[英超]曼聯門將迪基亞同意與球隊續約，將成為全球最高薪門將 [復制鏈接]

fong711:普巴應該出親場都係光頭[表情] (2019-05-28 17:20) 

所以費SIR 唔留佢係曼聯囉。

freezefox:咪係囉。要清既，係「冗員」。唔係良將。
成個買賣人進程係要有全盤計劃，唔可能見步行步的。清邊個，留邊個。一早應該計劃好。
....... (2019-05-28 15:29) 

既然係冗員，要脫手都有難度
係未脫手的情況下又可以點做呢？
夾硬續約？風險係下下季可能要扣聯賽分同禁歐賽
咁搞咁耐做咁多野就係為左入番前4有咩意義？

freezefox:唉，費SIR 個套，放係宜家呢個年代，可能都未必WORK⋯⋯⋯⋯ [表情] (2019-05-28 17:17)

咁要有費sir咁既江湖地位, 依家都無乜人有啦.

再者, 依家球員人工分分鐘高過老細以倍數計, 條氣唔順可以嚮球場上ja流灘, ja到老細俾人炒為止. 咁樣既遊戲規則真係唔知講咩好.

所以, 肥普, 高普真係勁, 3年唔駛炒已經超強

extra:既然係冗員，要脫手都有難度
係未脫手的情況下又可以點做呢？
夾硬續約？風險係下下季可能要扣聯賽分同禁歐賽
咁搞咁耐做咁多野就係為左入番前4有咩意義？[表情] (2019-05-28 18:53) 

唔係掛，入到前四有咩意義？！

如果只係一年入唔到前四，無得打歐聯，係收入方面有影響但的確唔係好致命。第二季入番就無問題了。但如果連續兩年入唔到歐聯，個破壞力就唔係簡簡單單X2 就算架。係幾何級數咁累進架。連續兩年入唔到歐聯，直播既收入大幅減少就一定，其他贊助呀、廣告呀，全部都會受到嚴重影響。唔單止出名既球星唔會考慮黎，連剛上位既新秀都會卻步。簽人更難！惡性循環下，隊波既實力會一季比一季差。你既對手就一季一季咁增強實力，你就一季一季咁縮落去。久而久之，就真真正正係沒落既開始了。


反而，你所講既扣分同禁賽，先無咁易發生。何況呢隊係曼聯，你估真係話扣就扣咩。退一萬步講，真係發生左，都唔會帶黎致命既打擊。連年入唔到前四既破壞力大得多了！

myrmidon:咁要有費sir咁既江湖地位, 依家都無乜人有啦.
....... (2019-05-28 20:05) 

肥普、高普正正係新一代既領隊，走完全相反既路線。

佢地唔係唔嚴格架。你睇高普，沙高因為紀律問題，話唔用就唔用。絕不含糊。但嚴格還嚴格，佢地同球員既關係又特別好。特別親密。有D 直情係情同父子。

當然，費SIR 都有呢種魅力。佢同碧咸、C朗都情同父子。不過，嚴父既作風未必人人頂得順。情同父子都好，最後都要分道揚鏢。最多係叫好黎好去吧。

至於肥普，我好主觀地覺得，熱刺班友仔咁低人工都仲肯留係熱刺，一半原因係普捷天奴！所以肥普如果真係走的話，熱刺一定散！  

freezefox:肥普、高普正正係新一代既領隊，走完全相反既路線。
佢地唔係唔嚴格架。你睇高普，沙高因為紀律問題，話唔用就唔用。絕不含糊。但嚴格還嚴格，佢地同球員既關係又特別好。特別親密。有D 直情係情同父子。
....... (2019-05-29 10:17) 

可唔可以咁講
肥普同高普係買人用人方面做到個下
跟我,我地去贏冠軍,而個班球員真係等一個咁既上位機會(文尼,沙拿,阿里,簡尼,son)

而相反曼聯個班都明顯睇到同上一代個心態差好遠

滅羅:可唔可以咁講
肥普同高普係買人用人方面做到個下
跟我,我地去贏冠軍,而個班球員真係等一個咁既上位機會(文尼,沙拿,阿里,簡尼,son)
....... (2019-05-29 10:46) 

照計，曼聯都係得一個普巴係世界級球星。其他個D ，都應該係等上位，追冠軍既球員。都應該好渴求勝利先岩架。


其他唔講，你淨係睇山神，係阿仙奴個陣，佢係幾咁有鬥志，幾咁有火！佢就係係阿仙奴得唔到想得到既，先加盟其他球隊者。完全唔明點解去到曼聯會攪成咁。費解！

freezefox:照計，曼聯都係得一個普巴係世界級球星。其他個D ，都應該係等上位，追冠軍既球員。都應該好渴求勝利先岩架。
其他唔講，你淨係睇山神，係阿仙奴個陣，佢係幾咁有鬥志，幾咁有火！佢就係係阿仙奴得唔到想得到既，先加盟其他球隊者。完全唔明點解去到曼聯會攪成咁。費解！  (2019-05-29 10:59) 

普巴心態真係9流, 我覺得佢係成功左之後貪圖享樂個種

我覺得曼聯陣容唔錯丫, 執下後防線就ok
黑柴岩岩上任果陣個個都比人吹上天架喎...福仔仲傳聞去巴菜
主要問題都係唔團結, 普巴做唔到球隊大佬,但係又要扮大佬. 果時伊巴係度幫魔佬鎮住更衣室先相安無事, 佢一走咪散曬lor

freezefox:唔係掛，入到前四有咩意義？！
如果只係一年入唔到前四，無得打歐聯，係收入方面有影響但的確唔係好致命。第二季入番就無問題了。但如果連續兩年入唔到歐聯，個破壞力就唔係簡簡單單X2 就算架。係幾何級數咁累進架。連續兩年入唔到歐聯，直播既收入大幅減少就一定，其他贊助呀、 .. (2019-05-29 10:11) 

如果用咁多錢堆個前四出黎但過唔到財政一樣冇得打歐賽喎
Ac已經試過啦早幾年比中國財團收購之後，跟住要賣番丫嘛
就係因為歐聯重要，所以財政戈關都好重要
而且歐聯短時間唔會令曼聯有重大影響
但財政上既影響反而更加深遠
一個山神就炸左個更衣室
如果個個都係山神咁隊波仲有邊個領隊搞得掂？

extra:如果用咁多錢堆個前四出黎但過唔到財政一樣冇得打歐賽喎
Ac已經試過啦早幾年比中國財團收購之後，跟住要賣番丫嘛
就係因為歐聯重要，所以財政戈關都好重要
而且歐聯短時間唔會令曼聯有重大影響
....... (2019-05-29 14:59) 

咪講左，點會因為一個HEHE 就過唔唔到公平競技？唔同HEHE 續約就單單係因為覺得佢唔值呢個價。甚麼公平競枝都係藉口。

如果未賣到人之前，就唔可以同陣中球員高薪續約，咁同樣道理。 未賣人前，一樣唔可以高薪簽新人啦。係咪？咁佢點同巴塞爭迪歷特呀？仲出到三十幾萬磅周薪，遠遠高於HEHE既廿萬磅。唔通簽新人就唔驚比人扣分，唔驚比人禁賽？


唔好自相矛盾啦。呢個真係小朋友都唔會信既藉口。用黎當門面話，等大家好落台就得。你真係信佢先奇。

extra:如果用咁多錢堆個前四出黎但過唔到財政一樣冇得打歐賽喎
Ac已經試過啦早幾年比中國財團收購之後，跟住要賣番丫嘛
就係因為歐聯重要，所以財政戈關都好重要
而且歐聯短時間唔會令曼聯有重大影響
....... (2019-05-29 14:59) 

我唯一認同既係，控制球隊支出的確係好重要既事。但呢一點，但全盤性既問題。唔係單一既問題。


一方面同HEHE 講，哎呀，我地因為唔可以破壞薪金架構，所以唔可以答應你個廿萬周薪要求架。


但看在HEHE 眼內，你之前就用四十幾萬磅周薪簽山神番黎，個陣你又唔覺得會破壞薪金架構。之後又用幾十萬磅周薪去吸引其他既球星加盟，個D 又唔會影響薪金架構。偏偏，我個廿萬就影響薪金架構⋯⋯⋯OK，咁我咪走囉。無謂累你曼聯又要比人扣分又要禁賽咁慘啦。到時我就做左千古罪人了⋯⋯⋯


呢D 說話，打工仔聽得少咩。大家心照啦。

extra:如果用咁多錢堆個前四出黎但過唔到財政一樣冇得打歐賽喎
Ac已經試過啦早幾年比中國財團收購之後，跟住要賣番丫嘛
就係因為歐聯重要，所以財政戈關都好重要
而且歐聯短時間唔會令曼聯有重大影響
....... (2019-05-29 14:59) 

其實我想問AC個case同你上面所講"英超係有條財政條例"係同一樣野?

AC唔係因為老細大手買人,証明唔到d錢係球會自己個種類型?(即係個d要買賣收入平衡)
英超個d因為轉播高收入所以佢地買人大手筆都頂得住(曼城當年燒錢就另一回事)
但係英超有人工條例?無乜為意既

freezefox:咪講左，點會因為一個HEHE 就過唔唔到公平競技？唔同HEHE 續約就單單係因為覺得佢唔值呢個價。甚麼公平競枝都係藉口。
如果未賣到人之前，就唔可以同陣中球員高薪續約，咁同樣道理。 未賣人前，一樣唔可以高薪簽新人啦。係咪？咁佢點同巴塞爭迪歷特呀？仲出到三十幾萬磅周薪， .. (2019-05-29 15:33) 

梗係唔會因為HEHE一個就過唔到
但係你有冇諗過依家DDG出緊20-25萬
要同佢續約一下要加到40-50萬?
假設真係用呢個價同佢續左, 咁隊波仲有空間比其他人加薪咩?
如果人工BUDGET係得咁多而領隊又想係其他位置加強實力又可以點做?
阿記/熱刺都係要一出一入咁濟, 除非上年冇乜買人
而曼聯既情況有D唔同, 佢係由之前椰子,雲高爾,摩佬等等一路累積落黎既冗員
之前點解要貼錢送走朗尼? 佢續左4年30萬鎊架, 送佢走仲要出番15萬鎊/周 貼幾年
我都唔想HEHE走但係係老細既位置諗既野就唔會同普通員工諗既野一樣啦下話...
朗尼走左都出15萬, 仲有ROJO成季冇乜出場都出緊11萬, 山神40-50萬
如果呢堆清左你想買咩人都得啦, 問題係要清到至得架
清唔到成隊波企係度, 咁個責任就變左老細一個人咩晒上身
依家成績唔掂都係前朝一路累積落黎, 比著你你會點簡

freezefox:我唯一認同既係，控制球隊支出的確係好重要既事。但呢一點，但全盤性既問題。唔係單一既問題。
一方面同HEHE 講，哎呀，我地因為唔可以破壞薪金架構，所以唔可以答應你個廿萬周薪要求架。
....... (2019-05-29 15:38) 

其實我覺得熱刺掘起既情況同中國當年某部分相似
就係成本控制得非常好, 熱刺隊波有質素但人工相對地低
同當年中國既制造業一樣, 咁樣想唔彈都難啦
但問題係公司有成績 / 隊波有成績 之後員工就會要求更多(加薪,福利)
咁變相公司壓力大左, 風險高左, 各種問題就會開始出現
壞既情況就會變到好似依家既曼聯咁, 尾大不掉, 擁腫,甚至開始壞死
在我看來依家曼聯有2個選擇, 一係壯士斷臂, 二係慢性自殺
一, 需要務大量風險, 有可能5年甚至更長時間都未必有歐聯, 冠軍或者需要更長時間
好處係變番做一個健康既人, 人冇事先可以做到世界冠軍

二, 繼續拖, 得過且過, 成績差炒帥, 下一個上台繼續換血, 新增一批冗員, 繼續輪迴直至爆煲
期間或者有假希望, 繼續說服自己差少少就可以成功, 或者期待下一個買家入主注資清左條數好過