回帖︰揀呢到住就係貪佢酒店配套夠完善。餐廳都有十幾間。有自己既沙灘，有自己既水上活動中心，好多野都可以不假外求。你真係可以留係酒店玩幾日邊到都唔去的。大把活動。 而且宮古島南岸水質亦十分之優質。 係酒店既沙灘就咁行出去都已經可以浮潛了。所以我第一日既行程都係全部留係酒店玩。報左名浮潛：

我講個D 浮潛，唔係得一片沙地，珊瑚都唔多見，剩係一大群雜魚既浮潛。呢到浮潛真係見到好多珊瑚同珊瑚魚的。而最重要係， 呢到仲可以見到海龜！號稱能見率 99% （即係幾乎實見到咁滯） 。 而且，唔係遠遠見到佢游過個種，而係直頭係你隔離，伸手可及的（但絕不建議你掂，睇好了）。可惜既係，我新買既潛水殼唔知做咩鬼，竟然入水。部DJI 就咁打柴。攪到我除左一開始影左兩張相之外， 咩都影唔到。 心痛呀！！！！！

喂，相中人唔唔係我，係另一家同我地一齊玩浮潛既中國家庭。 黎自深圳的。

浮潛完，係沙灘玩多陣。飲下野，食下野，其實一日好快就過。