記住，去呢類地方食野，有幾樣野要注意：
1. 唔好兩條友walk in ，萬一唔好彩撞正個日多人，實柄埋你去d 生卡啦地方。人地招呼都招呼d 包房包廳既先啦。點會理你個一個半個散客？
2. 可能既話，約多幾個人包房！一個師傅由頭到尾只係招呼你地，同一個師傅招呼幾班唔同既人。完全係兩回事！你想象下，我地一黎就八個人一齊食牛扒，八個人一齊食羊扒。個師傅每次都係一批一批咁整，既容易又控制得好。時間又唔會長。同一桌人分幾班人，呢個點兩塊牛排，個個點兩隻蝦，個師傅整到頭暈都滿足唔到你地既要求啦！時間又耐，等都等到頸長！
3. 商場大部分係中央冷氣。商場無冷氣間鋪都無計。所以盡量準時到。一黎就點野食！八點食到九點九，咩都夠啦。十點無冷氣個陣就開始食甜品，食雪榚，hea 下hea 下咁食。咁就唔會又熱又辛苦架啦。
4. 記住問清楚邊間分店個水準好d 先好去呀。呢類集團經營既連鎖店，quality control 好差架咋。可以一間好食到震，一間難食到暈架！
