回帖︰唔好意思, 隔左成個月先至update哩篇野. 因為對於墨水有限既我要寫野同打字實在係非常吃力.
[炒賣篇]如何透過進球訓練一季賺2億
$199,342,825… …哩個係我上一季透過進球訓練所收到既淨收益(已經扣左抽水, 但無計到掛牌費同人工). 詳情可下載我個人整理既excel file(下載按此)
我唔太清楚每一種訓練每季會大約賺到幾多錢, 但一季賺到二億黎講我相信會係一個不俗既成績, 亦都可以對球隊既實力有明顯既提升. 以二億計, 已經足夠打造一隊可以在Div 3夠護級既中後場.
上次講左究竟點樣睇一個球員究竟快唔快升級. 今一篇文會睇下一個球員既理想價格. 理論上睇一個球員快唔快升級, 睇得多大致上會有個概念, 偏向數據化亦因此相對較易掌握. 但買球員競價因為汲及人為, 面對有血有肉而且來自四方八面既玩家. 可變性亦都會較大.
買人時首要既事你要知道一個球員既價值. 有時轉會比較都唔能夠足夠反映到. 如果講緊一個18歲穩定進球而無副技既球員, 可能講緊三四十萬會有交易. 但如果係講緊一個1week升既相同技能球員, 最終成交價可能講緊100-120萬. 買貴左貨?? 非也…因為此乃個球員既暗藏價值. 如果講緊一個穩定頭既進球球員值40萬, 而優秀頭既球員值260萬…你用多60萬就可以換到個球員值150萬既暗藏價值, 咁哩一個收購就算係成功既. 衡量價值哩樣當然要靠經驗累積, 有d玩家為左追捧一週升既球員盲目托價, 結果升左級之後賣走個球員發覺原來無得賺, 哩一個就係失敗收購, 哩個情況尤其係買17歲既球員最為嚴重.
結論: 如果係玩一週升既玩家, 你可以唔知球員現時進球級別既價值, 而係要知道你個球員升一級後會賣到幾多錢…. 再睇番你出個價到底有無錢賺…
=================================================
[更新]15 Nov 2009
哩兩日入唔到HT, 有時間去update下哩篇野先... ...
承接上回講到, 買一週升既苗要好清楚個球員升級後既賣出公價. 例如話買一個而家sc=8但極接近強大進球既球員, 你要知道既係強大進球球員而家公價賣緊幾錢, 資料可以在轉會比較去search倒. 如而家強大進球可能大約係650萬咁上下, 咁你bid個sc就由sc=8-->9既球員時, 就要睇下自己目標想賺幾多啦. 400萬買入既話可以會賺倒約160萬倒... 想賺多賺少就大家自己去衡量, 但當然千祈唔好過哂水位啦.
最理想賺錢的進球lv ... ...??
以下既野我係完全無參考過HT的數據(e.g. Ht x-file) ... 純係我自己既經驗...
合唔合係就見人見智...
我認為如果你有無限金錢同時間既話, 我認為由強大開始至神妙(即9->10,10->11,11->12,12->13共4級)既短炒都係最賺錢既, 仲有一個就係17歲既穩定升優秀. 但當然貨源唔多兼幾難買岩價....
時間分配法
其實近年HT都不斷有d新措施去打壓短炒活動, 如(i)引入體能訓練去加長主技訓練既週數, (ii)賣出既次數不能多於出場次數等... 但其實HT對炒家黎講都有推行過一d德政, 就係換人系統.
大家不妨去以換人用進行"時間分配法"去強化訓練效率.

概念如下:我以訓練GK做例子, 正常情況一週train兩個,各打90分鐘...(method 1)
但而家嘗試共train4個, 每人打45分鐘睇下效果如何....(method 2)
買入左一班疑似一週升既球員... 睇下training結果會係點...

結果6週內, Method 2 可以train多2個球員升級, 相對浪費既時間少左成180分鐘(即係一週training既時間)...
此外因出場次數增加(接近70%)亦都可以製造更多掛牌既機會(釣魚).....
對進球訓練的施行
由於每場只能最多換3個球員, 對進球訓練黎講, 將3個換人既名額放哂落前鋒度會有一定既風險, 亦有一些其他考慮, 如受傷及紅牌問題. 進球訓練點樣盡量去用時間分配法去達至最高效果, 我下回再講.