回帖︰傷患討論(心理篇)
對於熱愛跑步既巴絲黎講，跑步已經成為左朋友。有跑步裡，我地學會放鬆，令我地更為健康，更為快樂。當傷患無聲無息地奪走我地信賴既朋友，我地會點？我地可能感到挫敗，生氣，失落等。
為左要處理負面既情緒，我地應該主動、明確目標黎幫助我地心理恢復。以下將會區分五個階段。受過傷患的巴絲可能有新一番見解，未受過傷患的巴絲先祝福下，不幸地傷患搵上左你地。起碼你地睇完之後，積極地面對各階段，更快治愈，重遇返朋友豈不是更珍貴嗎？
第一階段:否認
曾經有不少巴絲跑步後，積累左少許痛楚。但可能心裡自圓其說「我仍然繼續可以跑」。
結果咪好似司徒法正師傅所講，出事丫嘛。在一種否認心態的跑手知道自己受傷但不承認。
解決方法：堅持訓練唔係英雄，係傻瓜。繼續否認下去，小傷都會變成大傷
如果出現潛在受傷的情況，坐係梳化抖三日，分分鐘好過治療三個月
第二階段:憤怒
我地比賽個陣，忽然舊患復發，各位可能自己同自己講，「唔公平」
我明白呢種失望同挫敗。因為正正係不公平感令到憤怒，甚至覺得身體背叛左你。
解決方法:要調整積極心態，從使很難，但都要努力向前望
唔係唔比憤怒，比你地嬲幾日就可以架啦，嬲完就繼續向前看！
第三階段:講價
當我地受傷期間，開始正視傷患問題。但往往各位都心急地想治愈。
於是乎我地做好多恢複訓練，力量訓練。咁樣就可以早跑步。
但係引用返某護膚品口號，less is more。
結果可能三個月既治愈，拉長左兩倍。
解決方法:開始著手於處理傷患係件好事，但係唔好去到極端位
要慢慢黎咁恢複傷患。遵守個人恢複訓練既時間
恢複順利的話就會得更強。
第四階段:消沉
我地受傷間會出現消沉既情況，我地會懷念跑步所帶來既歡樂。
開始覺得自己與跑步呢個良友分開左，約跑既跑友也離你而去。
解決方法:應該尋找消磨時間既運動，例如桌球等
繼續同你既跑友保持聯絡，我相信跑友會等你歸來！
第五階段:接受
當各位巴絲堅持做康復訓練，睇到自己既進步
你已經接受左受傷既事實，亦知道自己重遇跑步呢個朋友
呢種心態對康復係十分關鍵。負面情緒可以令到恢複減緩
學會接受既平和心態可以促進你既治愈。
轉至高登