楊思琦嗌小心風褸護肚
【東方日報專訊】楊思琦日前單方面宣布與李泳豪分手後，即有消息指她「有喜」及有第三者Andy介入。昨日一身便裝打扮、以闊身風褸護肚的思琦，被大批記者包圍時顯得極度緊張，頻頻嗌「小心」。
楊思琦與李泳豪拍拖九年，已達談婚論嫁階段，但日前思琦於記者會上單方面宣布與男友分手，之後即足不出戶。昨思琦終於出關，在下午三時許駕車與母外出，由於沿途有不少採訪車追訪，思琦為撇記者全程於馬路上左穿右插，最終駛入了尖沙咀一大廈的停車場，其母親更急急下車閃人。
戴上黑超的楊思琦穿上貼身褲，及以闊身長風褸護肚，甫下車即被記者包圍，起初她面露笑容，但當被追問「有喜」及舊同學Andy是第三者一事時，她即時面色一沉，無言苦笑，她其後沿途步往附近一大廈時，見記者包圍拍照，亦不禁一臉緊張，多次嗌「小心」，說罷便入升降機。該大廈內除美容院及髮型屋外，亦有不少中醫診所，至晚上約八時仍未見思琦離開。
李泳豪：驚佢亂諗嘢
被狠撇的李泳豪昨日四時許於電視城開工，一臉愁容的他透露還未與思琦聯絡上，問是否女方不接他電話？泳豪說：「我都唔想講咁多，又瞓得唔係咁好。（思琦傳「有喜」？）唔想講太多。（你心裏有數？）總之唔想講，我都好亂，怕自己講錯，想搞清楚件事先。」提到是否認識Andy，泳豪唉聲嘆氣擰頭說：「我都唔知點講好。」他更坦言仍深愛思琦，也擔心她受到壓力。
問到是否對女友失望？他說：「係無奈，驚佢亂諗嘢，好想同佢傾下，我仲好鍾意佢關心佢，佢有咩事我一定會幫。（佢SMS你話仲愛你？）係有咁嘅事。最嚴重係唔知佢諗咩，由佢搬走後，已發覺佢唔知係咪受人影響，聽咗啲咩說話。」
文、攝：追蹤組
http://ent.sina.com.hk/news/2/4/1/628760/1.html
