freezefox:我最記得我中五個年,岩岩考完會考。第一次拎起金庸既小說睇,然後即刻著迷!一個暑假掃哂佢個幾部長篇。之後個幾部短篇都陸陸續續係個年到睇哂。個陣真係書不離手,人書合一。無論咩時間見到我,都係拎住本金庸小說。
freezefox:佢對成個華人圈子既影響力真係好大好大。我輩中人有幾個係未睇過佢既作品?未睇過書都睇過電視啦。 (2018-10-31 10:16)
羅力亞:Same[表情] 不過我再早d,中一二已經係咁睇睇哂金庸個d就再睇埋黃易同衛斯理....... (2018-10-31 10:33)
羅力亞:而且隔一段時間重睇小說人生經歷唔同左對故事既人物同情節又有唔同體會好正 (2018-10-31 10:36)
myrmidon:笑傲江湖, 絕對係經典中既經典.由讀書, 做野, 到做左老豆, 絕對有3種體會 [表情]金庸老師多謝你 (2018-10-31 11:28)
freezefox:會考前我都係睇衛斯理的。十部八部左右吧。不過,老實講,衞斯理D 小說,頭幾部就好新奇好吸引。睇多幾部,就開始覺得悶,內容重複了。反正次次講到最尾講唔掂就賴落外星人到⋯⋯所以後尾都無咩點再睇了。.......
英俊:其實香港真係幾勁,反而強國咁多年都出唔到香港四大才子果類水平既文人出黎[表情] (2018-10-31 14:36)
羅力亞:雖然射鵰三部曲都經典不過自己最中意笑傲江湖,天龍八部同鹿鼎記入面刻劃既人性同矛盾真係幾時睇返都咁準! (2018-10-31 12:12)
freezefox:我最鐘意係鹿鼎記!!韋小寶真係顛覆哂所有武俠小說男主角一定要靚仔人品好武功高強既定律!簡直係武俠小說既奇疤!你真係好難再搵到第二本咁既武俠小說。....... (2018-10-31 16:03)
羅力亞:倚天最深刻都係張翠山同殷素素死個度入面名門正派為左權力互相爭鬥,計算反而所謂邪教仲有人性.............. (2018-10-31 17:32)
freezefox:呢段我反而覺得有少少敗筆。敗在張無忌既心理變化上。試問一個幾歲孩兒。從來無接觸外面既人,第一次接觸,就親眼睇住自己父母被佢地迫死。母親臨死前仲要叫佢認住呢班人,將來報仇。佢心中豈能全無恨意?....... (2018-10-31 17:54)
羅力亞:所以倚天唔會入我三甲好怕個主角係d優柔寡斷,拖泥帶水既性格[表情] 笑傲同天龍好睇就係因為d人性格好鮮明[表情] (2018-10-31 18:45)
freezefox:但張無忌實在太強了![表情]我諗金庸作品中武功最高既主角,佢都應該必入三甲! (2018-10-31 23:36)
麻凡:三甲?未必,仲有獨孤求敗,東方不敗,石破天,無涯子,黃裳,王重陽,林朝英,張三峰,當然仲有掃地僧,呢堆人都應該好打過張無忌~[表情] (2018-11-01 01:10)
freezefox:你有冇睇我寫咩架?睇多次! (2018-11-01 10:23)
麻凡:OK, 主角嘛, 郭靖同楊過應該都不會比張無忌差, 仲有天龍八部, 呢本野基本上成本書的武功層次都高出其他書的角色幾班, 求其講一個卓不凡都可以練劍練到有劍芒, 這基本上是激光鎗了, 但仍被虛竹輕易KO, 所以天龍三兄弟都肯定勁過張無忌, 仲有石破天, 勁到離地, 佢既武功已經超越武 .. (2018-11-01 12:10)
freezefox:不過呢D野,都係吹下水,又無真係打過。天曉得邊個勁。東邪南帝西毒北丐,身處同一時代,打過咁多場,尚且未必可以論排名。何況一班身處不同時代,根本都無機會交手既一班主角?反正,你覺得佢最勁,佢就係最勁個個囉。....... (2018-11-01 12:28)
freezefox:不過尋日睇電視,成班拍左查大俠小說既電視劇幾十年既演員,又話幾崇拜佢又話幾尊敬佢,但開口埋口都係「茶良鏞」、「茶先生」、「茶大俠」⋯⋯⋯聽得好「UN」耳⋯⋯⋯叫錯人地個姓幾十年⋯⋯⋯ (2018-11-01 12:47)
羅力亞:不過三部曲入面我反而覺得郭靖先成日被低估佢九陰內功+十八掌+空明拳+左右互搏其實係好屈楊過就真係打天才波....... (2018-11-01 12:45)
ODIN:叫錯? 咩意思,唔係好明... (2018-11-01 14:43)
麻凡:邊套作品都有不同特色,各有所好,但講最重要,最偉大的,我覺得肯定係射鵰,或射鵰三部曲,因為基本上係完整架構好整個江湖武林,很多後來的武俠小說家所書的江湖都係沿自於此。於是近代各地華人們所熟悉的,腦中對於江湖的畫面,關係,分佈等等,都可以說是金庸的江湖。我最喜 .. (2018-11-01 13:24)
freezefox:金庸小說之所以咁經典,除左係寫得精采外,忠於歷史,考究歷史,都係一個重要原因。而且係好重要既原因。 其他同期既小說作家,左,奇幻有餘,精采有餘,但係就點到做唔到金庸作品個種充滿史詩式既氣勢!個種歷史洪流下各種人和事的精神面貌!個種深厚既文化氣息!佢寫一段好簡單 .. (2018-11-01 15:23)
freezefox:查,作為姓氏,該讀「渣」,不應讀作「茶」。一般讀者唔知,唔出奇。喂,你識左人幾十年,又話拜候過人,又話同人幾熟幾熟,連人地個姓都讀錯? (2018-11-01 15:10)