引用第46樓火鳳凰於2008-02-22 14:44發表的“”:
或者我地可以睇睇去年外國一單類似事件，處理手法有乜野唔同。
Vanessa Hudgens (High School Musical 既女主角)主要係主演廸士尼電影，佢名正言順更加係小朋友偶像。去年，佢對鏡用手機自拍一張全身裸照，用手機傳送給男友。後來相片不知何故被盜取，更加迅速係網上流傳(呢樣野天下烏鴉一樣黑，中外亦無分別)。廸士尼既觀眾(家長們)當然亦有向廸士尼投訴，而 Vanessa Hudgens 既發言人第一時間大方承認 (admit) Vanessa 係相片人(其實相片又濛、resolution又差，大可不認)，並稱犯上判斷上的過失(lapse of judgement)，正式向廣大觀眾道歉(apologize)。
又係道歉？點解要道歉？
.......
我好認同你既睇法。
可能有人以為我係fans，會肓目咁支持自己偶象。可惜既係，我對呢件事根本無咩感覺！我既對阿嬌等女星既私行無興趣，亦對「攪」我偶象既陳生無憎恨（甚至……唔係好反感，講真）。
所以早期，其實我係不屑為呢件事講任何野（我幾乎都唔留言）。
但我近排反而留言多左，最大原因，係我被一樣野所震撼！
就係網上世界判斷人生死榮辱既無限無上權力權威所嚇親………網絡世界，操人生死榮辱既威力，竟大到呢到田地！而更恐佈既係：
任警權再大，佢都係有限既，有好多監察力量既！郁一郁萬箭穿心！
任傳媒力量再大，佢亦係有限制既，亦係好多監察既力量既！
但影響力最大既網絡世界………卻係全無限制，全無監察既………
大家唔覺得恐佈既咩？
