【獨家】分手真相？唐詩詠背洪永城與洗米華愛將拍拖一個月

POST呢則新聞，主要係唔想主頁每次到置頂POST都係離世消息
=================================
頻傳分手的唐詩詠、洪永城這一對，昨晚7時許正式宣佈分手，近兩年半愛情短跑，告一段落。

二元對立。唐詩詠一直被冠上「不能錯過的女友」光環，洪永城就派演吊兒郎當角色。而有一顆恨嫁的心既唐詩詠，日前於fb透露想生B，而洪永城就被指一直不願成家，故傳出兩人因婚期出現分歧分手(新聞連結：http://bit.ly/2pFxlGo)。
分手聲明上，早過唐詩詠分幾鐘出分手po既洪永城，就講明分手不涉迫婚，亦不涉第三者。反而，唐詩詠就未有講明，只稱「很難一一解釋我們的問題所在」(新聞連結： http://bit.ly/2pSMX4l )
今《蘋果》收到風，分手原因，卻是另一個版本。
洪永城提到的「更加不是有第三者存在而分手」，第三者，應是指太陽世紀集團主席周焯華（洗米華）頭號愛將、集團執行董事盧啟邦（Andrew）。本月13日，盧啟邦北角遇襲，本報同日獨家率先揭男方正力追唐詩詠。(新聞連結： http://bit.ly/2rbffrM )
但最新消息原來係，唐詩詠與盧啟邦，其實已拍拖一個月，而洪永城是不知情。

知情者稱，唐詩詠接受盧啟邦追求時，與洪仍未分手。洪生是睇新聞先至知道，女友曾與盧啟邦約會，更想不到的是，原來兩人已暗撻逾月。

紙包唔住火，洪、唐惟有分手，就連洪永城「情敵」、但唐詩詠視如兄長既馬國明，都係呢一兩日至知兩人分手。馬國明昨晚回覆傳媒時稱：「其實冇乜回應，我都喺呢兩日先知，最緊要詩詠開心。」

盧啟邦之前宣示要追求唐詩詠，已經相當高調。由於洗米華染指電影投資，盧啟邦身為洗米華愛將，不時陪他出席娛圈活動，因而結識不少電影人，包括蕭定一、林小明、古天樂等等。
盧啟邦早對唐詩詠傾心，年多之前已四處要求「相關人士」代為引見。湊巧唐詩詠亦有外闖拍戲之意，盧啟邦即做軍師提點。今年1月19日，盧啟邦應林小明之邀出席寰宇30周年晚宴，唐詩詠亦有到賀，現場不少賓客都見到盧啟邦主動與唐詩詠「互動」，坐埋一齊傾密偈又合照，盧啟邦更稱對方為「女神」，完全當洪永城冇到。
在破碎家庭長大的唐詩詠，一直希望有一個家。之前苦候崔建邦、原諒他「七十個七次」的唐，無非都係希望對方浪子回頭，早日成婚，可惜事與願違；至於細過詩詠三年的洪永城，雖然多次表示有意置業成家、又帶詩詠睇樓，但有指男方未定性，頻傳緋聞，令詩詠不禁猶疑。
據知，就在此時，盧啟邦展開熱烈追求攻勢，令詩詠終於動搖，個多月前接受盧，但又未知如何向洪永城提分手，加上兩人忙開新劇，見面機會更少，故惟有採取「拖字訣」，沒想到因為盧啟邦街頭遇襲，令兩人戀情曝光，唐詩詠惟有作出抉擇。

[font=PMingLiu, mingliu, 細明體_HKSCS-ExtB, Ming(for ISO10646)ExtB, Arial, Helvetica, sans-serif]http://hk.apple.nextmedia.com/enews/realtime/20170517/56703000

g3rMan	2017-05-17 11:17
翠魚、洪永城馬明、唐詩詠覺得呢2pair先至最襯

羅力亞	2017-05-17 15:27
好慘，先係吹建邦後又洪永城兩個都

科高蘭尼紐約人	2017-05-17 17:44
g3rMan:翠魚、洪永城馬明、唐詩詠覺得呢2pair先至最襯[表情] (2017-05-17 11:17) 馬明、唐詩詠佢之前唔記得邊套劇合作開始D野，果套我無睇但我覺其實佢2個唔襯....

g3rMan	2017-05-17 18:11
科高蘭尼紐約人:馬明、唐詩詠佢之前唔記得邊套劇合作開始D野，果套我無睇 ....... (2017-05-17 17:44) 鐵馬尋橋? 不過馬明宜家已經有黃心穎lu

加歷查	2017-05-17 18:28
g3rMan:鐵馬尋橋? [表情] 不過馬明宜家已經有黃心穎lu (2017-05-17 18:11) 賓妹?不了

英俊	2017-05-17 19:11
[url=http://bbs.hkbff.net/u.php?username=加歷查]加歷查[/url]:賓妹?不了 (2017-05-17 18:28) 你唔要我要快點強姦我

g3rMan	2017-05-17 19:33
[url=http://bbs.hkbff.net/u.php?username=加歷查]加歷查[/url]:賓妹?不了 (2017-05-17 18:28) 蔡一智唔正咩？

羅力亞

2017-05-17 23:59

今晚7時許，唐詩詠到西環如常開工，趕拍劇集《抱佣情人》。開頭急急腳走TVB上架crew車度，跟住落番嚟接受訪問，行埋一邊，回應傳媒。

「首先我想講就係，我只係一個生日聚會上我見到盧先生(盧啟邦)，嗰張相喺一個annual dinner裏面，佢搵我影合照，同佢唔係話真係好熟，張相由來，就唔再諗。點解要講到我係一個貪錢女人？我唔係貪錢既女人，以前唔係，今日唔係，以後都唔係！」唐又稱在那個moment，「我係完全唔認識佢，佢只係一個普通朋友。」

「入行入咗十幾年，想畀啲行動證明畀大家睇拍劇，畀啲成績大家睇，但估唔到傳呢啲咁既嘢出嚟。」中段唐詩詠忍不住落淚，更一度說不下去，垂頭沉吟良久。

迪神	2017-05-18 01:26
https://www.youtube.com/watch?v=33eaUkaNS2I 迫到人喊到咁都仲繼續問

icemanbergkamp	2017-05-18 01:59
睇到我都想 , 陰公

icemanbergkamp	2017-05-18 02:00
羅力亞:好慘，先係吹建邦後又洪永城兩個都[表情] (2017-05-17 15:27) 男人唔壞, 女人唔愛.....

羅力亞	2017-05-18 04:43
icemanbergkamp:男人唔壞, 女人唔愛.....[表情] (2017-05-18 02:00) 佢揀囝囝既眼光真係好差

加歷查	2017-05-18 15:14
g3rMan:蔡一智唔正咩？[表情] (2017-05-17 19:33) 唔想講果句你講出黎

g3rMan

2017-05-18 15:24

洪永城在分手聲明中，刻意強調分手唔涉及第三者，不過根據可靠消指今次唐詩詠同洪永城分手，導火線係因為洪永城有第三者，而呢個第三者就係蔡思貝。在去年年頭，洪永成同蔡思貝拍《味想天開》時，出名姣同玩得的蔡思貝，主動撩向來貪玩的洪永城，雖然當時兩個分別都有另一半，不過佢地都玩得好埋，仲約埋一齊去做運動，件事被報道出來，在有圖有真相情況下，唐詩詠仲好信得過男友。

點知今年初洪永城同蔡思貝因為要宣傳新劇，佢地又再經常情侶檔拍住上，遇o岩蔡思貝俾男友麥秋成飛甩，所以佢成日搵洪永城出來解悶慰籍，佢地瞞住唐詩詠越行越埋，洪永城更俾人撞破深夜車住蔡思貝，而且件事有人話返俾唐詩詠知道，所以唐詩詠同洪永城當時冷戰左一段時間，唐詩詠仲飛咗去韓國散心，佢在ig發表過傷心留言，暗示不被珍惜，心情跌至谷底，更希望可以短時間上帝賜予我們短暫失憶的時間。

不過話咁快又俾洪永城乙水掂，在農曆新年o個段時間，佢地和好一齊出席朋友團拜活動。

好唔夠兩個月成，因為拍《大帥哥》，洪永城同蔡思貝又再走埋一齊，當然食過返尋味，有同佢地同劇o既演員，睇唔過眼佢地成日趁未埋位o個陣䁥埋一二邊談心，於是向唐詩詠通風報信，叫唐詩詠睇實o的佢男友，加上四月o既時候唐詩詠去咗北京拍《天命》外景，在當地留咗大半個月，呢段時間洪永城完全冇王管，據知o係呢段時間唐詩詠發現洪永城做咗o的，佢唔再接受到o既事。到唐詩詠返回香港之後，決定忍痛向洪永城攤牌分手。

本刊打電話俾蔡思貝，問佢知唔知洪永城心情點？佢表示：「人地o的野費事去講咁多啦人！（但係有消息話你係第三者？）係咩，咁唔係好方便答你，我食緊飯呀，我⋯⋯我⋯⋯我⋯⋯唔同你講住啦 bye bye ！」口窒窒到呢！

http://hkm.appledaily.com/detail.php?guid=2_512036_0&category_guid=nextplus&category=magazine

迪神	2017-05-18 16:00

羅力亞	2017-05-18 16:14
蔡思達

羅力亞	2017-05-18 16:15
迪神:[圖片] [表情] (2017-05-18 16:00) 咁雪雪雪呢

查看完整版本: [-- 【獨家】分手真相？唐詩詠背洪永城與洗米華愛將拍拖一個月 --] [-- top --]

Powered by phpwind v8.7 Code ©2003-2011 phpwind
Time 0.120577 second(s),query:3 Gzip disabled

【獨家】分手真相？唐詩詠背洪永城 與洗米華愛將拍拖一個月

【獨家】分手真相？唐詩詠背洪永城與洗米華愛將拍拖一個月