深受大人細路仔歡迎動畫《反斗奇兵》（Toy Story）系列去年11月有好消息，彼思（Pixar）動畫公司開綠燈拍第4集，並且會由創作主腦尊賴斯達（John Lasseter）再操刀做導演。彼思主席當時仲透露新一集故事大綱係反傳統玩具愛情喜劇！當時就冇仔細講劇情。
不過尊賴斯達日前出席迪士尼Fans Club舉辦D23 EXPO博覽會時，終於都透露故事主線喇！尊賴斯達話會係胡迪同牧羊女寶貝愛情故事。佢繼續話：「喺彼思同迪士尼，我哋拍續集條件係個故事同原版故事一樣咁好，甚至好過佢。我哋唔會為咗印銀紙而做。」
雖然喺《反斗奇兵》世界中電視上，胡迪係同翠絲一對，但喺現實中胡迪對牧羊女寶貝有意，第一集當巴斯光年搶咗胡迪風頭後，牧羊女寶貝依然對胡迪不離不棄，更不時同佢調情。可是第三集牧羊女寶貝已失蹤，未有仔細交代她的向去。電影定於2017年6月上映。
http://hk.apple.nextmedia.com/enews/realtime/20150815/54091152
