回帖︰維拉
鐘意玩下另類，唔想下下都big 4 既朋友，可以考慮下維拉。呢隊波由開季至今，一直表現理想，攻力強橫，除左話對住big 4 無計外，其他隊伍去到佢主場，無一隊可以全身而退。一定放低一兩粒。月底賽程，作客韋根會麻煩少少，但主場對布力般，真係可以有權數佢。以呢個賽程黎計，十五個幾既a 楊格，投資價值，一定唔會低過四大中場任何一個。好彩既話，本利歸還又有何難？另外兩個攻擊球員，卡維同艾邦拉賀，都可以考慮。不過，以穩定性而言，楊格會比較好。因為無波入都有sc 打下底哎。但若然你真係好有信心呢兩場維拉有力炒對手，咁卡維呢類前鋒都唔係搏唔過架。分分鐘梅開二度就本利歸還。而且，以身價計，卡維十一蚊，但七場波平均分有8分，回報超過70%；艾邦拉賀差少少，得7.7分，都挨近70%。不過，兩個得分都屬大上大落，無波入就聽乞米！賭唔賭就睇你自己。楊格平均分10分，但身價要成15蚊，平均回報七成都無架，但勝在衰極都有幾分落袋咁解。
當然，唔想買卡維、艾迪呢d 大上大落既，又買唔起楊格呢d 咁貴既，仲可以諗諗十二個幾既巴利。佢有穩定既得分力，身價只係略比卡維等貴，但卻平過楊格，亦係一個唔錯既選擇。
要考慮維拉既人，今周就要喉住，即使唔係今場就買，都要今周偷。因為今場主場對作客麻麻既撲次，隨時又係大炒。到時身價實有變動。

保頓
月底賽程算係好打既，除維拉外，保頓亦係其中一隊。除非熱刺、愛華頓兩隊火速反彈，否則對住正值低潮既熱、愛運滯同盟，真係捧打落水狗既最佳時機！上周先發現，原來今季有人直係長keep 戴維斯，而竟然又比佢執到。不過，呢類爛仔球員，你唔知佢幾時發顛，我就唔夠推薦。雖然現價同回報都好吸引。我寧願細細注賭艾文達。話哂平，賭輸左無咁肉痛。中場可以諗諗上周先復出既馬菲泰萊哎。一復出就射入左球世界波！真係唔到你唔服。入親都係靚波。擔心佢既正選問題既，可以睇埋今周先偷都未遲。雖然今周主場對布力般，其實已經可以入定貨。至於班後防，個個都好高分但又個個都好貴，所以都無咩邊個特別想推介。

新特
新特蘭情況一樣。對住最兜mu既紐卡素，東北打吡，實有波入。然後再作客史篤城。呢個賽程都唔叫好既話，成年都唔駛打。攻擊球員方面，cc 近況甚佳，我見唔少好友都偷步入貨。即使現價計，九個幾，都屬於幾吸引既目標。反而中場唔係太多選擇。a 列特好似無左個正選；馬白蘭基打咁耐得一場高分；數黎數去，可能都係得一個李察臣既得分比較穩定。可以冷敲。後防唔諗囉。cs 機會唔係真係咁高。但keep 住低價既哥頓既，就可以keep 到月底既。