回帖︰熱門KEEP 人 討論：

相信玩左咁多周，大家KEEP 黎KEEP 去都係個班人。已經好鬼相似。睇完下周賽程，你或者都十五十六，好唔好唔KEEP 邊個邊個，換碼邊個邊個。咁再睇番對上個個月底賽程簡評，會唔會多番D 頭緒？

車仔：
林伯肯定係KEEP 人大熱之一。尤其過左今周，16,7蚊KEEP 住個班，意外分紅，更加加強佢地死KEEP 既意志。下周賽程不俗，雖然月底要對利記，點都有D 打折扣，不過，跟住又對番候城，應該有分落袋。相信KEEP 林伯既仍然會好放心。另外，幾乎人人都有既保辛華，你當一場無CS，第二場機會都仲係好大。五個幾，我諗無咩人會宜家先黎放掛。
當然，你可能會話，候城唔係弱隊喎，宜家排名前六架喎！羸過阿仙奴架喎……
但我相信車仔唔會重滔阿記既覆轍。

利記：

連續兩場都入兩球既托利斯，肯定係今周偷人熱門之一。但KEEP唔KEEP 得過就真係兩睇。過左韋根呢場，可能唔少人會獲利回套。事實上，作客車仔，的確難以睇好。雖然第二場係主場對撲次，應該都有得執。所以我相信大部分玩家都會持觀望態度。尤其會以佢下一場對韋根既表現黎決定。托利斯呢類球員，可以入兩球二十幾分，亦可以成場SOT 都無個。成十五蚊既成本，唔係個個食得起。
謝拉特身價高，又唔係偷人熱門。即使今周有買佢既，都係偷一場雞既居多。相信無咩人會keep 佢過十月。杜辛拿作為big 4 熱門平價後防之一，吸引力因為奧尼尼奧既關係，已經愈黎愈細。想換碼既，不妨諗諗6.9既艾加。貴左少少，不過得分能力會令你意想不得。哎，但不得不提，本人季初死左幾場係佢手上……

阿仙奴：
月底賽程之好，但二十隊之中最好個幾隊。大家有睇韋斯咸尋晚場波，都知隊波後防幾屎！以阿記既能力，真係可以如取如攜。若然你有個13蚊既法比，唔好疑惑。keep！我十五蚊個件都唔諗住放呀。至少等佢羸多三幾場，追番之前失左個兩場既分先。實搏老命！另一場打比，對住榜尾既熱刺……到時個領隊都唔知仲係咪拉莫斯……
兩件前鋒，暫無偷人之需要，可以因應下場既情況再決定。尤其係艾迪巴約。可以一場入三球然後三場無入球，你都唔知點估。下場打完再諗都未遲。低價keep 住丹史臣既反而要考慮係咪要換碼。阿記中場開始多番d人，法比又上力既話，d 分會分薄哂。仲keep 住沙根拿既玩家，我諗我就算叫你放你都唔捨得放架啦。尤其黎緊三場都分分鐘可以cs 哂。

曼聯：

根本講黎講去都係講c7 ………無謂多講啦………
月底賽程係極好！一隊韋斯咸，一隊愛華頓，兩隊有邊場無失波？買曼魚既攻擊球員實無錯。問題係，你有c7 、林伯，仲要買法比，你仲有冇錢買曼聯既前鋒先？加上佢三件前鋒宜家都好難估出邊個或爆邊個，賭大細既風險好大。

曼城：

今季相信除左BIG 4 既球員多人KEEP 外，曼城肯定係另一支大熱門。KEEP 佢既人甚至可能比阿仙奴同利物浦更多。祖奧、羅賓奴、古禮。真係KEEP 人天堂。又平又靚又正！捱過左利記呢場後，黎緊場場都易打。月底雙賽，主場對史篤城，作客米杜，肯定入球停不了。作客米杜都或者要花D 功夫，同埋曼城作客或者都打個折扣。但主場史篤城個城你又點可能唔入貨？七蚊既羅賓奴（我仲要八蚊添），唔傷既話，有排KEEP。而我更加對之前放走七個幾既胡禮感到十分之後悔。原來佢先係曼城之寶。尋晚連羅賓奴都唔過5分既情況下，佢唔覺唔覺竟然可以執個十分番黎。KEEP 住七蚊既胡禮肯定係今季既大羸家。至少宜家係。即使係9蚊追貨個班，呢個都一定係一個十分理想既投資。

撲次：

呢一個好多人KEEP 既對象。相信係一定係撲次既迪科爾。近五場波有四場佢過15分！其中三場過二十分。以佢既打法，相信仲有排玩。KEEP 佢既成本又低。唔係中場班大哥，郁D 就話十幾二十蚊。你唔用佢，都好難搵番個似樣既前鋒黎KEEP。所以，即使月底既賽程只係一般，相信大家都會寧願硬食利記個場，搏主場對富咸賺番。講真，一場波既分，分分鐘可以賺突架！
迪科爾之，暫時都諗唔到邊個撲次既人可以推介下。曉士呢類豬骨，一場場計。今場有五分唔代表下場都得。尤其作客或對手惡打，佢都屬於出腳幾狠既球員。要睇住黎食。反正現價都仲係三個幾。KEEP 唔KEEP 都好自由。

紐卡素：
紐卡素月底既賽程唔算差。尋晚見到隊波真係有番D 士氣出黎，唔係死死下咁。領隊坐多場波監，都可以落場。月底既賽事可以親自監場。不過，呢點其實未必有實際作用。首場打比，本來一向難打。但偏偏，打比可能對宜家既紐卡素係好事。因為紐卡素宜家欠既正正係鬥志。打比賽，鬥志可以打高一班，咁實力亦自然有機會打高一班。雖然係作客，但唔係無力一鬥。不過新特蘭近況都唔錯，新舊球員既磨合都接折完場。呢場但求不敗，唔好太高期望。反而第二場主場對西布朗，應該係紐卡素一吐烏氣既最佳機會（吐唔吐到就要睇佢自己爭唔爭氣）。但客觀條件一定有利！KEEP 開或買開基雲既人，捱埋或過左下場對曼城之後，不妨再信多基雲一次。今次或者佢可以以本帶利將以前輸既還番比你（其實之前一直係有賺，唔講得個「輸」字）。反正月底，大家都等錢駛，一蚊買個籠，若然搏到佢反底，真係可以KEEP 足成季架！
中場尋晚有偷杜夫或古費列既，不妨KEEP 多幾場。杜夫睇佢個態，應該都回到七成，隊波打得起既話，佢既分數會更高。古費列一向係黑馬，紐卡素順番既話，有份開角球既佢，應該係一項上佳既投資。四個幾，一個SOT 或者兩三個SC 、CW 都回本啦。KEEP 得過架！反正屬中無大將，紐卡素D 進攻都係靠哂佢兩個架啦。

布力般

其實布力般都一樣係一個調整期。球隊最重要既球員賓特利既離開，對布力般整體攻力上既影響，明顯不過。尤其當可以繼承佢呢個進攻重心角色既摩頓柏達臣唔知點解，打極都打唔起，好似仲差過上季咁，布力般既攻力疲弱問題，就更形深化。又唔知係咪佢地唔好彩，主力球員如鄧尼、列特，傷完一個到一個，攪到宜家防中要搵打開左閘既禾洛克黎客串，布力般人腳不足既問題係明顯不過。無哂d 爛打中場，防守力當然第一時間受到影響。所以，月底既賽程，睇落並唔係咁好打。主場對米杜，兩隊實力好接近。但米杜近況好，布力般近況一般，此消彼長下，無咩著數。作客維拉更加係預左要失兩球甚至以上。係咁既情況下，佢既防守球員真係買唔落手。仲keep 住個三牛油手羅賓遜既，都要認真考慮下佢既去留問題。進攻亦唔平。告魯斯超過十蚊。唔係場場都有貨交。羅拔斯分分鐘正選不保。若然今周偷左達比舒爾既，或者都有權睇睇佢既表現再決定keep 唔keep落去。不過即使keep，都好難期望佢月底既賽事會有好突出既表現。但回本則不難。宜家都係五個幾。之前偷落既仲要得四個幾。有正選既話，會係一件好好味既骨。再唔係，艾瑪頓都可以考慮一下。有禾洛克打番中場中個位，佢可以稍為偏番右邊黎打。多左d 出波既機會。同埋，又無鄧尼又無列特，後上攻門既重責就係哂佢身上。搏到個sot 就可以回本。但宜家咁窮既日子 面，呢類四個幾有正選既豬骨，煲湯最正。

熱刺 +保 - 仙 2
近況差到嘔既熱刺，月底賽程仍然係唔見得好得去邊。當然，正常黎講，主場對保頓一定係一場值得投資既賽事。保頓防守力都係一般者。問題係，宜家就係唔正常哎嘛。當熱刺係主場，分別和左韋根、輸比候城後，你仲對佢主場威力剩番幾多信心？我都唔敢講。加上，之前我曾經講過，熱刺打成點唔重要，BALE 同 賓特利都唔會低分。點知話口未完，賓特利連個正選位都無埋。可能，下場即刻又打番正選都未定。但賓特利肯定唔會係月底既最佳投資對象。尤其佢既對手係法比、謝拉特、楊格等人既時候。唯一可以仲用得落手既，得番BALE。六個幾偷入既朋友，相信佢要回本唔係一件難事。只要有得出場。間唔中，甚至可能比到D 驚喜大家。就好似上周咁。但正如有大家所講，賓特利出番既話，佢開死球既次數一定被分薄，得分力絕對會受影響。然後，即使係咁，佢既得分能力仍然係可以期待既。不過，六個幾入既，或者都仲可以搵到代替品既（我個件$5.1……基本上，佢唔係傷出，我都無可理由放佢……）。至於高美斯……過到保頓個關都好難過到阿仙奴個關，無謂食足兩周驚風散哎。又唔係無其他人選………

富咸
富咸兩周既賽事普普通通。作客撲次，你都幾難望佢全身而退。CS 可以話無望架啦。有冇波入都成問題。撲次主場打高幾班。反而主場對韋根都仲可以砌下。不過CS 機會都係一般般。始終韋根近況不俗。沙基有一定入球能力。不過，若然你擁有三個九既彭素爾，又經歷過幾次無CS都爆分既日子。我諗你都唔會點考慮換碼。有幾多個三個幾既後防可以場場咁高回報咁穩定？唔傷既話，睇怕好多人會KEEP 足一季。其他都真係無咩邊個可以推介或值得留意。係唔知仲有冇人會翻兜AJ者………布拿特得分力平穩，有十蚊剩要買個中場，可以考慮。估計兩場都會有不俗既回報。