林日曦傾家買番《100毛》 林日曦為毛記電視舵手之一，他成功地將毛記分獎禮搞到全城洗版，以二創歌曲為主導的分獎禮，如果網絡23條通過，分獎禮分分鐘成絕響！昨日林日曦接受《蘋果》電話專訪，他卻說：「唔擔心，我好鬼短視，唔知香港變成點，仲有好多環境要配合，究竟有冇歌手嚟呢？」
請歌手出席好困難？林日曦承認：「好有難度，表面原因一定冇期，但背後原因好難猜測，同事會亂估會唔會政治敏感？又可能覺得我哋係細傳媒唔嚟，又可能我哋戲謔無綫包裝，覺得出席會得罪其他傳媒。」
林日曦自言好短視，沒想過網絡23條是否通過、分獎禮自此成為絕響。 前晚幾位重量級人物都撐場，林日曦說：「王維基先生係我邀請，小鳳姐係崇德喺開騷前，同我講小鳳姐想嚟睇騷，我諗佢想捧崇德場，同埋認識吓毛記電視搞乜。俞琤係我邀請，自己喺商台工作八年，有七年時間同佢緊密學習，自己比較『毒』、好宅，加上有少少愧疚，因為佢一手提拔我，但我要發展自己嘢離開商台，所以想邀請佢嚟睇向佢道謝。」
林日曦前晚親自邀請商台前上司俞琤（中）出席毛記分獎禮，感激她當年的提拔。 問到搵冠名贊助是否很困難？他坦言：「非常艱難，唔搵贊助一定蝕七位數，平時傾生意都費事，怕自己唔係幾好態度趕走客，今次自己去講解，但原來都唔得失敗幾次。」他再次多謝Shell：「感激高層相信後生員工，越高層越多包袱要諗越多。」
至於有傳股東擬賣《100毛》？與拍檔姚家豪（阿Bu）和陸家俊（陳強）各持三股的林日曦說：「我冇聽聞過，傳聞傳乜都得，同吳亮星、老朋友有乜分別先。如果係我傾家蕩產買番先，我個人有啲整齊病，10%都做唔到啲乜嘅，整體嚟講我會傾家蕩產買番。」
