回帖︰Part3: 細談人工與TSI在各級進球技能的關係 (下)
優秀升強大
強大升杰出
杰出升輝煌
上一回講到既”及格升穩定”同”穩定升優秀” 主要係靠人工去評估球員係唔係就快升級, TSI既主要作用只係要黎篩選目標球員.
但去到優秀以上既level, TSI對住睇個球員既sub-skill既重要性即刻重要左唔少, 甚至乎凌駕於人工(Wages) 之上..
唔似得之前講既及格同穩定, 有大量既new pull 苗做供應, 基本上優秀或以上既炒苗一定係比人train過的. 你可能會問, 點解會有人train 到差一兩週就升級會放棄唔train? 可能轉training? 定係train左5,6週見無反應以為個球員無得再升? 箇中原因真係唔知…世事無奇不有.
不過老實講, 大家都知哩個情況唔係咁多囉, 市場上每二十隻優秀技能既前鋒, 可能一週升既一個都無, 所以要搵到哩類球員的確唔係咁易.
其本上…去搵優秀升強大, 強大升杰出, 杰出升輝煌哩3個升級點既方法都係一模一樣, 所以我唔分開講….
************************************************************
先撇除供應既問題, 或者我講一講究意哩類球員既其本辨識方法.
等我recall番哩個圖先….

究竟點睇一個球員就升呢???
路人甲: (好簡單姐…見到個球員10000蚊人工優秀進球, 咁買佢就得啦!)
Bingo !!! 無錯就係咁簡單…不過講緊哩類一兩週升既球員已經好少, 而咁樣” 明目張膽” 話比你聽會一週升既球員更加係少之又少. 就算有, 個價一定會搶得好高…
至於果d會好短期內升而唔反映在人工內既球員, 即係話係可能見到佢只係得6000人工, 但其實佢生日之後比其他玩家train過, 進球技能已經極接近強大, 咁既情況下就要靠睇TSI幫下手啦~表既右邊就係講緊有關進球技能既球員TSI起碼要幾多, 先至”有機會” 一兩週升, 即係話果d fo=6而TSI只有1500既球員, 你可以睇都唔洗睇就skip左去.
所以, 其實有時搵哩類球員係仲快架, 搵穩定升優秀既, 我都要逐個逐個禁人去睇人工, 但搵優秀升既, 我去到搜尋後板面睇睇TSI基本上就知有無機會, 一版睇到25個, 有機會先再禁入去睇. 雖然搵到機會率唔高, 但效率一d都唔低.   
基本上用到TSI黎搵到既球員都一定唔會係果d岩岩升level既球員架啦
不過再要提高準確率, 就要再靠人工同alltid去分析下究竟個球員一週升既機會有幾大….
人工既用處係在於我知道個球員生日果時大約既技能去到邊…例如話個球員生日果時8000人工, 計一計, 就知大約係優秀+0.5(8.5)**倒
**(因為一週升優秀(7.9)就係5500人工
一週升強大(8.9)就係10000人工,
8000人工就大約係~ 2500/(10000-5500)+7.9=8.45…
因為人工係curve型而唔係linear既關係既, 所以我暗中加0.05去到8.45+0.05=8.5)(如果唔明出聲… 我再講)
而透過alltid入面既TSI改變, 基本上可以估到個球員在生日後有無receive到training…在兩者結合下, 就可以知道個球員究竟近唔近升級啦~
講多無謂, 就用一d實例去demo比大家睇下~~
************************************************************
實戰篇
例子(1):

首先就用我哩個球員做例子先啦, 強大sc無副技但人工18500, 對番個表, match哂啦!! 應該一週會升!! 哩類就係我上文講果種”明目張膽”式既就升球員, 買佢番黎果時22歲5日就係咁既人工. 我上星期買番黎聯賽盃賽未開始所以成交價都係8.5M倒~而且有少少老相對變得無咁”張揚”… 如果唔係個價可能唔只…
因為哩類球員既時間性損耗唔大(我22歲20日同50日既賣出價理論上既分別唔大…所以我今週淨係比左20分鐘training佢…睇下佢會唔會升先…
例子(2):

又一個”明目張膽”既球員, 岩岩2日前update既人工(11880/1.2=9900) 已經話左比我聽佢係就升架啦~~
不過就算佢未update人工, 以佢fo=5, tsi=1980既組合, 對番個表, 我都會估到佢離強大進球不遠矣…不過講緊成500萬成交, 抵唔抵買就真係見人見智啦. 當黎緊既成交價係750-780萬, 扣番13-15%既抽水, 大約都係執到180萬. 雖然都多過穩定升優秀…但似乎同付出不成正比. 不過暫時唔詳談錢既問題, 因為之後在搵錢篇會更加深入去講.
其他例子:

例子(3)
為左今次篇文, 我特登買左一個球員去demostate點樣用alltid去幫手睇一個球員係咪就升. 睇番佢    si有成2100 fo得5都應該好有機會係好接近升級既. 不過見佢得8300(9960/1.2)人工就可能會驚驚地.

不過唔緊要, 一於用alltid睇下乜野情況…

睇番上圖, 生日後人工8300, tsi=1830, fo=7, 之後3週fo無變但tsi keep住出現明顯性既升幅. Alltid好衰, 前個賽季佢連盃賽/友賽有無出場都會show埋出黎, 但上季淨係出聯賽, 盃賽/友賽既紀錄一律無show. 要知既話唯有去番Hattrick禁番入前球隊既出場陣去睇….

check左之後…發現個球員生日後3場既友賽都係正選踢前鋒…咁既話個球員不外乎係receive進球或傳球既訓練姐…但睇番個球員既傳球技能咁”犀利”, 應該無可能係train 傳球掛…
咁屈指一算, 而家佢8300人工應該大約係優秀+0.55, 當一個19歲球員8週升一級, 一週既training大約有0.125(1/8)…咁經過3週training後…佢既技能應該係8.55+0.125*3=8.925…即係話佢好接近強大進球…

最後仲有一樣野要留意就係睇埋前球隊個教練技能…穩定當然perfect啦.. 但我見到有唔少仲係用緊中下….

************************************************************
哩個方法係用於你唔係太清楚你而家目標球員既技能時用的….

用法:
用番上面例子2同例子3既球員去示範:
當我唔知Mehaj既技能, 咁我就可以search番市場上想同主技(sc/pa), 而其他無關技能(如de, pm, wi)類似(最好差一級內, 而不高於中下), 最重要係剛生日不久既球員, 去以tsi既高低, 去估算番Mehaj而家既技能去到邊

睇番個比較, 在Mehaj高於Delos一小級pm同de, 但tsi高120既情況下, 我會認為mehaj的進球技能係稍稍高於Delos的. 今週我試下比70-分鐘training佢, 睇下佢究竟升唔升到先!

總結:
基本上時間有限的話, 用TSI會係一個唔錯既指標, 尤其係一d無副技既球員. 以百分率去計, 準確度大約就70%左右啦…TSI最大既問既就係會比體能影響到, fo都會, 因為fo都有高低的….
用埋alltid加人工就可以提高準確度去到85%咁上下, 但唔好處係的確好麻煩
TSI比較法其實準確度好高, 同埋幾適合一d玩有副技苗既玩家去用. 但必須有豐富經驗而且心水好清. 況且有時買人得果三兩分鐘既時間決定又唔容許咁樣search.
************************************************************
有見好友們想我再深入講下點睇杰出升輝煌, 所以我可能會黎緊再寫一篇做補充, 但因為我本身都唔係常炒哩類球員, 所以要d時間, 哈哈^^
更新:杰出升輝煌補充篇
我相對係較少炒賣杰出以上的球員的, 故此對住杰出升輝煌哩一個位我絕對係談唔上專家. (阿Mak絕對比我經驗更好)
而我亦認為杰出升輝煌亦未如相象般高盈利.
Anyway, 以人工去睇, 接近輝煌既進球起碼要33000人工(+20%為約40000)....
以TSI去睇, 我在part1個表可以做參考, 但始終浮動性太大. 我嘗試在轉會市場中target一d似乎係剛升無耐既輝煌球員(輝煌極低), 結合埋我上季剛升上輝煌進球球員既資料, 綜合成下表, 比大家去做個參考. 大家可以從FO, ST 同其他副技既高低, 用番樓上既TSI比較法, 去比較番相對杰出進球既球員升級大唔大. (可惜我個database太少, 請見諒!)

希望幫到大家.