野蠻港媽當港鐵職員係奴隸又點又鬧 [復制鏈接]

http://www.youtube.com/watch?v=zej2hIwyPEc

2011年9月11日夜晚約10點，西灣河港鐵站



一個短髮師奶推住架航空母艦咁大o既雙人前後座BB車，在樓梯按站內call輪椅支援落樓梯個掣。話咁快，港鐵職員出現，原來個師奶話推唔到架車落樓梯，態度已經好寸咁喇­，個職員就話：「你架BB車用唔到輪椅部機，不如你抱起個BB，我幫你手抬落樓梯啦。」
個師奶就黑晒面，同工人（定朋友？）各抱起一個B，職員就開始抬架大過牛肺嘅車落樓梯喇。
唔知點解架車上面放咗勁多嘢，職員行咗幾級，車上跌咗個盒出來，個師奶諗都唔諗立即破口大罵：「你點做嘢㗎！如果整爛咗啲嘢你要賠番晒比我呀！」
個職員都死晒狗解釋：「唔好意思，因為你架車太大太重。」
師奶：「你唔好解釋咁多！我比得車費，你就無理由比啲咁差o既服務我！（下刪數百鬧人字眼）」

跟住有個四眼仔路人睇唔過眼，就走出嚟幫個職員手搬架車，講：「我都係見義勇為啫。」個八婆依然在側邊勁睥，間唔中口中仍念念有詞，我亦開始拍片喇。

睇段片到尾，兩個男士搬到架車落樓梯，條師奶唔該都冇句仲繼續鬧，又話要投訴，又話自己比咗車錢大晒咁！個職員只可以一臉無奈。

有啲咁o既阿媽，真係唔夠想像第日教出o黎個仔會變成點喇！

港媽大鬧港鐵　網民狂轟
2011年09月14日

【本報訊】「唔好再攻擊佢，佢都好慘。」港鐵職員協助推着雙人嬰兒車，滿手雜物的婦人進入車站，反遭對方罵他服務不周，甚至要脅道：「我實投訴你！」有市民拍下部份過程上網，引起很多網民狂轟婦人的「使死人」行為，然而，被罵的港鐵職員當日不但沒有還口，事後更為婦人說好話。

自稱目擊過程的網民表示，一名婦人於周日晚上約 10時，推住雙人前後座嬰兒車，在港鐵西灣河站內按輪椅支援按鈕，杜姓港鐵職員前來協助，並向她解釋，嬰兒車無法使用輪椅支援，提議她抱起兩個嬰兒，再助她將嬰兒車搬入站內。

該網民形容婦人當時已「面黑黑」，杜姓職員搬車時，車上跌出一個盒，婦人即罵道：「你點做?如果整爛你要賠番晒畀我呀！」但杜姓職員只說：「唔好意思，因為你架車太大太重。」但婦人再罵：「你唔好解釋咁多！我畀得車費，你就無理由畀咁差嘅服務我……」其間一名看不過眼的男乘客上前協助職員搬車。兩人將嬰兒車搬入站後，婦人繼續大罵杜姓職員，表示「一定投訴你」。

被罵者︰為人父母心急啲

片段放上網後，有網民大罵她「無修養」、「懶巴閉」，更指她會「教壞細路」。記者昨到西灣河車站，杜姓職員不欲多談事件，只說：「日常都係咁做，都明白為人父母係會心急啲」。他更呼籲網民「唔好再攻擊佢，佢都好慘喇」。

港鐵發言人回應，非輪椅使用者不能使用有關裝置，而職員會盡量協助乘客需要。香港鐵路員工總會副理事長麥培東直言，現時要求特殊或情緒化的乘客較多，但前線員工都盡量提供協助，遇上情緒激動的乘客，為了個人和公司形象，被指罵絕不能還口，更不能呆站受靶，一般做法是替換另一職員處理，以免再直接衝突。他坦言，前線員工遇到這類情況「辛苦過 OT(超時工作)」，全日情緒都可能受影響。

http://hk.apple.nextmedia.com/template/apple/art_main.php?iss_id=20110914&sec_id=4104&art_id=15612117

用戶被禁言,該主題自動屏蔽!

比人鬧足八十八頁。

睇完apple新聞話佢有機會拎最關懷備至大獎
搞到我突然有個超極端諗法:會唔會係度做戲
不過個c9咁認真+說話乞人憎, 都冇咩可能

>睇完utube既comments鬧個咩rose, 笑死

引用第3樓freezefox於17-09-2011 01:31發表的“”:
比人鬧足八十八頁。 [表情] [表情] [表情]

航空母艦咁大o既雙人前後座BB車

比人係咁插。

比左$大晒咁...

引用第8樓工藤新一於2011-09-17 12:28發表的“”:
比左$大晒咁... [表情]

真係唔要得

引用第9樓happykinghk於2011-09-17 13:13發表的“”:
真係唔要得 [表情]

係架~做到咁都唔知邊個冇面d~

引用第5樓啪啪啪啪啪啪於2011-09-17 10:31發表的“”:
[表情] [表情]

我估，若然佢唔係仲要上網死撐，鬧二三十頁到都可能了事，頂多咪鬧多十頁八頁。


佢上去撐一撐，即時見反效果，鬧多五十頁！

引用第4樓托利斯於2011-09-17 04:28發表的“”:
睇完apple新聞話佢有機會拎最關懷備至大獎
搞到我突然有個超極端諗法:會唔會係度做戲 [表情]
不過個c9咁認真+說話乞人憎, 都冇咩可能 [表情] [表情]
>睇完utube既comments鬧個咩rose, 笑死 [表情]

..如果他反駁...又被証明熟實...
這輩子也沒法昇職了..若日後要裁員刪減開支..
第一個...

引用第11樓freezefox於2011-09-17 16:08發表的“”:
我估，若然佢唔係仲要上網死撐，鬧二三十頁到都可能了事，頂多咪鬧多十頁八頁。
.......

佢點撐呀? 搵唔到呀?

引用第13樓麻凡於2011-09-17 23:30發表的“”:
佢點撐呀? 搵唔到呀? [表情]

個個ROSE咩咩既被疑懷係佢本人或佢親人………