查看完整版本: [-- 武俠小說泰斗金庸逝世 享年94歲 --]

【好友論壇】- 以足球會好友 -> 【時事新聞】 -> 武俠小說泰斗金庸逝世 享年94歲 [打印本頁] 登錄 -> 注冊 -> 回復主題 -> 發表主題

<<   1   2  >>  Pages: ( 2 total )

羅力亞 2018-10-30 19:21

武俠小說泰斗金庸逝世 享年94歲




筆名金庸的武俠小說泰斗查良鏞逝世，享年94歲。金庸筆下創作多部膾炙人口的武俠小說，包括《射鵰英雄傳》、《神鵰俠侶》、《倚天屠龍記》、《天龍八部》、《笑傲江湖》、《鹿鼎記》等。
除了文學界外，查良鏞亦涉足傳媒界多年，1947年大學畢業後先受聘於上海《大公報》，任國際新聞編輯。1948年《大公報》香港版復刊，急需翻譯人員，查良鏞被報館調派來港，其後調任《新晚報》副刊編輯。
1959年創辦《明報》；1968年又創辦主打娛樂、名人及時裝的《明報周刊》。1969年《明報晚報》創刊。《明報》在80年代急速發展，至1989年，當年65歲的查良鏞宣佈辭去社長一職。1993年查宣佈辭任董事局主席，向他一手創辦的《明報》正式告別。

https://hk.news.appledaily.com/local/realtime/article/20181030/58854863

羅力亞 2018-10-30 19:23
飛雪連天射白鹿
笑書神俠倚碧鴛

多謝你令我走入武俠世界
到宜家都仲有睇書既習慣
RIP

Zxen 2018-10-30 20:12
RIP

羅力亞 2018-10-30 20:34
名作家金庸今日逝世，作家倪匡與金庸相知相交近60載，早於記者來電前已獲悉噩耗，但仍不禁多番問記者：「係咪真㗎？快啲去證實消息係咪真既，唔好聽邊個講邊個講，講（傳）咗好多次㗎嘛。」

不過，他亦坦然面對：「不過係事實都唔出奇，都90幾歲㗎喇，人生能夠90幾歲已經好難得。」而且，他認為金庸「人生豐盛到極點」是中國歷史上「五千年第一人」，「有咁（成就）既人屈指可數」，尤其是文學成就更加是第一，「佢小說好睇程度係上下五千年第一，古今中外，無以復加」。

「好耐冇見喇，對上一次見已經大約半年」倪匡憶述於1961年認識金庸，兩人更惺惺相惜，「佢都好鍾意我既小說㗎，唔係佢《明報》副刊唔會搵我寫小說啦。我哋好好朋友嚟，難忘事情太多喇」。

倪匡說金庸較他早來港，而繼作家劉以鬯早前逝世，倪匡不諱言與與他這一代當年由上海來的著名作家，「如果我都算有份量，得返我一個喇，哈哈哈」。電話傳來倪匡的「滄海一聲笑」，「我已經八十幾歲，仲有幾多年，我自己都冇計喇，我唔理㗎喇，自己鍾意點就點，我鍾意食咸魚，我理得佢咸魚有冇益吖」。

他最後說「90幾歲人過世，冇乜可以傷心既地方，因為係必然㗎，好似古龍咁英年早逝就痛苦啫」。

蕃薯廠 2018-10-30 21:28
連我呢個最憎睇書既人都睇左佢大部份著作... RIP

羅力亞 2018-10-31 00:52
陶傑透露查大俠晚年罹肝癌：他含笑而逝

筆名金庸的著名武俠小說作家查良鏞，周二下午病逝，作家陶傑周二晚上在商業電台節目中透露，查良鏞晚年罹患肝癌，他周一曾到醫院探望，查良鏞當時正睡覺，對他離世感可惜，指查良鏞對武俠小說的貢獻不容質疑，破除了武俠小說不能登大雅之堂，成為文學經典的偏見。
陶傑周二在Facebook發文，表示上星期到養和醫院探望金庸，以上海話向金庸述說世界時局情況，形容當時金庸眼睛發亮，全神貫注地聽中美之爭，「像一個純真的小孩」，及至周一再探訪，金庸熟睡了，而面色很好，令陶傑以為尚有幾星期，豈料周二下午接到金庸離世消息。
據陶傑稱，金庸於周二下午4時半離世，當時金庸正與親友視像通話，正默默聽親友對他說話，「聽著聽著含笑而逝。」

https://hk.news.appledaily.com/local/realtime/article/20181031/58856393


麻凡 2018-10-31 09:36
我人生的第一個偶像~~~~

94歲, 笑喪~~

freezefox 2018-10-31 10:16
佢對成個華人圈子既影響力真係好大好大。我輩中人有幾個係未睇過佢既作品？未睇過書都睇過電視啦。

freezefox 2018-10-31 10:20
我最記得我中五個年，岩岩考完會考。第一次拎起金庸既小說睇，然後即刻著迷！一個暑假掃哂佢個幾部長篇。


之後個幾部短篇都陸陸續續係個年到睇哂。個陣真係書不離手，人書合一。無論咩時間見到我，都係拎住本金庸小說。

羅力亞 2018-10-31 10:33
freezefox:
我最記得我中五個年，岩岩考完會考。第一次拎起金庸既小說睇，然後即刻著迷！一個暑假掃哂佢個幾部長篇。
之後個幾部短篇都陸陸續續係個年到睇哂。個陣真係書不離手，人書合一。無論咩時間見到我，都係拎住本金庸小說。

Same
不過我再早d，中一二已經係咁睇
睇哂金庸個d
就再睇埋黃易同衛斯理

宜家三個得返倪匡健在......唉.........

羅力亞 2018-10-31 10:36
freezefox:佢對成個華人圈子既影響力真係好大好大。我輩中人有幾個係未睇過佢既作品？未睇過書都睇過電視啦。 (2018-10-31 10:16) 

而且隔一段時間重睇小說
人生經歷唔同左
對故事既人物同情節又有唔同體會
好正

freezefox 2018-10-31 11:09
羅力亞:Same[表情]
不過我再早d，中一二已經係咁睇
睇哂金庸個d
就再睇埋黃易同衛斯理
....... (2018-10-31 10:33) 

會考前我都係睇衛斯理的。十部八部左右吧。


不過，老實講，衞斯理D 小說，頭幾部就好新奇好吸引。睇多幾部，就開始覺得悶，內容重複了。反正次次講到最尾講唔掂就賴落外星人到⋯⋯所以後尾都無咩點再睇了。


反而金庸小說，真係歷久常新。唔同年紀去睇都可以有唔同既感受。每一次重睇都會有新既領會。完全係兩個層次黎。無得比！

myrmidon 2018-10-31 11:28
羅力亞:而且隔一段時間重睇小說
人生經歷唔同左
對故事既人物同情節又有唔同體會
好正 (2018-10-31 10:36) 

笑傲江湖, 絕對係經典中既經典.
由讀書, 做野, 到做左老豆, 絕對有3種體會

金庸老師多謝你

ODIN 2018-10-31 11:44
RIP...

羅力亞 2018-10-31 12:12
myrmidon:笑傲江湖, 絕對係經典中既經典.
由讀書, 做野, 到做左老豆, 絕對有3種體會 [表情]
金庸老師多謝你 (2018-10-31 11:28) 

雖然射鵰三部曲都經典
不過自己最中意笑傲江湖，天龍八部同鹿鼎記
入面刻劃既人性同矛盾
真係幾時睇返都咁準！

羅力亞 2018-10-31 12:18
freezefox:
會考前我都係睇衛斯理的。十部八部左右吧。
不過，老實講，衞斯理D 小說，頭幾部就好新奇好吸引。睇多幾部，就開始覺得悶，內容重複了。反正次次講到最尾講唔掂就賴落外星人到⋯⋯所以後尾都無咩點再睇了。
.......

後期者，早期都好高質
有好幾本都係預言書，尤其係追龍。。。

頭髮，尋夢，仲有好多都係水準之作

我又覺得冇得直接比較
風格都唔同
不過講影響力同文學底蘊
當然係金庸大好多

英俊 2018-10-31 14:36
其實香港真係幾勁,反而強國咁多年都出唔到香港四大才子果類水平既文人出黎

dolphindt 2018-10-31 14:48
飛雪連天射白鹿
笑書神俠倚碧鴛

R.I.P.

dolphindt 2018-10-31 14:54
英俊:其實香港真係幾勁,反而強國咁多年都出唔到香港四大才子果類水平既文人出黎[表情]  (2018-10-31 14:36) 

香港97淪陷前仲有創作空間,  水平高d,  
有堆上左去共國,  只可以日日寫紅歌紅劇,
水平一定低

freezefox 2018-10-31 16:03
羅力亞:雖然射鵰三部曲都經典
不過自己最中意笑傲江湖，天龍八部同鹿鼎記
入面刻劃既人性同矛盾
真係幾時睇返都咁準！ (2018-10-31 12:12)

我最鐘意係鹿鼎記！！

韋小寶真係顛覆哂所有武俠小說男主角一定要靚仔人品好武功高強既定律！簡直係武俠小說既奇疤！你真係好難再搵到第二本咁既武俠小說。

其次係倚天、天龍！

張無忌光明頂隻抽群邪，開創一個打十個既先河！

喬峰自殺個一幕，真係非常悲壯！


書劍我嫌佢有少少婆婆媽媽！笑傲江湖寫得好，但我唔太鐘意個調子，真係好灰！好灰！射鵰、神鵰呢D經典唔駛講。不講唔入我三甲。


睇得人最唔開心係連城訣，個段時間金庸似乎都好悲觀。






順帶一提，我最喜歡的女主角，係程靈素。

freezefox 2018-10-31 16:05
英俊:其實香港真係幾勁,反而強國咁多年都出唔到香港四大才子果類水平既文人出黎[表情]  (2018-10-31 14:36) 

文革都革死哂啦。何來才子⋯⋯⋯

羅力亞 2018-10-31 17:11
freezefox:我最鐘意係鹿鼎記！！
韋小寶真係顛覆哂所有武俠小說男主角一定要靚仔人品好武功高強既定律！簡直係武俠小說既奇疤！你真係好難再搵到第二本咁既武俠小說。
....... (2018-10-31 16:03) 

成日覺得韋小寶就係寫香港人
要係各個勢力之間左右逢源

羅力亞 2018-10-31 17:32
倚天最深刻都係張翠山同殷素素死個度

入面名門正派為左權力互相爭鬥，計算
反而所謂邪教仲有人性.......

freezefox 2018-10-31 17:54
羅力亞:倚天最深刻都係張翠山同殷素素死個度
入面名門正派為左權力互相爭鬥，計算
反而所謂邪教仲有人性.......
....... (2018-10-31 17:32)

呢段我反而覺得有少少敗筆。敗在張無忌既心理變化上。


試問一個幾歲孩兒。從來無接觸外面既人，第一次接觸，就親眼睇住自己父母被佢地迫死。母親臨死前仲要叫佢認住呢班人，將來報仇。佢心中豈能全無恨意？

之後又比人打左一掌毒掌。過左幾年顛沛流離既生活。識到個靚女又比佢呃，識個醜既就比佢咬。真係咩醜惡既人性都見過哂。一個咁既童年，就算你話佢仍然保持赤子之心，唔去恨人，都至少試得防人。邊可能好似佢咁純真？



張無忌係一個完人。只係，太完美了。完美得黎有點假⋯⋯⋯⋯

羅力亞 2018-10-31 18:45
freezefox:呢段我反而覺得有少少敗筆。敗在張無忌既心理變化上。
試問一個幾歲孩兒。從來無接觸外面既人，第一次接觸，就親眼睇住自己父母被佢地迫死。母親臨死前仲要叫佢認住呢班人，將來報仇。佢心中豈能全無恨意？
....... (2018-10-31 17:54) 

所以倚天唔會入我三甲
好怕個主角係d優柔寡斷，拖泥帶水既性格

笑傲同天龍好睇就係因為d人性格好鮮明

羅力亞 2018-10-31 19:10
最愛女角大熱應該都係趙敏同任盈盈la

劍孤行 2018-10-31 19:19
rip

freezefox 2018-10-31 23:36
羅力亞:所以倚天唔會入我三甲
好怕個主角係d優柔寡斷，拖泥帶水既性格[表情]
笑傲同天龍好睇就係因為d人性格好鮮明[表情]  (2018-10-31 18:45) 

但張無忌實在太強了！


我諗金庸作品中武功最高既主角，佢都應該必入三甲！

麻凡 2018-11-01 01:10
freezefox:但張無忌實在太強了！[表情]
我諗金庸作品中武功最高既主角，佢都應該必入三甲！ (2018-10-31 23:36) 

三甲？未必，仲有獨孤求敗，東方不敗，石破天，無涯子，黃裳，王重陽，林朝英，張三峰，當然仲有掃地僧，呢堆人都應該好打過張無忌~

羅力亞 2018-11-01 01:36
麻凡:三甲？未必，仲有獨孤求敗，東方不敗，石破天，無涯子，黃裳，王重陽，林朝英，張三峰，當然仲有掃地僧，呢堆人都應該好打過張無忌~[表情] (2018-11-01 01:10) 

佢講主角之中ma


freezefox 2018-11-01 10:23
麻凡:三甲？未必，仲有獨孤求敗，東方不敗，石破天，無涯子，黃裳，王重陽，林朝英，張三峰，當然仲有掃地僧，呢堆人都應該好打過張無忌~[表情] (2018-11-01 01:10) 

你有冇睇我寫咩架？


睇多次！

麻凡 2018-11-01 12:10
freezefox:你有冇睇我寫咩架？
睇多次！ (2018-11-01 10:23) 

OK, 主角嘛, 郭靖同楊過應該都不會比張無忌差, 仲有天龍八部, 呢本野基本上成本書的武功層次都高出其他書的角色幾班, 求其講一個卓不凡都可以練劍練到有劍芒, 這基本上是激光鎗了, 但仍被虛竹輕易KO, 所以天龍三兄弟都肯定勁過張無忌, 仲有石破天, 勁到離地, 佢既武功已經超越武俠小說, 可列入玄幻系列, 很肯定都勁過張無忌, 仲有越女劍的阿青, 時代係眾多作品中最早, 根據金庸時代越早武功越勁的潛規則, 再加上佢的實戰成績---------只靠一條竹已經可以獨自出入戰場, 掃低二千多士兵, 亦肯定勁過張無忌~~~

freezefox 2018-11-01 12:26
麻凡:OK, 主角嘛, 郭靖同楊過應該都不會比張無忌差, 仲有天龍八部, 呢本野基本上成本書的武功層次都高出其他書的角色幾班, 求其講一個卓不凡都可以練劍練到有劍芒, 這基本上是激光鎗了, 但仍被虛竹輕易KO, 所以天龍三兄弟都肯定勁過張無忌, 仲有石破天, 勁到離地, 佢既武功已經超越武 .. (2018-11-01 12:10) 

虛竹內力深厚，但全靠外力，根本唔係自己功夫。加上實戰經驗少。真係打起上黎，睇怕打得贏佢既人排隊排到街尾。

段譽就算吧啦⋯⋯⋯

唯一喬峰係真係武功高強，實戰經驗豐富。但睇黎都仲比張無忌差少少。始終，九陽神功＋聖火令＋挪移，咁既組合實在太屈機了吧。相比喬峰一味降龍十八掌。戰力也許相約，但內力感覺稍遜半籌。

郭靖楊過不會比張無忌差，但亦唔見得比佢高。可能係伯仲之間吧。

越女劍我就真係無咩印象了。

freezefox 2018-11-01 12:28
不過呢D野，都係吹下水，又無真係打過。天曉得邊個勁。



東邪南帝西毒北丐，身處同一時代，打過咁多場，尚且未必可以論排名。何況一班身處不同時代，根本都無機會交手既一班主角？反正，你覺得佢最勁，佢就係最勁個個囉。

freezefox 2018-11-01 12:32
就等如宜家D 人咬C朗勁D 定 朗拿度勁D ，定朗拿顛佬勁D ⋯⋯⋯⋯咬天光都咬唔完。

羅力亞 2018-11-01 12:45
不過三部曲入面
我反而覺得郭靖先成日被低估
佢九陰內功+十八掌+空明拳+左右互搏其實係好屈

楊過就真係打天才波
識既武功應該係最雜
有玄鐵/黯然銷魂時期又加乘

張無忌係太過op，而且倚天時期除左張三豐
比起前兩部已經冇太多高手
唔同上兩部有得華山論劍
倚天六大派個d真係唔好提了
同佢同level既好似冇咩，過份屈機

不過如果計哂
其實天龍個三件都幾癲


freezefox 2018-11-01 12:47
不過尋日睇電視，成班拍左查大俠小說既電視劇幾十年既演員，又話幾崇拜佢又話幾尊敬佢，但開口埋口都係「茶良鏞」、「茶先生」、「茶大俠」⋯⋯⋯聽得好「UN」耳⋯⋯⋯叫錯人地個姓幾十年⋯⋯⋯

羅力亞 2018-11-01 12:55
喬峰最唔同係一開始已經係高手
降龍都係佢減走十掌變十八掌
又集少林丐幫兩家之長
而且唔好忘記，唯一打傷掃地憎都係佢

Btw其實新修版喬峰仲教埋虛竹十八掌同打狗棒法

不過都係老狐話齋
唔同年代好難比

羅力亞 2018-11-01 12:58
freezefox:不過呢D野，都係吹下水，又無真係打過。天曉得邊個勁。
東邪南帝西毒北丐，身處同一時代，打過咁多場，尚且未必可以論排名。何況一班身處不同時代，根本都無機會交手既一班主角？反正，你覺得佢最勁，佢就係最勁個個囉。
....... (2018-11-01 12:28) 

吹下水分享下幾好呀
證明大家各有心水

三郎 2018-11-01 13:09
個人最愛北喬峰~~

主角黎講

麻凡 2018-11-01 13:24
邊套作品都有不同特色，各有所好，但講最重要，最偉大的，我覺得肯定係射鵰，或射鵰三部曲，因為基本上係完整架構好整個江湖武林，很多後來的武俠小說家所書的江湖都係沿自於此。於是近代各地華人們所熟悉的，腦中對於江湖的畫面，關係，分佈等等，都可以說是金庸的江湖。
我最喜歡笑傲江湖，但硬係唔太滿意任我行提早領飯盒呢個結局，第二愛是天龍八部，好神奇地十年前問我會係三部曲或鹿鼎記，但最近每次翻睇我都有新發現，有更多深思，天龍係我由最初第一印象係唔太喜歡(因為段譽),  到越來越喜歡，有可能再過十年已經超過笑傲在我心中的地位。
其餘三部及鹿鼎我都很喜，無分大細~~

ODIN 2018-11-01 14:43
freezefox:不過尋日睇電視，成班拍左查大俠小說既電視劇幾十年既演員，又話幾崇拜佢又話幾尊敬佢，但開口埋口都係「茶良鏞」、「茶先生」、「茶大俠」⋯⋯⋯聽得好「UN」耳⋯⋯⋯叫錯人地個姓幾十年⋯⋯⋯ (2018-11-01 12:47) 

叫錯? 咩意思，唔係好明...

麻凡 2018-11-01 14:55
羅力亞:不過三部曲入面
我反而覺得郭靖先成日被低估
佢九陰內功+十八掌+空明拳+左右互搏其實係好屈
楊過就真係打天才波
....... (2018-11-01 12:45) 

天龍三兄弟真係幾癲的, 基本上成本天龍既人都好癲, 好多二線角色都勁到無論, 蕭遠山, 慕容博, 李秋水, 天山童姥, 無崖子, 甚至掃地僧及隱藏的超級怪物逍遙子等.....次一級的游坦之呀卓不凡呀鳩摩智呀等都其他小說裡都絕對係主角級數, 相反好多主角例如令狐沖去到天龍都會變二打六。
北冥神功係完美版吸星大法, 凌波微步係輕功的極致, 一經施展, 無人掂到, 仲有六脈神劍(激光槍!), 擒龍功(隔空取物!!), 白虹掌(搖控掌勁!!), 降龍十八掌(十丈外感到掌風!!!) 呢堆全部都係遠程攻擊, 係射鵰裡係無的, 金庸真係放左好多心思係天龍的武功創作上................

freezefox 2018-11-01 15:10
ODIN:叫錯? 咩意思，唔係好明... (2018-11-01 14:43) 

查，作為姓氏，該讀「渣」，不應讀作「茶」。


一般讀者唔知，唔出奇。喂，你識左人幾十年，又話拜候過人，又話同人幾熟幾熟，連人地個姓都讀錯？

freezefox 2018-11-01 15:23
麻凡:邊套作品都有不同特色，各有所好，但講最重要，最偉大的，我覺得肯定係射鵰，或射鵰三部曲，因為基本上係完整架構好整個江湖武林，很多後來的武俠小說家所書的江湖都係沿自於此。於是近代各地華人們所熟悉的，腦中對於江湖的畫面，關係，分佈等等，都可以說是金庸的江湖。
我最喜 .. (2018-11-01 13:24) 

金庸小說之所以咁經典，除左係寫得精采外，忠於歷史，考究歷史，都係一個重要原因。而且係好重要既原因。 其他同期既小說作家，左，奇幻有餘，精采有餘，但係就點到做唔到金庸作品個種充滿史詩式既氣勢！個種歷史洪流下各種人和事的精神面貌！個種深厚既文化氣息！佢寫一段好簡單既情節，背後可能做左好多考據同研究！每每都有出處，都有典故！呢D都係金庸小說成為殿堂級經典既重要元素。


所以睇金庸小說，我例必睇埋佢書尾既註釋，全部都係學問所在！

麻凡 2018-11-01 17:35
freezefox:金庸小說之所以咁經典，除左係寫得精采外，忠於歷史，考究歷史，都係一個重要原因。而且係好重要既原因。 其他同期既小說作家，左，奇幻有餘，精采有餘，但係就點到做唔到金庸作品個種充滿史詩式既氣勢！個種歷史洪流下各種人和事的精神面貌！個種深厚既文化氣息！佢寫一段好簡單 .. (2018-11-01 15:23) 

嗯, 佢既歷史知識真係好驚人, 我由小學開始睇佢, 幾乎都肯定係因為佢, 開始對中國歷史產生興趣, 自始搵好多課外書睇, 中學考試我基本上唔駛溫習中史都都必定合格(只係合格, 唔會高分), 但即使係咁, 到而家大大話話30幾年無間斷咁都會間中借不同時期的歷史書睇, 但越睇就越發現有更多歷史我係仲未接觸過, 或未從不同角度考證過, 深思過, 當每次我翻睇金庸, 的確對佢很多所說的那歷史多了熟悉度, 但亦因此就更加汗顏, 首先我發現我睇過的所謂史書根本記唔到三成, 靠金庸的故事及註釋喚起我記憶, 而佢看事情的角度, 亦係我完全未想像過, 令我不得不一邊睇佢既書, 一邊再返揭其他史書或GOOGLE, 當然只係囫圇吞棗, 我相信我再睇書睇多30年,  都唔及佢30歲時的知識和智慧。佢研究佛學之後, 對人生、人性既睇法, 更加去到哲學家的境界, 所以我真係仍然好享受每次翻睇佢既作品~~~

ODIN 2018-11-03 00:37
freezefox:查，作為姓氏，該讀「渣」，不應讀作「茶」。
一般讀者唔知，唔出奇。喂，你識左人幾十年，又話拜候過人，又話同人幾熟幾熟，連人地個姓都讀錯？ (2018-11-01 15:10) 

我中文麻麻，但我見好多人有識之士讀茶，我唔敢妄斷邊個岩邊個錯...

ODIN 2018-11-05 16:49


金庸本人個簽名都叫自己做 Louis Cha...

freezefox 2018-11-05 23:28
其實⋯⋯駛咩咁複雜？


查下辭典真係咁難既一件事？

freezefox 2018-11-05 23:40
仇作姓，不讀「愁」，讀求。

費作姓，不讀「廢」，讀「庇」（不過呢個有另一說法）

查作姓，不讀「茶」，讀「渣」。


有說金庸雖知查該讀渣，但讀錯既人太多，也心存厚道，就不作糾正。


查看完整版本: [-- 武俠小說泰斗金庸逝世 享年94歲 --] [-- top --]


Powered by phpwind v8.7 Code ©2003-2011 phpwind
Time 0.144867 second(s),query:3 Gzip disabled