查看完整版本: [-- 網民反自由行遊行 廣東道指罵內地客 --]

【好友論壇】- 以足球會好友 -> 【時事新聞】 -> 網民反自由行遊行 廣東道指罵內地客 [打印本頁] 登錄 -> 注冊 -> 回復主題 -> 發表主題

<<   1   2  >>  Pages: ( 2 total )

ODIN 2014-02-17 16:32

網民反自由行遊行 廣東道指罵內地客

http://news.mingpao.com/20140217/gma1h.htm

【明報專訊】早前政府發表接待能力報告時，商務及經濟發展局長蘇錦樑叫香港人「等多班車」引起不滿，昨有網民發起「驅蝗行動」，抗議自由行嚴重影響香港人生活。有網民走過廣東道名店，指罵店內的內地人叫他們「蝗蟲」、「滾回去」，又與支持內地遊客到港的「愛港之聲」人馬隔著馬路對罵，場面混亂，部分名店需要一度關門或落閘避開示威者。

「驅蝗行動」發起人、網名「金金大師」的梁金成稱，昨有超過200人參與遊行，警方發言人則指有50人。梁金成指政府經常叫香港人降低自尊，容忍自由行是荒謬，建議府應撤銷「一簽多行」。他揚言下次或在旺角發起類似行動。遊行後另一發起人「天河明人」王鴻基被一男子襲擊面部，昨晚在醫院驗傷。

珠寶店落閘 內地客留店暫避

遊行者下午3時半在尖沙嘴鐘樓出發，沿廣東道遊行，遊行隊伍舉起港英旗幟，大聲叫喊口號如「減少自由行，放過香港人」、「放寬自由行，香港快陸沉」。部分人途經LV、COACH等名店時，對著店內的內地人指罵「蝗蟲」、「滾回去」，當中夾雜粗口，有遊客嚇得返回店內，警方沿途勸內地人先到店內暫避。有被指罵的內地遊客表示心有點不舒服。六福珠寶廣東道分店職員鄭先生表示，為了安全理由而落閘，且過程只有數分鐘，不覺得影響生意，亦相信店內顧客會體諒。

愛港之聲擺街站 兩陣對罵

同時，支持內地遊客的「愛港之聲」則在廣東道另一邊、近海防道交界擺街站，向內地遊客派發「歡迎國內同胞來港」的貼紙及單張。當示威者行經時，雙方隔著馬路互相指罵。

「愛港之聲」又在街站收集內地客及市民簽名，本報所見，該簽名表格上要求留下聯絡方法。愛港之聲主席高達斌解釋，此舉是為方便日後聯絡之用，該組織歡迎港人及內地人加入，但至於有什麼行動需要他們參與，他則說「到時先知」。

「保衛香港」播國歌被喝倒采

另外，「保衛香港運動」20多名成員亦在尖沙嘴發起支持內地遊客集會，多次與同場的網民起衝突，其間一播放國歌即被喝倒采。組織發起人傅振中表示，知道網民有行動才發起集會，認為港人不能把社會問題歸咎於內地遊客。

示威隊伍遊行約1小時，於下午4時半返回鐘樓集會，然後解散。

ODIN 2014-02-17 16:34
遊客指沒做壞事 被罵太過分
http://news.mingpao.com/20140217/gma2.htm

【明報專訊】昨日廣東道上叫罵聲不絕，遊行的網民沿途向內地遊客直呼「蝗蟲」、「滾回大陸」，連名店也一度關門，被攻擊的內地遊客只能駐足或沉默應對，有人對示威者的舉動感到「很不舒服」，亦有在港工作的內地人坦言中港矛盾影響對香港的印象，會考慮回內地工作。

「只有小部分人帶來麻煩」

來港4天遊的黑龍江自由行客王先生認為，只有小部分內地旅客為港人帶來麻煩，大部分是來消費、旅遊，對香港不是壞事，網民指控不合理，行動「有點太過分」，在街上被罵「心裏不舒服」。

指港人沒禮貌 寧願歐遊

長居深圳的浙江遊客周小姐稱，以往經常來港購物，但近年港人變得沒禮貌，若不是陪家人來遊玩，寧願飛到歐洲購物也不想再來香港。她知道部分內地人會大聲說話及插隊等，但現已改善，期望香港人能多包容。

來港工作了4個月的上海人周小姐認為，網民行動是歧視內地人，「換了全都是白種人走在街上，他們不會這樣」，對於本港因為遊客太多而變得擠迫，她則說「上海更擠」，坦言矛盾令她沒有歸屬感，會考慮回內地工作。

「理解港人 平常心看待」

深圳遊客周先生說，每月會來港一次為1歲女兒及家人買奶粉及日用品，他說對內地食品安全無信心，只能來港購物，他理解港人不滿，會以平常心對待網民的行為。

ODIN 2014-02-17 16:35
新來港婦填基層空缺 「為何要叫我們蝗蟲？」
http://news.mingpao.com/20140217/gma3.htm

【明報專訊】社區組織協會於去年12月下旬訪問120名在職新來港婦女，發現受訪婦女中一半從事樓面、清潔及售貨員等基層工作，認為政府未有善用新來港婦女勞動力及予以支援。有新來港婦女則說，她們填補了不少待遇差的基層工作，稱沒有新移民「香港一定撐唔起」，嘆「為何仍要指我們是蝗蟲？」

社協去年12月下旬訪問120名在職新來港婦女，32.5%新來港婦女有全職工作，53.3%受訪者有兼職工作。120名受訪者中，68.3%受訪者來港不足七年，50.8%受訪者有初中學歷，21.7%有高中學歷，但目前職業以基層服務行業為主，21.7%從事食肆樓面工作、20%從事清潔、12.5%任售貨員。

「無新移民撐唔起香港」

來港多年的單親母親張女士指自己來港8年，一直有找工作，雖要照顧子女但亦曾每日兩兼職。她指出，目前餐飲、清潔等長工時、待遇差的工作多由新移民從事，「其實無了我們新移民，香港一定撐唔起，因為捱得辛苦全部都是我們新移民去捱去撐。」

社協促政府善用勞動力

社協幹事施麗珊認為，港府應善用新來港婦女勞動力，並協助投入勞動市場，例如增加學校託兒服務，讓她們可投入勞動市場。她又指54.2%受訪者指投入職場只因不想依賴政府，斥「蝗蟲論」未有顧及新來港人士感受。

freezefox 2014-02-17 17:10
香港特首質素愈黎愈低………但估唔到，香港人既質素都愈黎愈低………



呢D 係文明社會既行為？！

迪克 2014-02-17 17:14
尋日睇新聞都覺得痴線....

咁上街叫囂法，連其他國家遊客都嚇走埋啦

freezefox 2014-02-17 17:15
如果個班人去到外地旅行，受到同樣對待，唔知佢地會有咩感受。

英俊 2014-02-17 17:21
freezefox:香港特首質素愈黎愈低………但估唔到，香港人既質素都愈黎愈低………
呢D 係文明社會既行為？！ (2014-02-17 17:10) 

受高登影響,D港人越黎越亂黎

之前有人係高登話要肅清左派,竟然有人支持

icemanbergkamp 2014-02-17 17:23
唉, 依家上網講多2句唔啱聽就俾人鬧5毛 (唔係呢度la), 矛盾愈來愈大, 正苦又視而不見 (定其實有心助長...??)

恐怖既係以為偏激既少數, 慢慢助大......

將心比己, 如果我住上水 or 又或者係日日撲奶粉, 幼稚園既父母, 日日受埋受埋都難保忿怒蓋過理智會出去示威.....

ODIN 2014-02-17 17:34
freezefox:如果個班人去到外地旅行，受到同樣對待，唔知佢地會有咩感受。
 (2014-02-17 17:15) 

正解! 我都會去名店shopping，都唔想比人無理指罵。

我成日諗，究竟香港人點樣做可以解決呢個問題？係唔係做好自己就已經足夠？

freezefox 2014-02-17 17:37
英俊:受高登影響,D港人越黎越亂黎
之前有人係高登話要肅清左派,竟然有人支持[表情] (2014-02-17 17:21) 

高登可能好快被689 剷除。

freezefox 2014-02-17 17:40
icemanbergkamp:唉, 依家上網講多2句唔啱聽就俾人鬧5毛 (唔係呢度la), 矛盾愈來愈大, 正苦又視而不見 (定其實有心助長...??[表情])
恐怖既係以為偏激既少數, 慢慢助大......
將心比己, 如果我住上水 or 又或者係日日撲奶粉, 幼稚園既父母, 日日受埋受埋都難保忿怒蓋過理智會出去示威.... .. (2014-02-17 17:23) 

唔係唔比示威，但唔係咁樣示威法嘛。示威係表達訴求！宜家佢地其實同紅衞兵差唔多，係去批鬥「敵人」。真係向旅客作出人身攻擊同威嚇。


其實完全係擾亂公安同公眾地方行為不檢，已經唔可以算係示威了。拉左都無得怨。

國球旗 2014-02-17 17:43
freezefox:高登可能好快被689 剷除。[表情] (2014-02-17 17:37) 

唔係已經剷除左咩，我已經成個幾月喺屋企上唔到高登了。

(有人話係用 HKBN 既問題，但屋企用唔到，返公司上到係事實。)

freezefox 2014-02-17 17:46
其實我都唔明白究竟問題係邊到。新加坡咪又係旅遊城巿，又唔見內地人係個到夠胆放肆。唔好話周街疴屎奇尿，連排隊打尖都好少見到。我反而見到好多內地客，為左GROUP 埋其他朋友，排左隊既都讓出個位出黎，比其他人先上，自己留低等埋後面既朋友。我見過唔止一次。最誇張個次，佢地成班十個人都有，為左等埋一個遲黎既朋友，成班留後，比排後面既行先。如果換著係我地香港人，都會好自然咁叫個個朋友插隊。因為覺得無問題。我地係有排隊，十個人，插一個人之嘛。無問題。個班內地人竟然唔會咁做。


個一刻，我就諗，旅客守唔守規舉，其實係咪同當地既執法有關。你執得嚴，佢地自自然然唔敢放肆（當然係之前領過野先）。你放任佢地，佢地咪亂黎囉。

ODIN 2014-02-17 17:46
freezefox:高登可能好快被689 剷除。[表情] (2014-02-17 17:37) 

出面有人鬧，話香港人無證無據就屈689打壓新聞自由~

你又點睇？

國球旗 2014-02-17 17:47
ODIN:出面有人鬧，話香港人無證無據就屈689打壓新聞自由~
你又點睇？ (2014-02-17 17:46) 

我信唐英年，選特首時佢已經話咗你知 689 係咩人。

freezefox 2014-02-17 17:50
至於購物，其實可以係上水或其他邊境地區，設置超人型既購物商場，專係比內地人掃貨既。你有本事買幾多我就賣幾多。專立奶粉專門店。要求各間奶粉公司係個邊設專門售賣點。保證絕不斷貨。咁內地人有內地人係個邊買，香港人有香港人係自己地方生活，咪河水不犯井水囉。其實我真係唔係太明，點解會攪到咁大衝突。

係自由巿場下，又無生產上既限制，有咩理由會有供不應求既情況？個D 奶粉商，多多都供應到啦。中間一定有D 野。

freezefox 2014-02-17 17:51
ODIN:出面有人鬧，話香港人無證無據就屈689打壓新聞自由~
你又點睇？ (2014-02-17 17:46) 

咁都叫無證據？佢都已經做到好明顯囉喎！


佢係連門面野都費時做，話做你就做你了。仲要咩證據先夠？

freezefox 2014-02-17 17:52
國球旗:唔係已經剷除左咩，我已經成個幾月喺屋企上唔到高登了。[表情] [表情] [表情]
(有人話係用 HKBN 既問題，但屋企用唔到，返公司上到係事實。) (2014-02-17 17:43) 

你講真架？！

國球旗 2014-02-17 17:52
freezefox:其實我都唔明白究竟問題係邊到。新加坡咪又係旅遊城巿，又唔見內地人係個到夠胆放肆。唔好話周街疴屎奇尿，連排隊打尖都好少見到。我反而見到好多內地客，為左GROUP 埋其他朋友，排左隊既都讓出個位出黎，比其他人先上，自己留低等埋後面既朋友。我見過唔止一次。最誇 .. (2014-02-17 17:46) 

問題所在於香港係中國既地方，果班人唔會當係出左國，心目中認為佢地黎香港係振興緊你地既經濟，應該多謝都黎唔切。
情況就好似中國當初改革開放時一樣，香港人買野上去接濟國內人，一樣係大爺既態度，去消費一樣呼呼喝喝，唔會同你講禮貌。

freezefox 2014-02-17 17:54
國球旗:問題所在於香港係中國既地方，果班人唔會當係出左國，心目中認為佢地黎香港係振興緊你地既經濟，應該多謝都黎唔切。
情況就好似中國當初改革開放時一樣，香港人買野上去接濟國內人，一樣係大爺既態度，去消費一樣呼呼喝喝，唔會同你講禮貌。
 (2014-02-17 17:52) 

所以我地更加應該加強執法力度！以正綱紀！得罪講句，班人都係有少少無賴兼欺善怕惡。我相信佢地如果去到上海或北京呢D 大城巿，都唔敢咁樣周街大小便的。

國球旗 2014-02-17 17:55
freezefox:你講真架？！[表情] (2014-02-17 17:52) 

你試下上網 search「HKBN 上唔到高登」，大把人問緊.....

freezefox 2014-02-17 17:56
國球旗:你試下上網 search「HKBN 上唔到高登」，大把人問緊.....[表情] [表情]  (2014-02-17 17:55) 

上唔到高登係大新聞黎架喎！！

ODIN 2014-02-17 17:56
freezefox:咁都叫無證據？佢都已經做到好明顯囉喎！
佢係連門面野都費時做，話做你就做你了。仲要咩證據先夠？[表情] (2014-02-17 17:51) 

我見你話689話唔定出手搞高登，我先ot講兩句~

雖然依家唔係o係法庭審訊，但有人開始攻擊香港人的理性分析，包括未審先判同埋將疑點當證據，情況同呢班示威分子分別唔係好大~

國球旗 2014-02-17 17:58
freezefox:所以我地更加應該加強執法力度！以正綱紀！得罪講句，班人都係有少少無賴兼欺善怕惡。我相信佢地如果去到上海或北京呢D 大城巿，都唔敢咁樣周街大小便的。 (2014-02-17 17:54) 

問題咪就係香港班官既態度囉，咩事都話傷害內地人感情唔敢去搞，怕得罪阿爺。

一開始已經輸左個勢，人地仲唔食住上，恰你縛手縛腳無力反抗咩。

ODIN 2014-02-17 17:58
國球旗:問題所在於香港係中國既地方，果班人唔會當係出左國，心目中認為佢地黎香港係振興緊你地既經濟，應該多謝都黎唔切。
情況就好似中國當初改革開放時一樣，香港人買野上去接濟國內人，一樣係大爺既態度，去消費一樣呼呼喝喝，唔會同你講禮貌。
 (2014-02-17 17:52) 

唔係的，內地人去外國都係差唔多心態~
只不過係有 d 懼外...

ODIN 2014-02-17 17:59
國球旗:你試下上網 search「HKBN 上唔到高登」，大把人問緊.....[表情] [表情]  (2014-02-17 17:55) 

我屋企用hkbn又上到wor...

被block的人應該係有d共通點...

國球旗 2014-02-17 18:02
ODIN:唔係的，內地人去外國都係差唔多心態~
只不過係有 d 懼外...
 (2014-02-17 17:58) 

最怕係去外地班內地人真真正正係土豪，有米一族，雖然懼外都仲聲大夾惡。

但黎香港果班內地人好多只係拎住十萬八萬，已經當你班港燦係死窮鬼，覺得黎買野係施捨。

ODIN 2014-02-17 18:03
ODIN:
我見你話689話唔定出手搞高登，我先ot講兩句~
雖然依家唔係o係法庭審訊，但有人開始攻擊香港人的理性分析，包括未審先判同埋將疑點當證據，情況同呢班示威分子分別唔係好大~

唔係我作的...

http://www.post852.com/%E5%8D%B3%E6%99%82%E9%97%9C%E6%B3%A8%E2%94%82%E9%8C%A2%E5%BF%97%E5%81%A5%E3%80%8A%E4%BF%A1%E5%A0%B1%E3%80%8B%E7%BA%8C%E8%AB%87%E3%80%8C%E6%94%BF%E6%B2%BB%E3%80%8D%E3%80%80%E3%80%8C%E5%A6%84%E6%83%B3/

即時關注│錢志健《信報》續談「政治」　「妄想症」指控另有意思？

自上周爆出《信報》高層要求「佔中十子」之一，金融界代表錢志健，往後在其專欄「只寫財經，不寫政治」的疑似「河蟹」事件後，今日錢志健繼續在其專欄大談言論自由及公民覺醒等「政治議題」，更回應有人指他受打壓是「妄想症」的言論，似乎無懼來自部分《信報》高層的壓力。

錢志健首先指出，中環人現時最關心的議題，便是香港的言論自由正全面收窄。錢志健表示，中環人很憂慮《信報》是否已跪低，而新近發生的李慧玲被解僱事件、《蘋果日報》與《AM730》被中資機構抽廣告，更令他擔心香港是否正「急速大陸化」。他表示，如果國際投資者看見香港的言論自由急速收窄，又怎會放心在香港繼續投資？

錢志健作為資深對沖基金經理，正如其專欄名字「金融圈內」，足有資格代表部分中環人的想法。「金融圈內」的人目前關心與應該關心什麼，錢志健可能比大部份人都要清楚。因此，錢志健今日強調言論自由是中環人最重視的議題，似乎亦間接告訴部分《信報》高層，政治議題也是中環人希望知得更多的議題，要求他「只寫財經，不寫政治」的要求，實不合理。

錢志健在文中亦強調自己沒有「妄想症」，上週公開與《信報》總編輯郭艷明對質，是要「延續獨立內容表達」、「捍衞不同領域的真相」。

《852郵報》翻查錢志健被指控有「妄想症」的出處，發現郭艷明曾於周六（15日）在其個人facebook賬戶中，有提到她對妄想症的看法，未知與錢志健的澄清有否關係。本報在此直接引用郭艷明的看法：

「流行都市病『妄想症』，廣東話即係『明明無事吾知點解係要杯弓蛇影』，而且吾使查吾使審吾使證據，就大喊被迫害，跟住度個繪形繪聲的劇本出來，再一群啱咀形的密友興高采烈在網上近親繁殖交叉感染，齊齊自我膨脹high 爆，神聖不容侵犯，跟手來個自行加冕。對手稍哼半句即被圍插。呢種打橫打掂砌的遊戲規則，其實不用學，好多紳士淑女都玩得出神入化！」

查實，妄想症（delusional disorder)是一種有明確定義的精神疾病，須由精神科醫生才能判斷誰人確實患上。缺乏有關專業知識的大眾市民，還是不宜胡亂斷症、道聽途說，以免惹起不必要的歧視疑雲、或者傳達錯誤的醫療資訊。不過，大家若知道disorder一詞可以解作「失序」，證諸今日大眾媒體新聞及言論自由屢遭打壓、問責高官一個接一個對集會示威未審先判的現象，倒是一個貼切的形容。

國球旗 2014-02-17 18:03
ODIN:我屋企用hkbn又上到wor...
被block的人應該係有d共通點...
 (2014-02-17 17:59) 

我連高登都冇登記做會員喎。

ODIN 2014-02-17 18:05
國球旗:
我連高登都冇登記做會員喎。[表情] [表情] [表情]

oh...我都係大部分時間冇login做cd rom~

freezefox 2014-02-17 18:07
ODIN:我屋企用hkbn又上到wor...
被block的人應該係有d共通點...
 (2014-02-17 17:59) 

例如…………

ODIN 2014-02-17 18:09
freezefox:例如………… (2014-02-17 18:07) 

你估我係神探咩...
不如叫snowden解釋下仲好...

freezefox 2014-02-17 18:09
ODIN:你估我係神探咩...
不如叫snowden解釋下仲好... (2014-02-17 18:09) 

我見你咁講以為你知添。

ODIN 2014-02-17 18:14
freezefox:我見你咁講以為你知添。 (2014-02-17 18:09) 

但我睇左幾個高登post，都係講緊網絡設定的技術問題ja wor...

Numberson 2014-02-17 19:48
唔出奇啊
我上年已經留意到689既行為係故意產生呢類激進既香港人
咁佢先有機會出動佢由23條開始已經期待左十年既防暴隊

國球旗 2014-02-17 20:13
Numberson:唔出奇啊
我上年已經留意到689既行為係故意產生呢類激進既香港人
咁佢先有機會出動佢由23條開始已經期待左十年既防暴隊
[表情] [表情] [表情]  (2014-02-17 19:48) 

共產黨一向熱衷於製造權鬥，你地鬥得越激烈，佢就坐得越穩。

PonG 2014-02-17 20:15
國球旗:你試下上網 search「HKBN 上唔到高登」，大把人問緊.....[表情] [表情]  (2014-02-17 17:55) 

無失敗過

國球旗 2014-02-17 20:22
PonG:無失敗過 [表情] (2014-02-17 20:15)



上主頁無問題，



一CLICK入Forum就空白一片。

icemanbergkamp 2014-02-17 20:56
freezefox:唔係唔比示威，但唔係咁樣示威法嘛。示威係表達訴求！宜家佢地其實同紅衞兵差唔多，係去批鬥「敵人」。真係向旅客作出人身攻擊同威嚇。
其實完全係擾亂公安同公眾地方行為不檢，已經唔可以算係示威了。拉左都無得怨。 (2014-02-17 17:40) 

所以我意思係話, 政府繼續漠視市民既訴求, 淨係一味講叫人包容, 冇實際行動, 即係將一班每日suffer緊既人推向偏激....

佢地未必唔知咁樣文革式既批判係唔啱, 只係現實已經被迫埋牆角....(當然有d盲目附和就唔駛講)

正如數字神講, 如果689 (or 中共)專登擴大矛盾, 咁hk真係好快玩完.....唔好話50年, 2020前應該已經暴動, 咁佢就大條道理推公安條例, 出解放軍....etc

太伊 2014-02-17 22:39
激進既源頭係和平已經冇用
而人人咁樣鬧政府政府唔做野，政府都仲可以當呢班係「一小撮人」既時候
出現而家呢D咁既情況絕對唔出奇
而香港亦只會有愈來愈多人情願冇遊客都唔要遊客每分每秒都阻礙自己既生活

睇住d官仲喺度自我陶醉，話香港大部份人都好歡迎內地無限嘅自由行既時候
我真係唔知好嬲定好笑…

太伊 2014-02-17 22:40
國球旗:[圖片]
上主頁無問題，
....... (2014-02-17 20:22) 

掃下毒啦，可能關事架

文仔 2014-02-17 23:20
國球旗:[圖片]
上主頁無問題，
....... (2014-02-17 20:22) 

1. 試其他瀏覽器 (你CHROME好似行緊PROXY??)

2. 試第2個DEVICE 用同一個NETWORK

3.轉DNS

4.上好友咪算,上咩高登

國球旗 2014-02-17 23:46
文仔:1. 試其他瀏覽器 (你CHROME好似行緊PROXY??)
2. 試第2個DEVICE 用同一個NETWORK
....... (2014-02-17 23:20) 

經屋企個 router 所有可以上網既設備都上唔到，但用番 iphone share 出黎就得。

freezefox 2014-02-17 23:52
icemanbergkamp:所以我意思係話, 政府繼續漠視市民既訴求, 淨係一味講叫人包容, 冇實際行動, 即係將一班每日suffer緊既人推向偏激....
佢地未必唔知咁樣文革式既批判係唔啱, 只係現實已經被迫埋牆角....(當然有d盲目附和就唔駛講)
....... (2014-02-17 20:56) 

可能真係NUMBER 話齋，政府係故意咁做都未定⋯⋯⋯

國球旗 2014-02-18 00:40
野火：我不願意參與「驅蝗行動」，但…


星期日的尖沙咀「驅蝗行動」，雖然參與人數跟其他遊行示威比較不算多（「驅蝗行動」發起人稱有超過二百人，警方發言人則指超過五十人），但今天三位高官蘇錦樑、黎棟國和譚志源接連高調發言批評該行動，足見該行動正正擊中了政府一條異常敏感的神經。

「驅蝗行動」性質上跟「光復上水站行動」有不少相似之處，都是去地標性的地點進行直接行動。前者去廣東道指罵遊客，目的是令內地遊客感到不快、減少未來內地旅客來港的意欲。後是則是去上水火車站阻礙水貨活動，增加水貨客走水貨的時間成本，從而減少他們的收入和誘因。

跟其他遊行示威希望透過媒體報導表達不滿不同，「驅蝗行動」和「光復上水站」目標明確，易於達成，而且具有高度可重複性。根據維基百科，「光復上水站」由2012年9月15日到2013年3月10日，一共發起了十一次活動（雖然後期的活動大多只有十數至數十人）。不難想像，性質相似的「驅蝗行動」未來恐怕還會陸續有來。

試想像，未來如果每隔一段時間，「驅蝗行動」都出動指罵遊客，相信很快國內媒體，甚至外國媒體都會報導。國內很快就會有聲音要求梁振英嚴厲阻止這些事情，但哪管政府再嚴厲的譴責（今天保安局局長黎棟國甚至說警方會按既定程序，採取適當行動處理。）一天示威者不挑戰法律的底線，一天梁振英政府都無從阻止。這對動輒「維穩」、強調「穩定壓倒一切」的內地官場來說，無異於梁振英無力管治香港的鐵證。這不是愛港之聲等組織多擺幾次「歡迎國內同胞來港」的街站就對沖得了的。於是，在香港扭曲的政制下，「驅蝗行動」竟成了威脅政府、阻止內地旅客無限湧港的一大出路。(未來可會有比較溫和但可以達到我們目的的其他出路？)

「粗口指罵一般內地遊客」不少人可能接受不了，但無可否認「驅蝗行動」背後有一定的「民憤」基礎。面對公眾關注的內地旅客湧港問題，一方面政府繼續闊佬懶理：蘇錦樑最新的說法是希望市民能肯定旅客對經濟的貢獻，並指政府會密切注視景點接待旅客的能力。（天呀！景點接待能力關我咩事，為什麼政府不跟我們認真討論一下商場接待能力、街道接待能力、交通接待能力、社區接待能力？）另一方面，政府則採用一貫邊緣化、小眾化示威者的策略：譚志源指「驅蝗行動」只是少數人野蠻不文明的行為，親政府組織如「愛港之聲」則打對台，「平衡」「公眾」的聲音。

政府這種處理方法，無異於將本應在議事堂解決的爭議，交回社會自己打生打死。要香港一般市民在「粗口指罵一般內地遊客」的「驅蝗行動」和高舉「歡迎國內同胞來港」的「愛港之聲」中作出選擇。我想，如非必要，實在沒有人願意無故指住陌生人指罵，但當下的社會，我們彷彿要不這樣做，要不就接受內地遊客無窮無盡的湧港。這，實在是香港社會最大的悲哀。

http://http://www.pentoy.hk/%E6%99%82%E4%BA%8B/%E7%B6%93%E6%BF%9F/%E6%97%85%E9%81%8A%E6%9C%8D%E5%8B%99%E6%A5%AD/y310/2014/02/17/%E9%87%8E%E7%81%AB%EF%BC%9A%E6%88%91%E4%B8%8D%E9%A1%98%E6%84%8F%E5%8F%83%E8%88%87%E3%80%8C%E9%A9%85%E8%9D%97%E8%A1%8C%E5%8B%95%E3%80%8D%EF%BC%8C%E4%BD%86/

羅力亞 2014-02-18 00:49
國球旗:野火：我不願意參與「驅蝗行動」，但…
[圖片]
星期日的尖沙咀「驅蝗行動」，雖然參與人數跟其他遊行示威比較不算多（「驅蝗行動」發起人稱有超過二百人，警方發言人則指超過五十人），但今天三位高官蘇錦樑、黎棟國和譚志源接連高調發言批評該行動，足見該行動正正擊中 .. (2014-02-18 00:40) 

葉一知

件事好簡單:

1. 很多香港人都唔鍾意自由行, 生活因為佢哋大受影響, 民怨已累積幾年.

2. 即使係咁, 驅蝗行動本來就唔多人支持, 原因可以好多, 但事實就係參與人數不多, 形式也難以得多很多人認同.

3. 但我們超勁的高官, 仲要本末倒置, 竟然無視第一點, 只讉責有關行動, 仲可以話只係一少撮激烈人士的行為, 而無視民怨, 連安撫都冇, 官腔都冇一句.

4. 最後仲要話告行為不檢, 過去一連串由維園阿伯, 青關會, 愛港之聲到處踩場(包括次次踩佔中討論會場)的惡行, 一句話考慮檢控都冇, 完全當冇見到, 咁呢啲算係咩態度? 香港政府係以自由行為先定係以香港市民為先??????

5. 本來很多人都唔係認同驅蝗行動, 而家特府呢種態度, 即係迫良為法西斯, 咁你唔好怪人, 你夠膽檢控, 必定惹起對自由行更多和更深的憎怨!

freezefox 2014-02-18 01:53
其實咁做，同印尼排華、菲律賓排華有咩分別？

him 2014-02-18 02:08
只可以講 事出必有因

火鳳凰 2014-02-18 02:32
冤有頭，債有主！

而家係香港政府唔顧香港的容納量，係咁放自由行落黎，所有配套又唔做好，令到民怨沸騰！

如果你班人走去政府總部示威，指罵我地既高官，我係絕對支持的，甚至可能會加入一起示威！

但係你地而家選擇不分是非，走去辱罵驅趕一批無辜的遊客，你地既行為比起你地口中所謂既「蝗蟲」更加卑劣！

ODIN 2014-02-18 09:13
羅力亞:葉一知
件事好簡單:
....... (2014-02-18 00:49) 

咩邏輯？
憑咩代表我支持驅蝗行動升級？


查看完整版本: [-- 網民反自由行遊行 廣東道指罵內地客 --] [-- top --]


Powered by phpwind v8.7 Code ©2003-2011 phpwind
Time 0.139854 second(s),query:3 Gzip disabled