回帖︰阿童木:我都諗緊同一個問題，我2月會有一日住東京，想近睇富士山，就正正考慮緊去河口湖定伊豆(用JR全國pass)。
我未決定, 但傾向去伊豆多D.
.......(2014-11-18 22:59)
我又係2 月喎。我17-20 去新潟既苗場滑三日雪。20 號出番東京。21-24 就會由東京一直玩到去名古屋。但靜岡、愛知一帶又唔熟。伊豆我去過一次。再去既話，都係睇在河津櫻份上。仲要唔知有冇喎。而且入伊豆，一來一回路程唔短架。去就要預一日時間。好似有少少唔太抵。
但如果你想睇富士山，一定係去河口湖、御殿場或箱根之類既地方喎。去到伊豆咁達，除非你留係熱海，否則點睇富士山呀？

但其實我真正煩惱既係，去完伊豆或河口湖之後，再去靜岡既富士巿、靜岡巿、浜松巿呢段路之間，唔知有咩好做。我係知道浜松巿有個好大既花海。但12月去睇花睇怕都無咩花囉。