回帖︰ODIN:
唔講O個句都講，我係支持修正後政改方案，門檻高與低不同人有不同睇法，白姐姐都有夠票入閘。我睇唔過眼的係民主黨的處理方法，正如火兄所講，政改方案同中聯辦傾O個個位係我最不能接受，所以今屆一直都冇打算選民主黨。但關鍵24席我仍然相信十分重要，儘管民主黨不可信，但我希望擴大議會內支持民主的人的比例，因為打倒建制派仍然意義更高。因此，O係超級區議會一票，我會因應走勢揀最弱的泛民。

當然，人民力量係選舉上策略正確，但策略正確不等於贏得我的信任及支持，尤其是人民力量的其中幾位代表性格上有相當明顯的缺憾(又或者係策略啦)，對比O係民主黨的問題，其實係不相伯仲，一個企硬但唯我獨尊、一個極易改變立場，而我期望代表我的代表係能夠廣納民意之餘，恰如其分又能擇善固執。
加多句，今之的選舉，我最想選的係陶君行，可惜我唔係九東的選民，而佢的走勢亦麻麻。希望大家都投票，並為你心中支持O個一位作最重要的祝福。
.......
我想法同你少少相近，所以我投長毛同埋含淚爆粗地投馮檢基，雖然馮係絕對信唔過，不過總好過民建聯班友。