引用第49樓sun於2008-12-20 10:22發表的“”:
我都覺得呢點最失敗...
之前我都講左...睇唔倒佢地幾時互生情愫...
.......
若然只係ons 反而無所謂，但若然係咁，咁單薄既感情基礎，就無辦法襯托最尾個段既高潮位。主角突然間向女主角示愛：「留下，或我跟你走。」呢個咁重要既宣告，呢個一生一世既承諾，變得空洞無力！留低？你可以比d 咩個女仔？跟佢走？嘩，去到日本你咩都唔識咩都無，咪仲衰過宜家！咪日日見住你黑口黑面怨天尤人個死樣？兩個星期可以玩完囉。
男女主角之間根本無「感情」既存在。ons 後，何來風起雲湧我為你狂既激烈感情？何來「我願意為你放下一切」既推動力？
窮乏無力既感情基礎，點能夠托起最尾以歌留愛既全片高潮？呢個位變成因為要咁安排而咁安排，而唔係順著兩者感情發展出黎既結局！因為凡係愛情片（我當呢套係啦），男主角最尾都要當眾示愛，都要排除萬難攞出最大勇氣去作出呢個承擔！
但，呢位男主角可以咩？佢對女主角既「深厚愛情」究竟黎自邊到？
女主角又邊有可能留低哎？佢何時改變對男主角既睇法？佢何以變成可以為男主角拋下一切？片中連一段交代女主角欣賞男主角既才華既描寫都無哎……陰公………
