港貧富差距全球最懸殊 [復制鏈接]

引用第14樓freezefox於2009-10-23 12:38發表的“”:
中國都行「有中國特色既巿場經濟政策」啦。點會唔適合？
.......

當然表面做出黎都係咁樣，但其實還有很多很多近親輸送。

我集團都有四間上市公司，內部人事咪又係亂過亂葬崗。

引用第16樓任天痕於2009-10-23 12:40發表的“”:
我集團都有四間上市公司，內部人事咪又係亂過亂葬崗。

咁同巿場經濟或者計劃經濟有咩關係？

引用第15樓任天痕於2009-10-23 12:39發表的“”:
當然表面做出黎都係咁樣，但其實還有很多很多近親輸送。

呢樣野同巿場經濟一樣無關係架喎。你唔係以為美國個D 上巿公司就無呢D 野係話？分分鐘仲誇張都未定呀。


只係人地手法高明D 咁解者。

其實事有正反。我地唔係福利主義社會，所以用係福利方面既資源的確係較歐美社會為少。但要提高福利制度，高稅制就走唔甩。我地既要享受低稅率既優惠，強調巿場競爭既重要性，但同時間又要求福利主義抬頭，其實係有少少自相矛盾。針無兩頭利，得一自然失一。


唔駛講咩，之前推行既強制公積金計劃，咪比人鬧地阿媽都唔認得。但呢樣野正正保障幾十年後既社會唔會有一大班無依無靠無錢維生既老人家出現。係福利主義既一種。但我同你正值壯年，搵錢既大好時候，我地又點會諗幾十年後無工開個陣會點？就算諗，我地都寧願信自己都唔信政府啦。我寧願你比番個5% 我自己去投資，好過你同我投資。呢個咪正正係矛盾所在囉。宜家唔知邊個岩架，可能真係要幾十年後先知架。但幾十年後，就算證明到邊個岩，仲有冇人會提哎？

不過我要強調一句，我唔係話唔需要顧及窮人既需要。相反，我係贊成提高福利既資源，惠及更多窮人既。但所有野都係要付出既。唔係只係講口號。當我願意政府駛多D 錢係窮人身上既時候，我必須要明白，一定程度上，佢會駛少左係我身上。呢點我要接受。甚至，可能因為咁，我要比更加多既稅項。


我地唔可能一方面要政府扶貧，要佢係個方面駛多D，一方面又鬧佢唔照顧中產，中產淨係交稅無著數，做醫生都買唔到跑馬地既樓。

我願意政府駛多D 係窮人身上。駛少D 係中產身上。因為中產有能力自己攪掂自己個份。你攪少D 我就得啦。

引用第20樓freezefox於2009-10-23 12:56發表的“”:
不過我要強調一句，我唔係話唔需要顧及窮人既需要。相反，我係贊成提高福利既資源，惠及更多窮人既。但所有野都係要付出既。唔係只係講口號。當我願意政府駛多D 錢係窮人身上既時候，我必須要明白，一定程度上，佢會駛少左係我身上。呢點我要接受。甚至，可能因為咁，我要比更加既稅項。
我地唔可能一方面要政府扶貧，要佢係個方面駛多D，一方面又鬧佢唔照顧中產，中產淨係交稅無著數，做醫生都買唔到跑馬地既樓。
.......

但中產好似咩福利都得唔到......

當然，少D 官商勾結、利益輸送既情況會更加好。

引用第19樓freezefox於2009-10-23 12:51發表的“”:
其實事有正反。我地唔係福利主義社會，所以用係福利方面既資源的確係較歐美社會為少。但要提高福利制度，高稅制就走唔甩。我地既要享受低稅率既優惠，強調巿場競爭既重要性，但同時間又要求福利主義抬頭，其實係有少少自相矛盾。針無兩頭利，得一自然失一。
唔駛講咩，之前推行既強制公積金計劃，咪比人鬧地阿媽都唔認得。但呢樣野正正保障幾十年後既社會唔會有一大班無依無靠無錢維生既老人家出現。係福利主義既一種。但我同你正值壯年，搵錢既大好時候，我地又點會諗幾十年後無工開個陣會點？就算諗，我地都寧願信自己都唔信政府啦。我寧願你比番個5% 我自己去投資，好過你同我投資。呢個咪正正係矛盾所在囉。宜家唔知邊個岩架，可能真係要幾十年後先知架。但幾十年後，就算證明到邊個岩，仲有冇人會提哎？

理念一致

引用第21樓王小虎於2009-10-23 12:58發表的“”:
但中產好似咩福利都得唔到......

又唔可以話無既。


我地都可以無條件享用九年免費教育架。不過D人寧願送D 仔女出國留學或者講國際學校者。

我地一樣可以亨用醫療設備哎。只係宜家人人寧願用私家醫院唔用公立者。


我地一樣可以享用所有政府既公共設施既。但你會鐘意去樓下會所既泳池游水都唔願意同人迫公共泳池者。


中產無得享用呢D 福利既原因，咪正正係因為佢地有能力可以選擇更好既選擇囉。

咁你選擇左唔要，又唔好番轉頭話自己無先得架………

引用第21樓王小虎於2009-10-23 12:58發表的“”:
但中產好似咩福利都得唔到......

咁咪想辦法令到自己變有錢囉

例如: http://bbs.hkbff.net/read.php?tid=79154

引用第23樓黑魔道士比比於2009-10-23 13:03發表的“”:
理念一致 [表情]

邊句先？

當年中產話無錢買樓，政府咪即刻整個夾心階層住屋貨款計劃出黎。起埋樓，平巿價三成，再低息借埋首期比你買樓。嘩，從善如流囉掛？



結果咪推哂呢班人去死囉……………

引用第27樓freezefox於2009-10-23 13:07發表的“”:
當年中產話無錢買樓，政府咪即刻整個夾心階層住屋貨款計劃出黎。起埋樓，平巿價三成，再低息借埋首期比你買樓。嘩，從善如流囉掛？
結果咪推哂呢班人去死囉……………

點解??

可唔可以講多少少??

引用第28樓王小虎於2009-10-23 13:09發表的“”:
點解??
可唔可以講多少少??

個陣正正係樓巿既高峰期，即係泡沫爆破前夕。結果D 人買左樓，都未趕得切到銀行攪按揭上會，個巿就崩潰，攪到好多人連按揭都做唔到，上唔到會。


上到既都死。全部變負資產。


我買個層樓，上手買家就係個陣入巿。結果供足十年，最後都係被銀行沒收成為銀主盤。因為個陣政府係折讓巿價三成賣比佢地既，所以佢地要賣樓，就要補地價。一層二百幾萬既樓，補地價要補七十幾萬。你有七十幾萬你都唔駛賣樓啦係話……