謂名校的教育理念,你作為家長是否認同?更重要的,是你希望學校教曉你的子女什麼?
.......

老實講 就當名校真係教唔得幾多「真、善、美」
非名校又係咪真係可以教到 而且教得好呢?

我覺得要引伸到咁偉大 要教懂學生「真、善、美」
已經唔單單係學校既問題 係成個大環境既問題
面對學生少同公開考試既壓力 又有幾多學校或者老師仲可以兼顧到咁多野丫
離線火鳳凰
發帖
91242
好友元
47392
閱讀權限
91242
貢獻值
2
只看該作者 13  發表于: 2010-12-13
引用第11樓→※Pong※←2010-12-11 22:43發表的“”:
佢引申出黎GE 野我覺得OK
教育的終極目標,是訓練每個人的獨立思考、批判思想。但名校在這方面做到幾多?名校最成功的,是它大批倒模生產一個個典型香港人——實際、精叻、識上位、識表現自己。但更深層的價值——真、善、美,名校又教了幾多?
寫這篇文章,是希望香港人不要盲目貪慕名牌。所謂名校的教育理念,你作為家長是否認同?更重要的,是你希望學校教曉你的子女什麼?
.......


老實講句,我都唔係太認同佢講既野。基本上文章內大部份既內容,只係帶出左香港學校既問題,其實將「名校」兩字變為「香港學校」都一樣講得通。將「名校」兩字放上去一的全港性的問題上,我個人覺得有點兒「譁眾取寵」。


中文堂,成為我的避難所,也是我唯一找回點點信心的課堂。可惜,我的同學都看不起中文,反而為自己中文成績遜於英文而感「自豪」。我很記得,中二那年我的同窗中文測驗全班最高分,她放學時卻苦瓜乾面口道﹕「我唔想自己中文咁叻,我要英文勁呀。」

不單我的同學,後過渡期年代的修女校長,也不將中文放在眼內。中三起我加入中文辯論隊,校方對我們的重視遠不及英文辯論,我的大師姐隊員都是高材生,閒談時笑道﹕「校長唔理我口地仲好,輸咗都無壓力。」據說,修女校長的臉孔在回歸後180度轉變,小師妹通風報訊,Sister近年經常強調要向北望學好普通話,轉直資後又花大筆錢裝修   搞個什麼孔子學堂,希望girls都要學好中國文化。

名校,就是如此現實。它貫輸的價值觀是七個字——識時務者為俊傑。不單校長,老師、同學,都很懂得做人——做一個成功的主流香港人,當然離不開一個錢字。


從回歸前既英文主導到回歸後既背向祖國兩文三語,這是香港普遍的價值觀轉變,教育政策的改變自然會影響香港所有學校(包括名校)……


我的同學,家住干德道司徒拔道,每天司機駕著勞斯萊斯定時定候接送。中二那年,富家女邀請我到她的大潭複式洋房,我到今天仍記得那個無敵大海景。那晚,我回到數百方呎的舊樓——我的家,感到前所未有的自卑。

同學雖然有錢,但她們不算show off——應該說,她們由開口講英文到言談間展現個人長處,是骨子埵蛣M流露的自信,外人覺得她們「寸」、「扮口野」,但那其實是她們是獨有的上流社會溝通方式、貴族間的溝通密碼。午飯鐘響,校園是中英夾雜的喧鬧、好動女生在球場打英式netball而非籃球羽毛球、貪靚的討論暑假去歐洲買什麼名牌。沒有人會談六四,也懶理香港回歸將至。

我當年自覺格格不入,這幾天我不停思考,這個年代獲獎學金的窮學生,入到直資學校後,可有當年我的自卑、孤單?


我自己都係一個傳統名校既「窮鬼」,因為年代比作者更早,當年既學校更加貴族,但係就無作者的感受。

無可否認,名校內有甚多有錢的學生,但係我認識既大部份人都唔會炫耀,因為一山還有一山高,你有錢時別人比你更加有錢,全港最有錢果個都係隔離班,佢地有乜好炫耀?老實講句,講「寸」,我地呢的「窮鬼」經常講野聲大夾惡、粗粗魯魯、自以為是,比起佢地班有錢仔女仲「寸」得多。

見到人地屋大就覺得自卑、孤單、格格不入,呢個明顯係作者自身的問題啦。我都去過同學位於山頂的獨立屋,好似與世隔絕咁,一唔講野隻耳仔就覺得好辛苦。我反而覺得自己數百方呎的舊樓仲方便舒適。


名校的遊戲規則是「精英制」,你入了A班、拎到獎,就是精英中的精英,如盛放牡丹成眾人焦點,其他班別的同學,只是你的綠葉。名校精英制,簡單來說是套用職場遊戲規則——勝者為王敗者為寇,職場的上位伎倆,名校生早在少年十五二十時就學懂——懂得識時務、懂看人眉頭眼額、懂把握機會表現自己長處。但少女含苞待放的天真純情,去了哪兒?年輕人對社會的熱血,為什麼丁點都不見?


「精英班」、「精英制」係香港而家好多學校的遊戲規則,唔侷限係名校,有的學校直情分開英文班同中文班,呢個係香港教育制度造成的畸形現象。反而我自己當年讀果間就無分「精英制」,將所有學生打散晒係唔同班。


離開名校投身記者工作後,我看到世界之大,不是只有干德道豪宅、生活也不是只有名牌拎獎、做人的價值也不是只懂得看人眉頭眼額。世界之大、胸襟之廣,是即使我們家住干德道,也知道香港有個地方叫深水埗有很多板間房;即使我們追逐名利,也關心世界大事懂得分辨是非黑白,而非趨炎附勢。

倒模生產典型香港人

教育的終極目標,是訓練每個人的獨立思考、批判思想。但名校在這方面做到幾多?名校最成功的,是它大批倒模生產一個個典型香港人——實際、精叻、識上位、識表現自己。但更深層的價值——真、善、美,名校又教了幾多?

這個每個名校生都應思考的問題。

後記

我不憎恨我的母校,畢竟它教曉我很多實際的。到今天我最好的朋友,都是和我背景類近的中學同學。雖然她們不讀報、不關心時事,但都有一顆溫柔的心。我預科時的中文老師是我最尊敬的人,也是我的死黨。

寫這篇文章,是希望香港人不要盲目貪慕名牌。所謂名校的教育理念,你作為家長是否認同?更重要的,是你希望學校教曉你的子女什麼?


不讀報、不關心時事、沒有世界觀、坐井觀天……

呢的全部都係香港學生普遍的問題,關名唔名校乜野事?名校比起其他學校更加嚴重?我又唔覺得喎。

每間學校內都會有唔同類型既人,我個人覺得你自己係乜野人就會群埋乜野人,自己「不關心時事」就會群埋一班不關心時事的,自己「貪靚的討論名牌」就會群埋一班貪靚的討論名牌。我自己當年就參加不少公民教育的活動、研討會、辯論比賽等等,連學校既 drama 都會選擇一些世界政治議題去借題發揮。不過當然參加呢的活動既出發點係為左識女仔……
離線智者
發帖
14653
好友元
46535
閱讀權限
37357
貢獻值
2
只看該作者 14  發表于: 2010-12-13
我覺得作者係想以自己既經歷,將名校去掉光環姐,唔係將佢妖魔化

申報: 我曾經係band1尾學校既學生,學校裡面固然有好多好老師,但一樣有d好廢,或者好hea既老師

administration 更加差,d politics 多到呢
[ 本文被智者在2010-12-13 17:52重新編輯 ]