數字神個人推介廣東歌十大(排名不分先後)
宮若梅 - 薛凱琪
非凡人生 - 鄭融
我的宣言 - 周柏豪
.......
| 可可粉 | 2013-12-31 13:36 |
喜歡聽廣東歌的好友，齊來發表自己的2013年度最喜愛的十大吧2013年我最喜愛的十首歌曲(引言) 今年依然繼續地挑選我自己2013年最喜愛的十首歌曲，準則都係一如以往，十首我鍾意聽同時又係聽得最多的歌曲。 2013年的樂壇有一個景象，就係好多翻唱歌，同時，歌名用個歌字做尾作為派台歌的數目都係歷年之冠， 數數手指上過榜的作品有有歲月如歌(張智霖)、夕陽之歌(何韻詩)、薄情歌(C AllStar)、高登歌(小肥)、一首情歌(Mr.)、哥歌(王菀之)、幸福歌(鍾嘉欣) 、雙子情歌(容祖兒、羅力威)，共8首咁多。如果有人問我今年有咩歌，或者我會數哂上面咁多首出黎話佢知。 2013年造就了Supper Moment的上位，無盡呢首歌無心插柳下巧合地唱出哂王維基現時的景況，申請電視牌照的旅途依然好遙遠，被政治打壓下愈多人齊撐，祝願佢流動電視的計劃可以成功，都恭喜Supper Moment你地的音樂終獲得主流的賞識。 而談論到人生的歌今年則成為我的最喜愛，一首好歌總會帶出一個主旨，姑勿論是情歌or非情歌、一份爛的詞足可以摧毀一切，但一份好的詞便足以令我狂loop一季、甚至一整年。2013年度我喜愛的人生歌包括有叫我地唔好留有遺憾的一千零一次人生，受到愛情傷害青春全無的非凡人生、將不完美的事看成I'm perfect的Imperfect，還是慨歎人大了失去冒險精神、只懂跟著人群的任我行，都令我留下深刻的印象。 「世界很簡單，人類很複雜。」是黃子華在My盛Lady其中一句全句，但將呢個訊息唱出黎的就有馮允謙的世界劇團，真心覺得呢首四台冠軍歌值得給予一個獎項的肯定。 2013年令我睇完最深刻的MV，係許志安的情人甲，一共推出過4個MV與及合唱版的誕生，仿似告訴我地同一首歌，可以打破單一的界限，幾時聽、幾時睇同一首歌都可以唔同的領會，年尾再看這情人甲，終於同sammi有情人終成眷屬了。 至於藍奕邦今年就大放異彩，佢的作品除左帶聽歌人去過倫敦、紐約、阿拉斯加、拉斯維加斯之外，佢填詞的作品都深得我的喜愛，好似有陶瓷娃娃和青春頌，好清楚咁話我地知陶瓷娃娃眼中的世界與及歌頌青春，帶出趁仲有責春的時候即管「前行吧 你想做 全意做」。 終結2013年我看見了廣東歌的可能性，在李純恩話香港樂壇的詞垃圾的同時，薄情歌係一個完美的反擊，C AllStar新碟 CANTOPOPSIBILITY就實踐了廣東歌有好多的曲風，好多新奇的題材、不同的演繹唱法，薄情歌語帶雙關的探討樂迷與樂壇之間的關係，是今時今日廣東歌唔好聽丫，還是香港人已經對廣東歌薄情，唔願去聽，但在我的角度很深信是後者，但點都好，希望來年繼續有好音樂! 2013年度我最喜愛的十大歌曲(排名分先後) 1 陳奕迅 - 任我行 2 周柏豪 - Imperfect 3 許廷鏗 - 青春頌 4 許志安 - 情人甲 5 C AllStar - 薄情歌 6 Supper Moment - 無盡 7 鄭融 - 非凡人生 8 Robynn & Kendy - 陶瓷娃娃 9 馮允謙 - 世界劇團 10 林欣彤 - 一千零一次人生 最喜愛的唱片 陳奕迅 The Key  |
|
