獲中央批准請辭的曾俊華，正式宣布參選下屆行政長官選舉

【特首跑馬仔】李慧玲引述政圈消息：待中央拍板　曾俊華最快10月辭職選特首 (01:08)

特首選舉戰幔即將揭開，特首梁振英早前稱要待9月後，才會考慮連任問題，至於另一被視為熱門人選的財政司長曾俊華亦並未明確表態，只表示會詳細考慮參選的事。不過，傳媒人李慧玲在其D100節目「左右大局」facebook專頁稱，今日收到政圈消息，指曾俊華最快10月辭職，備選特首。

李慧玲稱，中央政治局常委月底將就「港人最關心問題」召開會議，如拍板開綠燈准曾俊華參選，曾下月便會辭職。
民主黨李永達今日亦在「香港花生」網台節目中，指近日遇到立法會主席曾鈺成，對方表示曾俊華很快會宣布競選特首，稱「John（曾俊華）嚟架喇嚟架喇！」
李永達又稱，近日曾見過傳媒老闆于品海，問及旗下多維新聞網近日發表批評梁振英及中聯辦的文章，沒被內地下架，他引述于品海稱「我們HK01及多維的觀點，『習辦』（習近平辦公室）同事應該不會反對，觀點相近」。李再問及于品海梁振英「掂唔掂」？于回答他說，梁有機會連候選人也不能做。
2012年特首選舉候選人唐英年於前一年9月底已辭任政務司長宣布參選，而梁振英則早唐一周辭行會召集人。

http://news.mingpao.com/ins/instantnews/web_tc/article/20160916/s00001/1473953508964

羅力亞	2016-09-16 09:51

羅力亞

2016-09-20 12:27

《明報》專欄「李先知」：政圈傳曾主席獲准入閘 (09:24)

今日《明報》專欄「李先知」提到，特首梁振英能否連任屬未知之數，但有政圈消息稱，立法會主席曾鈺成早前曾與中央官員見面，獲「開綠燈」入閘參選。不過，曾鈺成至今不算太積極推行其選舉工程，據聞他目前正外遊，10月初才會返港，即使國慶日亦不會在港出席慶祝活動。但有民建聯中人認為，始終不覺得曾主席最終會去馬參選。

另外，專欄提到，資深傳媒人李慧玲在報章專欄稱，「據聞最近連梁愛詩都向中央參他（梁振英）一本」。筆者向梁愛詩查詢，她強調自己「並無向中央參梁振英一本」，對於有否與中央就特首選舉、香港政局溝通，她不諱言「有同上面溝通」，但拒絕披露溝通內容。
專欄又提到：「目前不論是CY還是兩名司長都未有表態去馬，至於CY，若要角逐連任也毋須辭職，消息人士分析，CY按理不用急於表態，以免成為箭靶。據了解，若非中央表態要換走CY，兩名司長也不會為選而選只去『陪跑』。」
「外間依然認為林鄭月娥仍有機會出選，但政府中人多認為林鄭出戰機會甚低，據聞她近期不時會主動問官員有沒有什麼難題，想趁她仍是司長時解決，她甚至特別關顧社署，主動問有否需要幫手的事項，她近日亦在官場內清楚表明，要做好回歸20周年的工作。有政府中人分析，曾任社署署長的林鄭，與社署感情深厚，若她為了自己參選而掩飾向社署放話，日後會難以解畫。」

http://news.mingpao.com/ins/instantnews/web_tc/article/20160920/s00001/1474334953848

羅力亞

2016-10-26 21:36

勢將參選？報道引可靠消息指曾俊華上周向中央請辭

退休法官胡國興突然表態「去馬」選特首，《香港01》報道指，收到可靠消息，財政司司長曾俊華上周已去信中央最高層，稟報將辭職參選特首，「以下級向上級匯報方式，表明自己將會辭職參選特首」。《香港01》指財政司司長辦公室傍晚回應事件時，只稱「不評論揣測性傳聞」。

一直盛傳會出選的曾俊華，下午出席演藝學院頒授典禮後，無回應是否支持胡參選特首，只向在場記者揮手示意後便離開。
曾俊華曾表示，如對香港有貢獻，會認真考慮參選特首。

http://hk.apple.nextmedia.com/realtime/news/20161026/55830723

羅力亞

2016-10-26 21:40

曾俊華上周去信中央稟報：我將辭職選特首　財司辦不評論

特首選舉風起雲湧，繼退休法官胡國興突然爆出有意落場競逐，並敲定於明日公布參選詳情，《香港01》獲得可靠消息，財政司司長曾俊華已於上周去信中央最高層，以下級向上級匯報方式，表明自己將會辭職參選特首。換言之，曾俊華很可能亦會在短期內宣布參選。
對於去信中央表明計劃辭職參選，財政司司長辦公室傍晚回應指，不評論揣測性傳聞。

以下級向上級語調稟報

距離特首選舉尚餘不到半年，各路人馬全面啟動，退休法官胡國興將於明日（周四）開記者會宣布參選，其他逐鹿者亦蓄勢待發。消息指，曾俊華上周四透過自己渠道去信中央最高層，以下級向上級匯報、禮貌莊重的語調，表達自己快將宣布辭職參選特首的決定，希望中央能給予支持。

憲制上，香港財政司司長由特首提名、中央任命，加上財爺辭職參選會觸發港府高層人事變動，曾俊華事前向領導人匯報，既合乎禮節，亦變相向北京「預告」，減輕政治震盪及反彈。至於曾俊華去信中央一事，有否通知其上司梁振英，則不得而知。

消息又稱，由於中央至今未就特首人選表態，曾俊華突然去信「明志」，情況罕見，反映他已下定決心去馬，不管是否獲得中央「祝福」，也很可能會「衝閘」參選，放手一搏，背水一戰。

不排除下周有行動

政界近日有傳，北京計劃等到12月選舉委員會選舉結果揭盅，視乎可掌握多少「鐵票」後，始就特首人選表態，故外界估計曾俊華或在12月中後才表明參選去向，但從其去信中央的舉措看來，他應不會再等下去，「可能下星期便有正式行動」。

上月出席杭州G20峰會再獲「習握手」的曾俊華，有意衝擊特首寶座已是政壇公開的秘密，其最大羈絆是「忠誠度」不及其他黑馬候選人，故一直被指未必能獲北京垂青，最終或會被「勸退」。

不過，消息指，以曾俊華的政商人脈，加上選委會內不少是「ABC」（ Anyone But CY）信徒，若曾俊華強行衝閘參選，「阿爺要阻都未必阻不了」，如今事態如何發展，只在於曾俊華一念之間。

營造本土形象　爭取年輕人支持

近年積極在網上軟銷形象，不時發表言論爭取年輕人支持，例如認同年青人「追求心中富有」，又親自到場撐港隊、支持拳手曹星如等，營造親本土的「香港仔」形象。

曾俊華過去多次被問到會否參選特首，他今年7月首次表示，「如果對香港有貢獻，我願意做」，但之後未有再明確表態。他上周日（23日）出席港大高桌晚宴時再被問到參選問題，他回應指為免被人與自己之前的措辭對比，不會再重複以前的說話，但就指政府面臨很多問題與挑戰，需要彼此溝通、尋求解決方法。

政界尚未收到辭職參選消息

《香港01》早前委託港大民研進行特首選舉民調，曾俊華支持度高達28.5%，遠超排第二的政務司長林鄭月娥（12.3%）及排第三的梁振英（10.9%）。

全國政協常委陳永棋表示，未聽過曾俊華即將辭職參選的消息；被問到曾俊華是否合適人選，陳永棋指「梗係合適」，但他不想評論任何人。港區全國人大代表葉國謙亦指，未聽聞有關消息，但認為肯定不能排除曾俊華參選的可能性，過去亦一直傳他有興趣競逐特首，若他最終辭職參選，他不會感到驚訝。

就去信中央表達辭職參選傳聞，財政司司長辦公室發言人表示，不評論揣測性傳聞。

http://www.hk01.com/sns/article/50629?utm_content=buffere598a&utm_medium=Social&utm_source=facebook+hk01&utm_campaign=buffer

羅力亞	2016-10-26 21:40

羅力亞

2016-10-27 00:08

【23:50最新】
【消息：曾俊華向北京表明有意選特首】
消息指財政司司長曾俊華上星期去函北京，表明有意參選特首，而他周三晚出席公開活動後，並無回應任何有關特首選舉的提問。
消息人士指曾俊華上星期去信中央政府，以書面表明自己有意參選特首，但並非一封正式辭職信。
暫時他亦未向行政長官梁振英遞交辭呈。
另一個消息人士亦表示，知道曾俊華有意辭職參選，已開始鼓勵多個界別競逐選委議席支持他。
曾俊華作為主要官員，一旦辭職要向特首提出辭呈，特首如果接納，就會向中央政府建議免除他的職務。
財政司司長辦公室表示，不評論揣測性傳聞。

freezefox	2016-10-27 11:07
馬後炮講番……… 咁如果宜家我地有一人一票………成件事係咪會好D ？

羅力亞

2016-10-27 13:05

消息：曾俊華去信中央有意選特首　未提辭職
48分鐘前 Share to Facebook
【Now新聞台】消息透露，財政司司長曾俊華上周去信中央表明有意參選下一屆行政長官選舉，但未正式提出請辭。曾俊華上班前沒有回應。

曾俊華早上乘車離開位於壽臣山官邸時，沒有回應記者提問。

消息透露，上周訪美回港的曾俊華去信中央，表明有意參選行政長官選舉，但未有提及辭職。

據了解，曾俊華下周六將會以財政司司長身分率領商貿團到伊朗，行程會至下月11日。

根據基本法，主要官員需辭職才可參選特首。而根據問責制官員合約，官員向政府辭職，需給予一個月通知或支付薪金代替，若雙方同意亦可隨時解約。若行政長官接納辭職，會根據基本法建議中央免除官員的職務。

2011年，唐英年於9月28日向時任行政長官請辭，隨即休假。兩天後獲中央批准，並公布接任安排。

myrmidon	2016-10-27 14:04
freezefox:馬後炮講番……… 咁如果宜家我地有一人一票………成件事係咪會好D ？[表情] [表情] [表情] (2016-10-27 11:07) 如果一人有一票佢就唔會俾john tsang入閘就係咁簡單你到依家都仲對中共政權存有幻想

freezefox

2016-10-27 15:34

myrmidon:如果一人有一票佢就唔會俾john tsang入閘就係咁簡單 [表情]
你到依家都仲對中共政權存有幻想 [表情] (2016-10-27 14:04)

咁又未必喎。我到宜家仍然認為，走到宜家無路好走，其中一個關鍵原因就係當年政改時，我地比左三個經篩選之後既方案政府，將所有中間溫和路線篩走哂，半步不讓，先攪到宜家半步不能進。

你反對人地攪篩選，自己就第一個走出黎玩篩選。我個陣其實係支持湯家華、陳方安生個個方案的。點知你連票都唔比我地投，比左三個原則上根本一模一樣既方案叫我地揀，根本就係扼殺中間溫和路線既出路。

我傾向相信，中方會較易接受呢個方案的。不過宜家講咩都無用了………事態發展到今時今日，咩都唔駛講了。

myrmidon

2016-10-27 16:21

freezefox:咁又未必喎。我到宜家仍然認為，走到宜家無路好走，其中一個關鍵原因就係當年政改時，我地比左三個經篩選之後既方案政府，將所有中間溫和路線篩走哂，半步不讓，先攪到宜家半步不能進。
你反對人地攪篩選，自己就第一個走出黎玩篩選。我個陣其實係支持湯家華、陳方安生個個方案 .. (2016-10-27 15:34)

我只能說我已對所謂一國兩制死心.

嗰3個方案細節已經唔記得. 記憶中3個都係差不多一步到位要全民直選. 有人話你一下子要一步到位人地點同你傾? 但我又咁睇, 立法會廢除功能組別拖咗幾耐? 俾民主黨跣一跣搞到遙遙無期. 好多野一句推俾社會未有共識就唔駛兌現. 社會梗有既得利益者, 永遠有既得利益者就咩承諾都可以拖足一世.

好多野基本法要落實都無兌現, 你仲叫人點信你? 97之後多左樣野叫人大釋法, 呢個真係自宮既完美體現, 有咩你地香港人傾唔掂就推上去釋法, 即係籠門任擺, 你玩哂, 仲好意思叫人跟規矩陪你玩?

再講, 689完全將中國官場一套係香港從現. 中國官場只有政權/官員利益而沒民生. 你睇呢幾年西環將香港搞成點?

我都係呻下, 我都明依家講咩都無用.

羅力亞	2016-10-27 16:21
退休大法官胡國興，下午舉行記者會，公布參選行政長官詳情。他表示，參選行政長官是因為覺得社會太撕裂，政治陷入困局。他有經驗，判斷中立，相信可以為香港作出貢獻。

myrmidon	2016-10-27 16:25
羅力亞:退休大法官胡國興，下午舉行記者會，公布參選行政長官詳情。他表示，參選行政長官是因為覺得社會太撕裂，政治陷入困局。他有經驗，判斷中立，相信可以為香港作出貢獻。 (2016-10-27 16:21) 胡官人地70歲仲要叫人出黎做大龍鳳, 湊孫好過啦

ArSo

2016-10-27 16:31

freezefox:咁又未必喎。我到宜家仍然認為，走到宜家無路好走，其中一個關鍵原因就係當年政改時，我地比左三個經篩選之後既方案政府，將所有中間溫和路線篩走哂，半步不讓，先攪到宜家半步不能進。
你反對人地攪篩選，自己就第一個走出黎玩篩選。我個陣其實係支持湯家華、陳方安生個個方案 .. (2016-10-27 15:34)

我果時話, 1/8出閘已經解決一切

freezefox	2016-10-27 17:34
ArSo:我果時話, 1/8出閘已經解決一切 (2016-10-27 16:31) 個陣無諗過會發展到咁既地方，個陣如果多D 聲音反對個三個方案，比多幾個方案入閘再投票，結局未必係宜家咁。

ODIN	2016-10-27 17:58
myrmidon:胡官 [表情] 人地70歲仲要叫人出黎做大龍鳳, 湊孫好過啦 [表情] (2016-10-27 16:25) 所以有人話佢係鬼...

freezefox

2016-10-27 18:34

ODIN:所以有人話佢係鬼... (2016-10-27 17:58)

宜家香港人真係無辦法再信任何人………

幾乎所有人都係鬼。成個泛民，民主黨係鬼，公民黨係鬼，街工係鬼，青政係鬼，熱狗又係鬼………個個都係鬼………咁其實成個立法局已經係中央控制之內了。

我即時諗起使徒行者………個個都係臥底……其實CALL 番哂佢地歸隊個社團已經崩潰了。根本都唔駛去查案。

Chelsea	2016-10-27 19:30
freezefox:宜家香港人真係無辦法再信任何人……… 幾乎所有人都係鬼。成個泛民，民主黨係鬼，公民黨係鬼，街工係鬼，青政係鬼，熱狗又係鬼………個個都係鬼………咁其實成個立法局已經係中央控制之內了。 ....... (2016-10-27 18:34) 正宗鬼打鬼

羅力亞	2016-10-27 19:54
freezefox:宜家香港人真係無辦法再信任何人……… 幾乎所有人都係鬼。成個泛民，民主黨係鬼，公民黨係鬼，街工係鬼，青政係鬼，熱狗又係鬼………個個都係鬼………咁其實成個立法局已經係中央控制之內了。 ....... (2016-10-27 18:34) 鬼，全部都係鬼

ODIN	2016-10-28 10:33
freezefox:宜家香港人真係無辦法再信任何人……… 幾乎所有人都係鬼。成個泛民，民主黨係鬼，公民黨係鬼，街工係鬼，青政係鬼，熱狗又係鬼………個個都係鬼………咁其實成個立法局已經係中央控制之內了。 ....... (2016-10-27 18:34) 睇你點睇，我的睇法傾向比較悲觀...

freezefox	2016-10-28 10:36
ODIN:睇你點睇，我的睇法傾向比較悲觀... (2016-10-28 10:33) 「香港人無辦法再信任任何人」其實係一句客觀陳述黎的。

ODIN	2016-10-28 11:34
freezefox:「香港人無辦法再信任任何人」其實係一句客觀陳述黎的。 (2016-10-28 10:36) 老老豆豆，尋日見胡官冇自己的班底，冇自己想做的政策，乜都冇，其實係幾失望甚至已經引黎好多人的負評，話佢係中聯辦的一隻吸泛民票的棋...

羅力亞

2016-10-28 12:48

曾俊華指何時參選是天機
28.10.2016 12:42
財政司司長曾俊華在中文大學和學生交流，被問到是否會參選行政長官時重申，如果對香港有貢獻，願意考慮任何事情，但現時不講得太多，至於何時宣佈參選，他形容是「天機」。

曾俊華又回應新民黨主席葉劉淑儀批評他過去十年，擔任財政司司長「Hea做」的言論，指如果自己在這個崗位可以「Hea到十年」，都甚有天才。他又說，擔任海關關長時，葉劉淑儀是自己的「老闆」，當時對方給予自己幾好的評價，感謝對方對自己多年來提出的意見。

freezefox

2016-10-28 12:49

ODIN:老老豆豆，尋日見胡官冇自己的班底，冇自己想做的政策，乜都冇，其實係幾失望
甚至已經引黎好多人的負評，話佢係中聯辦的一隻吸泛民票的棋...
(2016-10-28 11:34)

立法局就話要吸票者。

選特首黎黎去去都係個千零票，七成係完全掌握係中央手中。佢落ORDER 投邊個就投邊個，無懸念咁滯。你再多多聲氣就派個京官黎親自「教育」下你，「開導」下你，咪又係跟指示投票。

有需要介票或吸票咩？你話中央唔介意多個人黎演呢套鬧劇我就或者會信。你話中央專登搵幾個人黎吸泛民個區區二三百張票就似乎唔多有說服力了。要吸票，一個鬍鬚曾都夠啦。

ArSo

2016-10-28 14:16

freezefox:立法局就話要吸票者。
選特首黎黎去去都係個千零票，七成係完全掌握係中央手中。佢落ORDER 投邊個就投邊個，無懸念咁滯。你再多多聲氣就派個京官黎親自「教育」下你，「開導」下你，咪又係跟指示投票。
....... (2016-10-28 12:49)

如果中央有7成

就唔會出現689啦....

大陸都有黨派之爭

就算特首都係
大家互相角力鬥造王

ODIN

2016-10-28 14:19

火鳳凰:
如果我無記錯的話，特首選舉係無界票呢回事的，就算胡官真係入到閘，最後三個人選，唔係最高票就一定當選，仲一定要係過半數。就算胡官第一輪投票吸到泛民票，三個人都唔過半數的話，第二輪會淘汰左最低票果個放返的票出黎……

freezefox:

立法局就話要吸票者。

選特首黎黎去去都係個千零票，七成係完全掌握係中央手中。佢落ORDER 投邊個就投邊個，無懸念咁滯。你再多多聲氣就派個京官黎親自「教育」下你，「開導」下你，咪又係跟指示投票。
.......

上屆有689，唐英年及AV仁。如果上屆泛民冇出人，就會成為造王者。

假設今年係 689 vs 曾俊華，如果胡官入左閘會對邊個比較有利？

ODIN	2016-10-28 14:29
當然，胡官連當年的楊鐵樑都比唔上，要入閘談何容易? 689, 曾俊華, 葉劉...點都未排到佢... 你話黃仁龍出黎選就話姐..

freezefox

2016-10-28 15:03

ArSo:如果中央有7成
就唔會出現689啦....
....... (2016-10-28 14:16)

無七成咪六成或五成半囉。

你舉689個例子，咪正正證明，中央實實在在掌握左差唔多七百張票囉。夠過半數啦。

仲有唔好唔記得，個陣689係臨尾先受「祝福」。可能真係去到最尾個一分鐘上面先拍板比佢去，或棄唐取梁的。所以臨選前唔知一日定兩日有中央大員落黎香港逐個逐個選委去見。時間咁少都夠佢做野。如果佢地再早少少拍板。我諗689個名宜家可能叫789 都未定了。

freezefox	2016-10-28 15:04
ArSo:如果中央有7成就唔會出現689啦.... ....... (2016-10-28 14:16) 不過我都認同，內地有黨派之爭。唔係唔會有成報事件吧。插689 之餘，連中聯辦都插到反艇。你唔係有人係背後撐腰邊有可能比佢發生？

freezefox

2016-10-28 15:10

ODIN:上屆有689，唐英年及AV仁。如果上屆泛民冇出人，就會成為造王者。
假設今年係 689 vs 曾俊華，如果胡官入左閘會對邊個比較有利？ (2016-10-28 14:19)

最後咪又係睇阿爺個七百票配比邊個。

如果阿爺唔想比689連任，唔駛攪咁多野啦。落order 叫個700 個選委一半走去投曾就可以了。

如果佢堅持比689 連任，只要呢689 票一票不少。我當你無左胡官，曾可以羸到咩？

仲有喎，宜家未知總共有幾多人入閘架喎。暫時表明會選既，都係得胡官一個之嘛。或者689 最後真係唔選呢。

ODIN	2016-10-28 15:10
中央都有好多個山頭，否則就唔會又有唐英年，又有689，你睇成報就知... 其實我理解上屆中央的人選係唐英年先真，只係比 689 做低左... 如果胡官入閘，我唔敢話所有人對 689 以外的參選人冇影響，反正除左 689 本人之外，其他人都會講 Anyone But CY...

freezefox	2016-10-28 15:10
ODIN:當然，胡官連當年的楊鐵樑都比唔上，要入閘談何容易? 689, 曾俊華, 葉劉...點都未排到佢... 你話黃仁龍出黎選就話姐.. (2016-10-28 14:29) 咪係囉，佢連入唔入到閘都未知。講咩介票哎。

freezefox

2016-10-28 15:17

ODIN:中央都有好多個山頭，否則就唔會又有唐英年，又有689，你睇成報就知...
其實我理解上屆中央的人選係唐英年先真，只係比 689 做低左...
如果胡官入閘，我唔敢話所有人對 689 以外的參選人冇影響，反正除左 689 本人之外，其他人都會講 Anyone But CY... (2016-10-28 15:10)

中央有好多派系呢點大家無異議。

但好多派系同胡官係咪阿爺指派黎介票，本身無關係吧。要指控胡官係受命介票，需要更多既，更可信既證據或推論。宜家我真係睇唔到任何證據或推論可以支持呢個講法。

否則，真係只要係參選既候選人，全部都係鬼。就算泛民推個人出黎，一樣係鬼。「鬼」既定義太闊了吧。

freezefox

2016-10-28 15:18

火鳳凰:上屆就算泛民冇出人，都唔會成為造王者…… 1200票只要拎到601票就當選，所以 689 當選同泛民有無出人根本就無關係……
至於今屆，頭先已經解釋過，689 vs 曾俊華的話，有無胡官入閘，到最後都會係 689 vs 曾俊華邊個最後一輪拎到 601票就當選……
....... (2016-10-28 14:53)

我唔信中央會唔干預由得我地攪。

但我信中央未拍板內定邊個係特首。仲可以有變數。

羅力亞	2016-10-28 15:20
freezefox: 無七成咪六成或五成半囉。你舉689個例子，咪正正證明，中央實實在在掌握左差唔多七百張票囉。夠過半數啦。 ....... 1 梁振英 689票 2 何俊仁 76票 3 唐英年 285票白票 75票廢票 7票總投票數 1132票沒入場選委 61票有資格選委 1193票 100% 689+285=974 974/1200=81.16% 八成票tim

ODIN

2016-10-28 15:29

火鳳凰:胡官入閘，除左 689 本人之外，其他人都會講 Anyone But CY，我唔明有咩影響……
總之 689 拎到 601票就會贏，拎唔到 601票就會輸，因為到最後一輪都會係一對一，唔會有界票既情況出現……
....... (2016-10-28 15:17)

問題係 689 都唔知自己夠唔夠601票...

唔好講界票，胡官參選會唔會用黎分薄對手選票的工具?

羅力亞	2016-10-28 15:33
火鳳凰:何來八成？投唐英年果 285票咪就係最後唔聽中央話囉，例如李嘉誠就差不多講到明有人叫佢改投 CY，佢點都唔肯…… [表情] (2016-10-28 15:23) 個堆票咪又係北京掌控住，只係對上大老唔同者上次臨時先谷689上位，要劉延東落黎cool票最後都夠贏，今次早d吹雞有七、八成唔難

羅力亞	2016-10-28 15:37
再對上一屆，貪曾都有八成票只係因為上次有千二人選+多左個候選人者北京掌握既票肯定有八成，投邊個睇你對上落咩order了

羅力亞

2016-10-28 15:54

火鳳凰:睇你吹雞邊個啦，吹雞 689 就肯定唔會有七、八成啦…… [表情]
我地講緊佢控制到既票係絕對控制到既票，叫佢去死都會去死既票，而唔係講緊正常情況之下都會聽話既票，因為始終都係暗票黎…… [表情]
(2016-10-28 15:47)

咁上次最後情況有變者，上面好遲先拍板決定捧689

所以有d唔敢再轉駄照投，怕原本大老都得罪埋
今次應該唔會la

freezefox

2016-10-28 16:39

ODIN:問題係 689 都唔知自己夠唔夠601票...
唔好講界票，胡官參選會唔會用黎分薄對手選票的工具? (2016-10-28 15:29)

疑？你咁講講下，變左係689 或689 個一方派胡官出黎選囉喎。

其實正如火兄頭先都講左，「分薄」對手選票呢樣野係唔存在的。因為只要你拎唔到601票。第一輪你分薄左既對手既選票，係第二輪都會自自然然聚集番埋一齊。結果都係一樣。

簡單咁講，689 拎500票，曾拎450票，胡拎200票，其他既廢票，白票，缺票50票。好啦，「分薄左曾既票源了。689 得票高過曾了。咁然後呢？

第二輪，胡個200 票又會去番曾個到。曾650 票當選。

所以係特首選舉到，唔存在介票就係咁解。由始至終，都係你拎唔拎到601票。而中央，係唔希望當選人拎601票的……689上次已經係好樣衰的了。今次唔可以再次樣衰，低票當選，比人唱足四年！

ODIN	2016-10-28 16:42
freezefox:疑？你咁講講下，變左係689 或689 個一方派胡官出黎選囉喎。[表情] ....... (2016-10-28 16:39) 我覺得胡官同薯片都有同一類支持者...

羅力亞	2016-10-28 16:46
關咩票源事，最後邊個得到中央祝福d票就會歸邊ga la

ODIN	2016-10-28 17:56
freezefox:疑？你咁講講下，變左係689 或689 個一方派胡官出黎選囉喎。[表情] ....... (2016-10-28 16:39) 我睇出面評論有D咁ge推測，因為佢有2個前設。 #1 中央同地方官員一直都互相角力 #2 689 同中聯辦係一伙我同意呢類的睇法，雖然我心目中的胡官係好人...

ODIN

2016-10-28 23:05

火鳳凰:#1 同 #2 都係人所共知的，但係咁並唔代表胡官係689 同中聯辦一伙的，要睇埋客觀事實，胡官出左係對 689/中聯辦集團有利定係不利……
先睇尋日胡官一出，成個傳媒焦點就由俾 689 主導無中生有既港獨、無聊小學雞既所謂辱華，轉返去特首選舉、ABC、橫洲、UGL……等等，咁樣係對 .. (2016-10-28 21:42)

成報講的係西環治港，鬧到去張德江o個度wor...

胡官只係講返人話...

羅力亞

2016-10-29 02:42

梁振英網誌：政府首長不能迴避爭議　很多人為求做好人不斷「推莊」卸責 (18:29)

特首梁振英下午發表網誌，引用美國前總統杜魯門的說話「The buck stops here」，指做決定總會引起爭議，而且得罪人，因此很多人雖然有權有責，但為求做好人，就不斷「推莊」卸責。他又指4年來土地開發或近日港獨和立法會宣誓，雖然有爭議、得罪人，但作為政府首長不能迴避。

梁振英在網誌引用「The buck stops here」的名句，指「做決定總會引起爭議，而且得罪人，因此很多人雖然有權有責，但為求做好人，就不斷『推莊』卸責，不肯拍板，用英文說，就是『Passing the buck』。」
他指，這種情況在大機構十分普遍，機構愈大，人愈多，事件的爭議愈大，互相「推莊」的情況就愈嚴重。而這句名言，在香港同樣適用。
梁指，雖然有爭議，雖然得罪人，但作為政府首長不能迴避，而4年來的事例甚多：大大小小土地開發項目是其一，近日的港獨和立法會宣誓是其二。他並指「做好人容易，做醜人要有擔當和勇氣」。

羅力亞

2016-10-29 02:43

財爺寸爆葉劉：hea到10年都幾有天才

財政司司長曾俊華出席香港中文大學聯合書院60周年院慶講座時，大談過去30年公職經驗，認為自己在政府工作多年能對社會作貢獻。在台下發問環節，多位大學生積極發問。政治與行政學系二年級潘同學問他，對新民黨主席葉劉淑儀批評他任司長多年「hea住做」有何感想，曾俊華稱當年任海關關長時葉太為他上司，「佢當時都俾幾好評價我」，又指葉太不時給予他意見，「好多謝佢，啟發我的盲點」。但笑稱相信葉太亦知道司長職責尤其重要，「如果真係hea到10年都幾有天才」。

曾俊華演講時，同樣發揮搞笑本色。他談到自己回流前，在美國修讀雙語碩士學位，之後做教書行政工作，自嘲收入不錯，「過住非常中產生活」，然而不甘於太過穩定和安逸的生活，趁80年代大陸改革開放，舉家返港。
其後曾俊華考入哈佛大學念公共行政，認識曾蔭權，再次講笑多得曾蔭權為他「介紹份AO工」，令他最終放棄留美做校長而返港任AO，他又提及自己起步時在沙田任助理專員，電影《點五步》的棒球故事，其實是他們當年通過棒球凝聚社區的體育措施，「呢齣戲，其實都唔錯㗎，但最大缺點係冇個靚仔演員飾演ADO（助理專員）。」
新民黨主席葉劉淑儀日前於電台節目，稱有意落場競逐特首，談及大熱人選曾俊華，不諱言批評他擔任財政司長10年，並沒有太多成績，「有啲hea住做」。她又稱曾俊華支持度高，「都知有好多人支持佢，有財團支持佢，亦都有人話經營咗兩年啦」，「網上已經有好多『鬍子叔叔』呀、『薯片叔叔』呀，佢一直都走本土派路線嚟谷民望啦……」

羅力亞

2016-10-30 03:32

是否「心無二用」睇舞台劇？　曾俊華：有幾多人淨係一心做一樣嘢呀，係咪？無可能嘛！ (01:30)

財政司長曾俊華昨晚觀賞由陳志雲主演的舞台劇《莎士「對」（對字為簡體字）比亞》，在後台探班接受「志雲大師」訪問，問到是否心無二用睇演出，是否同意一心可以多用，財爺笑言：「有幾多人淨係一心做一樣嘢呀，係咪？無可能嘛！」

訪談約長1分半鐘，在陳志雲的facebook專頁發布，陳志雲在後台問財爺剛才有否心無二用欣賞演出，財爺即笑說：「絕對，absolutely！」志雲大師認為，現今社會節奏急速，一心多用很重要，認為只要有能力（一心多用）就得，問曾俊華是否同意，財爺笑謂「應該呀」。
兩人又提及莎劇名句"To be, or not to be"，陳志雲笑言，很喜歡財爺把這句改為"To run, or not to run"（是否「去馬」），又向請教曾俊華請教hea的解釋，曾俊華即笑稱：「要問一問我哋朋友。」

羅力亞	2016-10-30 03:34
有政界人士指，梁班子拒挺梁令人感到奇怪，不排因中央未表態而「騎住牆先」，勢必令梁政府淪「跛腳鴨」。【A1頭條】中央未表態局長玩騎牆梁班子拒挺梁 http://bit.ly/2f3d5nY

羅力亞	2016-10-31 02:33
曾俊華不點名反駁特首梁振英希望官員「心無二用」的說法，認為只要能力許可，便可以一心多用，反問有多少人能一心一用只做一件事。【A1頭條】"To run, or not to run" 財爺反擊689「冇可能一心一用」 http://bit.ly/2eX6CPg

查看完整版本: [-- 獲中央批准請辭的曾俊華，正式宣布參選下屆行政長官選舉 --] [-- top --]

Powered by phpwind v8.7 Code ©2003-2011 phpwind
Time 0.157390 second(s),query:3 Gzip disabled