網民為乜罷睇？學友：呢套戲同王晶無關

https://www.youtube.com/watch?v=7mQnoORyfsU

【on.cc東網專訊】影星周潤發、劉嘉玲、張家輝、張學友出席首映禮，對於有網民發起罷睇《賭城風雲III》，張學友笑問：「為乜嘢罷睇？（佢哋表示不滿王晶！）咁你同我宣揚出去，呢套戲同王晶無關。」周潤發附和說：「王晶剩係喺片場度瞓覺，不過佢瞓醒又知拍到邊度。」對於票房能否再破上集的10億紀錄，張家輝以很爛的普通話說：「20億是個底數，所以各位要繫好安全帶，迎接票房爆升。」而周潤發則爆笑說：「張家輝去跳海就有機會20億。（會展）後面有個海呀！」嘉玲說：「如果有20億，立即開下一集！」

迪克	2016-02-02 15:45
支持王晶唔係唔睇呀？

麻凡	2016-02-02 20:58
我已經包左華懋戲院年三十晚子夜場，各方好友俾面既就黎講句恭喜發財，689好特首，然後齊齊入場睇啦~~~

羅力亞	2016-02-02 21:04
識睇一定睇蝗精

羅力亞	2016-02-02 21:06
麻凡:我已經包左華懋戲院年三十晚子夜場，各方好友俾面既就黎講句恭喜發財，689好特首，然後齊齊入場睇啦~~~[表情] (2016-02-02 20:58)

魚蛋	2016-02-02 23:13
我欽敬既大名星李宇春春哥都有份拍架點解提都唔提下佢剩係提班奀星

羅力亞

2016-02-04 23:11

王晶的「愛國」言論激起了香港民憤 , 更引發一眾網民揚言杯葛罷看王晶的賀歲片《賭城風雲III》 , 王晶聞言反諷「香港市場只是大陸市場的二十五份之一, 你說我怕不怕?」. 星期五(2月5日)就是《賭城風雲III》的上演日 , 究竟入座率如何 ? 網民與王晶的大戰一觸即發 !! 有網民就寫了個程式 , 可以即時看到每日《賭城風雲III》的入座率 , 我們把程式引入了網頁內 , 大家可以即時看到情況 . 暫時看來首日入坐率未夠 15% .

http://qooah.com/2016/02/04/boycott-jing-wong/

freezefox	2016-02-05 10:05
聽講首影日好恐佈喎，全部綠油油喎。

迪神	2016-02-05 10:22
估唔到咁齊心

freezefox	2016-02-05 12:00
迪神:估唔到咁齊心[表情] (2016-02-05 10:22) 講真………賭城1,2 都爛得好緊要………真係十年前既水準都不如………

火鳳凰	2016-02-05 12:18
呢的戲仲有人睇既咩？唔駛罷都無人睇啦係嘛？不過佢拍黎係呃大陸人錢的，係裡面一樣會收到盤滿缽滿的……

麻凡	2016-02-05 12:20
freezefox:講真………賭城1,2 都爛得好緊要………真係十年前既水準都不如……… (2016-02-05 12:00) 你.....竟然有睇.....

utadahikaru20	2016-02-05 12:27
冇戲睇, 所以睇過第一集, 好垃圾~~ 唔知點解發哥要拍埋D咁既戲.............幫王晶,好失望

freezefox	2016-02-05 12:44
麻凡:你.....竟然有睇.....[表情] (2016-02-05 12:20) 都話左係飛機到睇囉。上次咪講左囉。

freezefox	2016-02-05 12:46
utadahikaru20:冇戲睇, 所以睇過第一集, 好垃圾~~ 唔知點解發哥要拍埋D咁既戲.............幫王晶,好失望 (2016-02-05 12:27) 第一集都算。發哥都叫正正常常既角色。第二集先騎尼，變左小丑！我都唔明，以發哥今時今日既地位、身家，點解仲要拍埋呢D 垃圾戲？真係臨尾先黎衰收尾………

迪克	2016-02-05 12:52
係飛機睇都有得揀架我對上兩套係飛機睇既戲係:復仇者2同暗殺教室

鮮吊甬仔	2016-02-05 13:31
我都畀人拉左去睇第一集.... 講真真係亂咁黎將以前D橋返炒當攪笑

freezefox	2016-02-05 14:07
迪克:係飛機睇都有得揀架我對上兩套係飛機睇既戲係:復仇者2同暗殺教室 (2016-02-05 12:52) 你上次個程機飛左幾多個鐘？我去一次美國一來一回廿幾三十個鐘，未計中途轉機等機又加六個鐘。一年四五程咁既長途機，飛百幾個鐘。我係飛機上已經睇過超過五次復仇者2 了…………

freezefox	2016-02-05 14:13
同埋，垃圾片唔係王晶獨有的。近幾年既港產片八成係垃圾片。我都想揀五個小孩黎睇，有先得架。睇垃圾片，都係KILL TIME 者。當你想KILL TIME 既時候，有時越垃圾愈好添（快D 訓著哎嘛）。王晶成為公敵都係近年既事。賭城1 個陣，情況未咁嚴重的。

羅力亞	2016-02-05 22:24
freezefox:你上次個程機飛左幾多個鐘？我去一次美國一來一回廿幾三十個鐘，未計中途轉機等機又加六個鐘。一年四五程咁既長途機，飛百幾個鐘。我係飛機上已經睇過超過五次復仇者2 了………… ....... (2016-02-05 14:07) 我睇左N次 CA 2

羅力亞

2016-02-07 01:01

《賭城風雲3》揚威全球，連權威電影網站IMDb都有呢部戲踪影，個評分仲喺10分入面到1.3分添呀！

先睇王晶國際市場：
睇番IMDb資料，評分最低電影係《Code Name: K.O.Z.》評分有1.5，即係話《賭城風雲3》破紀錄創新低，佢仲破埋自己紀錄添！
以下係其實王晶拍過有關「賭」電影喺IMDb評分，平均都係徘徊5分左右。能夠去到得1.3分，極高難度。
《賭神》 7.4/10
《賭神2》 6.9/10
《賭俠》 6.9/10
《賭俠2之上海灘賭聖》 6.6/10
《賭聖2：街頭賭聖》 5.0/10
《賭神3之少年賭神》 6.2/10
《賭城風雲》 5.1/10
《賭城風雲II》 5.1/10
《賭城風雲III》 1.3/10(創新低)

再睇帶俾王晶1/25票房香港市場：
唔單止IMDb，其他電影網站評分同留言都一面倒，「Hong Kong Movie-香港電影」上面評分只得0.7，大部留言都係話套戲浪費卡士劇本差，「Yahoo!電影」上面負評近500個，只得72個正評。

最後係王晶大陸市場：
而大陸「豆瓣電影」，呢部改咗名叫《澳門風雲》(大陸唔講得賭，所以全片咪得10分鐘同賭有關場面囉)，評分只得5.1，仲有網民留言話﹕「有意思嗎？能有點誠意嗎？非要把他們在圈到一起來圈錢。前兩部哎....。又整出一部，也是哎....冷飯一炒炒三年啊...也是服了....」、「朋友說期待澳門風雲(賭城風雲)，我說別看了，我為有這樣的華語片感到悲哀」、「半星，真噁心，真心不明白這種大爛片也有人看故弄玄虛虛張聲勢一群香港過氣老演員來大陸圈錢，可能你們曾經很牛，但你們為了一點錢把你們曾經的名聲信譽全毀了值嗎？還是因為我們的錢好騙？」
唔知王大導見到呢啲留言會有咩回應呢？

http://hk.apple.nextmedia.com/enews/realtime/20160206/54734420

freezefox

2016-02-07 01:27

「半星，真噁心，真心不明白這種大爛片也有人看故弄玄虛虛張聲勢一群香港過氣老演員來大陸圈錢，可能你們曾經很牛，但你們為了一點錢把你們曾經的名聲信譽全毀了值嗎？還是因為我們的錢好騙？」
唔知王大導見到呢啲留言會有咩回應呢？

發哥、華仔全部上哂賊船。連學友都中伏個下真係唔明⋯⋯⋯點解會拍套咁既爛片？

senal

2016-02-07 11:25

freezefox:「半星，真噁心，真心不明白這種大爛片也有人看故弄玄虛虛張聲勢一群香港過氣老演員來大陸圈錢，可能你們曾經很牛，但你們為了一點錢把你們曾經的名聲信譽全毀了值嗎？還是因為我們的錢好騙？」
唔知王大導見到呢啲留言會有咩回應呢？
發哥、華仔全部上哂賊船。連學友都中 .. (2016-02-07 01:27)

卡士黎講真係好勁

但講真，送俾我包埋車馬費都唔會去睇囉......

羅力亞

2016-02-08 17:21

恭喜王晶，恭喜恭喜！

即使王晶毫不掩飾，連番發表仇視港人及「廢青」言論，都未計佔領期間、在七警涉打人片段曝光時，撐警打人(原句係:「我依然撐警察！人家執行職務，你居然用尿潑人？打死都冇得怨！我覺得打得少！」)、政改撐建制又打壓同行中的異己、呼籲全港僱主「永別僱用」港大學生馮敬恩，仲有「成功」的定義等等等等……
即使網上劣評如潮，IMDb更創下史上最低評分（噚日一度由1.3跌至1，今日微升至1.1分）；即使王晶講到明唔在乎香港票房，更揶揄「舊年夠話唔睇啦，結果我（票房）咪又係第一！」即使電影也明顯不是拍給香港人看，不過，在杯葛聲中，王晶部新片，喺香港，大年初一仍然滿堂紅。恭喜恭喜。年初一(包括除夕午夜場開始截至今午一時)，王晶部戲，香港單日票房係218萬。星爺部《美人魚》，年初一單日收244萬，排第一。

今日一大早，王晶即更新微博寫道:「《澳門風雲3》大年初一九點已經過億！我跟華仔祝大家一年比一年發，一年比一年帥！」咁呢個過億，當然係計埋大陸票房。香港只係佔大陸票房1/25之嘛。
過億。大陸市場，即係王晶金礦——上映一日收過億係閒事。周星馳暌違三年新作《美人魚》，今日大年初一喺大陸開映，預售票房勁收1.18億，排首位；繼續恭喜王晶，佢部新片，以8,320萬排第二，郭富城《西遊記之孫悟空三打白骨精》，以7,890萬第三。
口裡說不，身體很誠實。香港人，選舉時聲稱含淚投票，新年又含淚買飛睇王晶。有人會話，新正頭，放鬆啲啦香港人，乖乖掏腰包入場。明年新春，當王晶再拍一部更爛賀歲片出嚟，也許港人一樣捧上真金白銀，王晶亦將不厭其煩揶揄大家說:「前年舊年夠話唔睇啦，結果我（票房）咪又係第一！」

《100毛》小編話齋，呢片紅海，就係香港人核心價值。

羅力亞

2016-02-11 19:10

之前同網民罵戰，又話網民係廢青王晶，佢部賀歲片仍然keep住係IMDb爛片之最:1分，但捧場者眾。

香港人，越鬧越要睇。今日年初四咁樣樣，仍然捧場者眾，唔少場次都賣個滿堂紅。
截至昨日(10號)，王晶新片累積票房已近1千5百萬；單單係年廿九至年初三，累積票房達1千2百萬。但周星馳《美人魚》仲勁，2月8日上畫，即係比王晶新片遲兩日上映，但截至年初三，《美人魚》累積票房已有約1,331萬票房，後勁凌厲。
香港人繼續乖乖俾錢買飛入場，但大陸呢？唔賣賬。
星美國際（198）大股東覃輝兄弟旗下中影星美國際影城，其位於甘肅平涼戲院，今日透過微信帳號發聲明，批評王晶呢套新戲，話「簡直不知道該用什麼語言形容」、「也搞不懂港片怎麼會沒落到如此地步。」又向睇過呢套戲既觀眾致歉，仲話呢套「電影」係無職業道德喺度呃錢，更話唔明白點解啲明星唔揀劇本。
聲明更呼籲大家唔好花錢睇，仲話安排呢套戲每日只會播映一場。但唔知因為乜事，到下晝3點半左右，聲明已經被刪除咗喇，大家要用自己方法去睇番喇﹗

中影星美國際影城聲明如下：
「各位影迷朋友們：
大家好！
由於最近很忙，沒有在第一時間觀看《澳門風雲3》(即王晶新片)，昨天看完以後，額......簡直不知道該用什麼語言形容。在這裡先向各位已經看過此片的朋友們，說聲對不起。
沒明白這一幫曾經的巨星，怎麼會如此不挑劇本。也搞不懂港片怎麼會沒落到如此地步。
這部『電影』，完全是沒有職業道德的在騙錢。
真心不建議大家花錢看此片。
之後，該影片我們每日只會排一場，如果您實在想看，請您關注影訊。」

http://hk.apple.nextmedia.com/enews/realtime/20160211/54748333

羅力亞	2016-02-12 00:53
https://www.youtube.com/watch?v=DTahp_0mbpw 【港產誠實預告】賭城風雲 (2012)

查看完整版本: [-- 網民為乜罷睇？學友：呢套戲同王晶無關 --] [-- top --]

Powered by phpwind v8.7 Code ©2003-2011 phpwind
Time 0.124623 second(s),query:3 Gzip disabled