回帖︰阿童，你好似去過東北架可？

我有一個難題。聖誔去日本，但得六日。平安夜之前都想留係東京。所以得番三日可以北上。目的地就係宮城縣既狐狸村。佢係白石藏王駅再開車20分鐘左右既山區。由於一家大細，我盡量想自駕。但自駕比搭JR 仲要長時間。由東京出發要成四個鐘（JR 東京往仙台只要兩個零鐘）。所以我打算分幾日去。
第一日由東京去那須。約兩個小時車程。當日會留係那須玩。因為那須有好多牧場。岩我地。附近亦有溫泉酒店。
第二日由那須往狐狸村。都係兩個小時左右車程。直到呢到都無咩大間題。但係狐狸村玩完之後就諗唔掂了。

因為第三日就係要離開個一日。夜晚八點機。六點要到機場。即係，五點幾要去到還車了。如果第二日係狐狸村玩完後，繼續留係宮城，甚至再北上仙台，無錯，個晚就不愁無節目。仙台又有步行街，又有野食。但第三日就要連續開四個幾五個鐘車去機場。幾乎係全日咩都唔駛做，齋開車。好辛苦。
如果想縮減第三日既車程，就要第二日係狐狸村玩完後，調頭返返去那須方面既地方。但變相第二日就去得一個狐狸村，無其實地方去了。已經來回都係開足四五個鐘車。

我宜家最想係那須同白石之間搵下有冇咩景點可以去。第二日去完狐狸村，調頭去呢到，最好係個零鐘車程之內。咁第三日我只需要開個零兩個鐘車就可以去到千葉縣，搵個OUTLET 行下，夠鐘就去機場。咁每日既駕駛 時間會平均少少。

你有冇咩提議呀？