查看完整版本: [-- 有關版主、總版、壇主執行壇規之指引及澄清 --]

【好友論壇】- 以足球會好友 -> 【論壇政務總處】 -> 有關版主、總版、壇主執行壇規之指引及澄清 [打印本頁]

登錄 -> 注冊 -> 回復主題 -> 發表主題

<< 1 2 >> Pages: ( 2 total )

freezefox

2012-06-25 15:05

有關版主、總版、壇主執行壇規之指引及澄清

近日由於某一禁言事件，引起部分版主及會員議論，而有版主或會員，對於版主、總版、壇主執行壇規的權限似乎有所誤解，為免日後版管執行版規、壇規時無所適從，故特作出以下澄清。以正視聽。

而有關執行守則，全部都是根據好友論壇過往一直沿用之慣例作為依據。

首先，對於版管執行扣分、定期禁言等罰則，論壇從來沒有要求有關版管需要先在政務處開主題，上呈總版或壇主，才可以執法。相反，這是論壇賦予版主的既有權限。版主可以自行決定扣分、禁言，以及扣分的數目、禁言的日數。

當然，會員可以上訴，如此，則必須在政務處提出上訴理由，再由兩位總版及壇主作出最後裁決。

然而，要永久禁止登錄（即BAN A/C 或 BAN IP），即不在版主權限之內。必須由兩位總版及壇主作出裁決。總版或壇主可以公開咨詣一般會員及版主的意見，但同樣地，這不是必須的程序。總版與壇主有權在不經諮詢的情況下，單獨作出永久禁止登錄的判決。而事實上，好友論壇一直奉行這項規則。並非罕見。這幾年間，由兩位總版直接禁止登錄的會員絕非少數。

總版與壇主權責相等。故三人可視為一個總閣。若遇之間有意見相左，即以多數為據。兩票贊成者可以執行有關法則。不必要一定經過全體贊同。然而，在無意見分歧的情況下，總版、壇主絕對可以單獨一人作出裁決及處分。

以今次望晴天事件為例，有關會員在違反壇規後，版管已經即時作出警告，並要求其修正違規言論。在前後兩次的警告無效後。版管才作出行動。另外，有關行動並非如外界所指，是本人一人的決定。事實上，除本人之外，亦得到當時在場的另一位版主同意並確認，才予以執行。正如前文所言，論壇並無規定總版、壇主在執行有關壇規時必須有若干版主同意，這只是壇主的個人意向及選擇。並非法定程序。事實上，當其時整個論壇亦只有該位版主在場，並無第三位版管。否則，可以咨詢的對象應該可以更多。但考慮事件的即時性，無必要等其他人介入，壇主有足夠理據執行壇規，故即時執行之。

事後，本人亦已經第一時間向兩位總版匯報。亦得到其中一個總版的同意。認為執行有關壇規合乎法則。

以上是有關執行版規、壇規的指引以及有關事件的澄清。

freezefox

2012-06-25 15:24

另一方面，之前曾經提及，有關會員在禁言期間，仍然作出挑釁版管既行為。係簽名檔上單打版管。所以會延長禁言期。由三日加至七日。

但經與幾位版管商議後，決定予以機會。先解除禁言。但有關會員必須馬上撤走簽名檔中的挑釁相片及言語。並承諾日後不再作出相類的挑釁行動。否則，版管會繼續執行之前的禁言處分！

另外，版管尚未就有關會員重複戶口一事作出相應的討論。所以有關事件並未正式開始跟進。

sun	2012-06-25 15:33
其實你而家announce呢d野...我作為好友之一根本唔知件事係點... 有無可能將佢既所謂'罪証'...copy出黎等大家知道仔細... 點為之係入左'罪'既事件...以警效尤... 避免令你下次又出哂澄清咁煩呢...

freezefox	2012-06-25 15:34
*引用第2樓sun於2012-06-25 15:33發表的“”*: 其實你而家announce呢d野...我作為好友之一根本唔知件事係點... 有無可能將佢既所謂'罪証'...copy出黎等大家知道仔細... 點為之係入左'罪'既事件...以警效尤... ....... 其實唔知無所謂的。你有興趣知亦可以好容易搵到有關主題。

sun	2012-06-25 15:37
*引用第3樓freezefox於2012-06-25 15:34發表的“”*: 其實唔知無所謂的。你有興趣知亦可以好容易搵到有關主題。我唔去足球版的... 但你講簽名檔的事...我真係無見倒囉...

啪啪啪啪啪啪	2012-06-25 15:56
*引用第4樓sun於25-06-2012 15:37發表的“”*: 我唔去足球版的... 但你講簽名檔的事...我真係無見倒囉... 直播版

sun	2012-06-25 16:46
*引用第5樓啪啪啪啪啪啪於2012-06-25 15:56發表的“”*: 直播版算吧。

Gabriel	2012-06-25 17:47
換言之，就我自己既版而言我可以自己訂立係自己版犯咩事會被禁言??? 係咪咁樣

ODIN	2012-06-25 17:51
*引用第6樓sun於2012-06-25 16:46發表的“”*: 算吧。 [表情] 禁完la... 可以睇返~

sun	2012-06-25 17:54
*引用第8樓liuming於2012-06-25 17:51發表的“”*: 禁完la... 可以睇返~ 即係邊度?

freezefox

2012-06-25 18:21

引用第7樓Gabriel於2012-06-25 17:47發表的“”:
換言之，就我自己既版而言
我可以自己訂立係自己版犯咩事會被禁言???
.......

你咁樣講比較籠統。我唔可以話你岩哂，但亦唔可以話你錯哂。

犯咩事會被禁言或扣分，係跟據壇規同版規。呢D 都係既定既規則。早已存在。版主係自己既版既權限，就係判斷邊個或個件事算唔算違反版規或壇規。

壇規同版規係一早存在。但亦可以修改。部分規版其實都係版主自己修定的。呢方面大家一向如此。舉例，舉定一日內係同一個版唔可以發多過幾多個主題，版版唔同，呢個就係版主自己訂立的。但洗版係違規，呢個就係論壇老早就定立的了。版主就係依照論壇既定既大原則，再制定每版既小規則。版規不能凌駕壇規。

至於點為止洗版，版主就有自己判定既權力。唔需要事事上呈中央先可以執行版規。呢方面就係我所強調既自主權。

Gabriel	2012-06-26 09:21
*引用第10樓freezefox於25-06-2012 18:21發表的“”*: 你咁樣講比較籠統。我唔可以話你岩哂，但亦唔可以話你錯哂。 ....... 明白

科高蘭尼紐約人	2012-06-26 15:54
了解~

justiceisgone	2012-07-30 18:47
delete左好耐仲想禁到幾時? 共產呀? 仲有完全無通知地俾條阿叔禁言個inbox都爆limit收唔到又發唔到信息即係明做我啦唔該立即解除如此無理之禁言仲有我呢個重覆account開黎係因為本身既乜都俾人block曬, 信息都會發唔到區又入唔到唔知某D人咩居心

justiceisgone	2012-07-31 17:13
推到獸成現身主持好友公義

freezefox	2012-07-31 21:29
justiceisgone:推到獸成現身主持好友公義 (2012-07-31 17:13) QUOTED

迪克	2012-07-31 21:41

朗尼	2012-07-31 23:53

g3rMan	2012-08-01 08:07

sun	2012-08-08 15:47
你係望晴天? 你做錯左咩大事要禁你咁耐呢?

sun	2012-08-08 15:48
e...點解無左d野既?

freezefox	2012-08-08 16:32
會員望晴天由於多次向管理人員惡意挑釁，已經被列為不受歡迎人物，永久中止服務。佢既重複戶口亦會一樣咁處理。

煙花	2012-08-08 16:37
用戶被禁言,該主題自動屏蔽!

楊受成	2012-08-09 03:08
你仲不受歡迎啦老野

楊受成	2012-08-09 03:09
唔係俾人無理block account, 我點會攻擊? 一直都無理條老野係佢自己係度搵人搞事開戰一路都係咁俾佢玩架啦個壇

楊受成	2012-08-09 03:11
有意知道內情唔該自己去返euro 2012個場portugal直播到搵真相警告都無就亂禁言咁都未止, 仲再再禁兩個月之後博無人知順便cancel埋個account? 你真係好野呀

楊受成	2012-08-09 03:14
http://bbs.hkbff.net/read.php?tid=107440&page=27 我同人講hello之後竟然就咁亂俾人ban?

楊受成	2012-08-09 03:17
之後禁言過左成個幾兩個月都仲係禁緊所謂有D阿叔唔鍾意既簽名檔一早清左亦都無回復返 mailbox爆曬無得接收message 之後權限唔夠所有野都做唔到想通知有"話事權"既人都通知唔到老屈都唔係咁架? 李旺陽咩你老闆..

楊受成

2012-08-09 03:26

freezefox:會員望晴天由於多次向管理人員惡意挑釁，已經被列為不受歡迎人物，永久中止服務。
佢既重複戶口亦會一樣咁處理。 (2012-08-08 16:32)

我挑釁你? 做得出唔怕認啦你自己

前因後果你自己心知肚明

唔好濫用權力係度蝦蝦霸霸

有咩都講據

你從來無正面回覆過我既投訴

唔好扮曬野block人account就當無野

楊受成	2012-08-09 03:26
你無理據亂block我超過2個月我都未同你計

楊受成	2012-08-09 03:33
我同你之前都河水不犯你鍾意點quote點串你既事唔好因為你自己五十幾六十歲人發埋D小朋友脾氣走去濫用權力踢走人你鍾意開戰係人都知..但唔該搵位踢人走都高明D啦 office都唔洗上..你一個人話曬事話點block又點block block左兩個幾月又唔俾人通知唔俾人pm 唔係老屈係乜你答我?

reve

2012-08-09 04:02

等我講句公道說話啦，如果你係因為當初PM溝通上出現問題既，咁你可以提出申訴，無問題。
以前邊個搞事都好，如果之後雙方唔再單打，我諗大家都可以當粉筆字抹佐去。
或者你真係好嫐好唔gur，當但係你一上返黎就態度企到咁硬，咁樣做擺明令自己理虧嘖，無著數架喔。因為後事而被人ban，無得怪架喔！
事件隔佐咁耐都仲系咁，唔好話一人讓一步好落台，你繼續咁樣發爛渣法，就算系旁人，都好難幫你啦！

好多人都唔想理呢灘渾水。
我可能系多事，但係我都想你返黎既，不過唔係咁樣咯，
你自己呢？諗住返黎為麼？繼續鬥氣？唔係掛。。。

講完。

楊受成

2012-08-09 04:07

reve:等我講句公道說話啦，如果你係因為當初PM溝通上出現問題既，咁你可以提出申訴，無問題。
以前邊個搞事都好，如果之後雙方唔再單打，我諗大家都可以當粉筆字抹佐去。
或者你真係好嫐好唔gur，當但係你一上返黎就態度企到咁硬，咁樣做擺明令自己理虧嘖，無著數架喔。因為後事 .. (2012-08-09 04:02)

我一直都無諗住同佢嘈

佢係直播佢度quote我講話場波唔悶先開始有對話

之前一年我都完全無理過佢既post

宜家係損害左我既利益/權利咁我係咪應該反映返呢?

我返黎只係正正常常問陣睇波吹水

我唔係為左搞事搞罵戰, 我無人地咁得閒

俾返個account我用就得

楊受成

2012-08-09 04:11

reve:等我講句公道說話啦，如果你係因為當初PM溝通上出現問題既，咁你可以提出申訴，無問題。
以前邊個搞事都好，如果之後雙方唔再單打，我諗大家都可以當粉筆字抹佐去。
或者你真係好嫐好唔gur，當但係你一上返黎就態度企到咁硬，咁樣做擺明令自己理虧嘖，無著數架喔。因為後事 .. (2012-08-09 04:02)

仲有

我都讓左好多步

佢要禁言都禁左2個幾月

一直都申訴唔到

到宜家我再開新account提出本身account pm唔到又發唔到言

又無人理(有人回但刻意ignore事件)

要出post又俾人"列為不受歡迎人物"

我都好難做喎...評下理唔該

reve

2012-08-09 04:17

楊受成:我一直都無諗住同佢嘈
佢係直播佢度quote我講話場波唔悶先開始有對話
....... (2012-08-09 04:07)

咁你做麼成日叫人阿叔/獸成，同埋一直放人哋句野落簽名檔？？咁樣即係直接/間接挑釁喔！
至於當日場波，我都在場架，我仲复佐你一句，“原本系阿叔，點解改做獸成啊？”
你咁樣即係對人唔係對事嘖。。。就算佢質疑你點解話場波悶，大家都係球迷角度啊，你有你講佢有佢講嘛～對人唔係對事。

而且你做麼成日咁中意同佢“個空傳情”嘖？？又頭像、又簽名檔。。。
拿！唔好話佢對號入座啦，其實你心底里系真係擺明講佢架啦，係咪？

唔中意對方咪唔好理、唔好回复、唔好quote，最好毫無交集，咁大家都方便，成個壇都方便。
咁樣唔係幾好？

我都想幫你解決個問題，宜家唔係話佢濫用職權去ban你，過程中其他版主/總版都有份處理的。
而我所知既，就係你無對佢哋既請求，作出適當的回應。
如果當中有錯，你可以據理提出啊！！而唔係咁樣發爛渣繼續隔空單單打打。

講真啦，管理層真係唔係事必要理你的。。。:(

reve	2012-08-09 04:19
楊受成:仲有我都讓左好多步 ....... (2012-08-09 04:11) 咁禁言期間，PM功能應該系可以用的吧？你應該有收到唔少管理團隊send卑你既PM架，有無作出適當回應同舉動？

楊受成	2012-08-09 04:20
同埋同埋我之前年幾一直都唔理佢既quote/post挑釁係到euro12回post就俾人把握機會入到我都真係幾後悔一直都無諗過同佢有乜單打/浪費時間大家唔gur就個個知但要用到權力搵位踢走人呢D咁低裝既招我真係接受唔到如果我再返黎我以後一定唔會再理佢

reve	2012-08-09 04:27
楊受成:同埋同埋我之前年幾一直都唔理佢既quote/post挑釁係到euro12回post就俾人把握機會入到 ....... (2012-08-09 04:20) 理唔理會系一件事，會唔會再以頭像同簽名檔黎單打又系另一件事，希望你明白。

楊受成	2012-08-09 04:28
reve:理唔理會系一件事，會唔會再以頭像同簽名檔黎單打又系另一件事，希望你明白。 (2012-08-09 04:27) 咁又一定唔會一隻手點拍得響? 之前唔係俾人禁言乜都做唔到就唔會咁啦我簽名有寫話pm唔到問禁完未之後無埋

reve	2012-08-09 04:47
楊受成:咁又一定唔會一隻手點拍得響? ....... (2012-08-09 04:28) 如果真係因為技術上既問題而導致你禁言期間無法做出溝通，咁樣我覺得佢哋或者可以被機會你申訴。但係都係果句，個前提系在於你既“態度”，同埋規則遵守。而今次呢個網名就真係不敢恭維。

楊受成

2012-08-09 04:56

reve:如果真係因為技術上既問題而導致你禁言期間無法做出溝通，咁樣我覺得佢哋或者可以被機會你申訴。
但係都係果句，個前提系在於你既“態度”，同埋規則遵守。
而今次呢個網名就真係不敢恭維。 (2012-08-09 04:47)

我只係想用返我自己個網名

本身都完全無必要開呢d重覆account

而技術上既問題我希望真係出於技術唔係人為

見過鬼, 黑已怕

只係想有個公平既對待

唔想被獨裁, 被迫走

點都好, 雖然你應該係企佢個邊

但都多謝你中立地回應

要知道同佢對立基本上都會被定為叛亂份子

reve

2012-08-09 05:05

楊受成:我只係想用返我自己個網名
本身都完全無必要開呢d重覆account
....... (2012-08-09 04:56)

你點睇我唔重要啦，所謂既企邊邊更加唔重要。
最重要都系你點睇返你自己，同埋你想其他人點樣睇你咁解。

大條道理個個都識講，但係真正會令到人哋接受既好幾多？

人生苦短，都系一團和氣好，過得自己過得人。輕輕鬆松咁笑看人生咪好咯～

我無諗住改變你既睇法或者人生觀，因為我無呢種能耐。
同埋我只係一個多口既和事佬，只想大家系一個和睦既氣氛底下享受真正足球的樂趣，因為我珍惜好友論壇～

迪神

2012-08-09 09:28

你SEND唔到PM收唔到PM，冇機會比你申訴開過一個新A/C都情有可原，因為轉左壇個個PM都爆哂

但你上親來用緊D A/C名，說話都係對人不對事，比番原本個A/C你上來既話都難保唔會繼續咁攻擊法

禁你言唔係因為一單半單事件，係長時間既人身攻擊，呢樣野就算老狐未做署理壇主已經存在，你用簽名檔係度單單打打，我都不下兩三次叫你換左個簽名，冇左一排又出番，學你話齋一隻手拍唔響，但我起碼見唔到佢有用呢D方法攻擊囉，佢都係係件事上串你抽你水、挑釁你，但你宜家係用緊人地樣貌、身份來到攻擊，跟本已經係度玩針對

我都好想你呢類資深會員番來，但係你宜家果D所謂既"申訴"，叫人點放你?

Gabriel

2012-08-09 09:52

其實你由justiceisgone開始...以成熟一點既手法去爭取普遍人既支持，以正途同理性既方法爭取你所講既「justice」，我相信會有人企出黎幫你，維護你。

老狐唔係無俾機會你，甚至為左你件事，搞到管理層內部都有少少混亂卅爭論。至於你投訴既理由，太深入我就唔講，但係類似「有睇pm，但係無刪除有關既挑釁子句」、「無回應」既feedback係有見過，你所謂既pm爆根本完全不成理由。再者，你成日話人對號入座，學番你果句：「大家都知你明係嘲諷佢，你針對佢係人都知」，話人對號入座根本就係到玩弄手段，你自問咁樣理性的人會站係你果邊嗎？

坦白講，初頭我都覺得老狐係有少少衝動

，但係後尾既跟進至少令我覺得係對事不對人，其他人點睇我唔知啦，且看有無人企你果邊，提出實質理據，支持你番黎。

我個人就覺得就呢個post既你既回應黎講，你係有想從正確既方法去討回公道，但係你既態度仲係隱含住你對老狐既偏見，咁樣好難解決問題。禁言同ban既理由好充份，淨係有你自己保證不會再單單打打只係求情理由，而非抗辯理由。求情既話，你既態度都扣哂分了。

其實正如reve話齋，你唔理佢，自不然佢唔會理你，呢度人又唔係多，都仲有大把曼迷朋友同你吹水，只係為左淡氣，何必搞到咁。

打到有d混亂，以上對話只代表個人立場

sun

2012-08-09 10:43

楊受成:我只係想用返我自己個網名
本身都完全無必要開呢d重覆account
....... (2012-08-09 04:56)

一見倒獨裁呢個字眼...我又走入黎講下啦...

如果你認為呢個壇有獨裁成份...
咁你仲乜仲要下下一上水就貼楊生張相? 又改埋佢個名?
咁擺明挑戰好友既管理層啫...

初初我都唔知你為乜比人ban左...
可能都係犯左壇規之類...<<< 我無詳細了解!

如果你咁唔鐘意某人...你大可當佢透明...
佢講乜好...撩你好...煽動別人把咀好...
你都可以當睇唔倒...

個人覺得做好自己就最好...
你一言...我一語...單單打打咁...
你同你口中所謂既人又有乜分別?!

所謂先撩者賤...
你唔係在新壇一上水就擺哂挑釁格...
相信都仲會有人識幫你講好說話的...

其實好友已經係大海中既一個較友善既壇...
你一心想番黎...就要識得改善下自己既態度...
日後你在這裡...唔願跟某人成友...至少都唔洗犯眾憎先啦...

如有得罪...多多包涵!

煙花	2012-08-09 11:17
用戶被禁言,該主題自動屏蔽!

煙花	2012-08-09 11:22
用戶被禁言,該主題自動屏蔽!

迪克	2012-08-09 14:04
我都想望晴你返o黎(係N年前可以同我一齊傾YFF吹水傾波經果個..) 但明眼人都見你帶住敵意返o黎.... 咁點幫你喎......

煙花	2012-08-09 14:15
用戶被禁言,該主題自動屏蔽!

sikingthegreat

2012-08-09 15:29

原來有個咁嘅thread....

唉, 其實呢d單打, 唔理出自邊個都好啦, 以你年資都見唔少架啦…. 單打黎到唔一定要接架嘛~~ 你仲青春, 仲有團火, 仲會衝動…. 其實都係好嘅, 不過有時都要學下忍一忍…. 即使反擊, 都用d高明d嘅手法嘛, 呢d方法咁小學雞.... 就算單打抽羸左都冇意思啦~~

嗰件事我記得呀, 成村人話場波悶嘛, 算啦, 羸得多嘅隊係咁架啦, 唔係黑哨, 就係插水, 再唔係對方放水, 冇力, 食物中毒, 總之咩理由都有, 連呢d都講到悶嘅時候, 再落去就係挑剔佢地嘅表現滿足唔到觀眾呀之類…. 你嗰隊咁羸法, 應該都見慣晒架喇喎…. 呢d情形, 應左兩句表明自己睇法之後就算, 再落去嗰d泥漿摔角就冇謂參與啦…. 就算真係要拗都冇問題, 但唔好去得太盡嘛, 始終公眾地方….

簽名, 網名呢d, 好似以前咁, 擺下燕姿d野咪好囉 (嗰首歌我都好鍾意架....) 而家呢個名, 除左因為你之前俾人ignore, 所以整個爆d/搞笑d嘅博人注意之外, 其實真係冇咩reason support點解要咁做.... 健康d嘅做法應該係得閒出黎打下波, 食下野, 吹下水.... 無謂搞到咁唔happy嘛~~

查看完整版本: [-- 有關版主、總版、壇主執行壇規之指引及澄清 --] [-- top --]

Powered by phpwind v8.7 Code ©2003-2011 phpwind
Time 0.133945 second(s),query:3 Gzip disabled