誠徵會計、計分員各一，有意者請留言。
要求：善統計，優於計數，任勞任怨，努力不懈！
人工：五千大洋！
各大幫會戰況報告：
截於三月一日早上十時，離截止時間不足兩日，各團體約戰率全部超過七成，甚或九成者。可見大部分人都已經約戰滿額。僅有少量「位置」，希望大家努力打埋佢！
錄得全數81戰的報名場數，以全人次計（全50人，即100人次），已經達到八成的出戰率，戰況可謂激烈！據統計所得，四大幫派中，最積極出戰者為「PLG」！13會員26人次計，已成功挑戰23場場次。比例達八成八！暫列前茅！
其次為復仇者，同樣為13人26人次，暫少戰一場，挑戰場次為22場，比例為八成五！僅輸PLG一個馬鼻，亦屬最積極挑戰之幫會。與PLG同屬好戰份子！
第三為聖統皇朝。同為13人26人次，挑戰場數只得20場，比例為七成七！未過八成！似乎尚有幾名好手未有全數出戰。呢兩日可唔可以後來追上，就要睇睇皇朝有冇咩策略。
包尾既係屈機聯。人數較少，11人22人次，但只錄得16戰的挑戰紀錄，僅得七成二，大大落後於其他三個組另。表現最為被動！似乎此組別熱衷於會章設計甚於出戰比賽。有沒有希望反底，就要睇睇幫主有冇計仔刺激會員既挑戰意慾。
計完挑戰，計下接戰。
四個組別中，被挑排行榜第一名，竟然係挑戰排行榜得尾既屈機聯。22人次計，已經被挑20場！可以挑既都已經挑哂咁滯。達九成一既接戰率。反映各幫派都極熱衷於挑戰屈機聯……似乎真係好屈機咁喎。得番個一千零一個名額，唔知邊個會好彩執到。
第二係復仇者。挑得人多，人亦挑之。周圍惹事既後果當然係樹敵眾多。26人次中，已經有23人次被挑，比例達八成八，有意搵復仇者復仇既，有買趁手，無咩位剩。
第三係聖統皇朝。26人次中，錄得19人次既接戰場數，比例只有七成三，算係少。睇黎聖統皇朝都要周圍「辣」下火頭，撩下交打，先得，否則挑戰同接戰場次都比其他組別低既話，會幾影響佢地爭奪「人強馬壯」大獎既機會。
包尾既，竟然係係挑人排名榜中排第一既PLG。又係岩岩相反！26人次中，只得18人次被挑，仲少過皇朝！以佢咁積極挑人既情況睇，錄得咁低既被挑數目，實在令人難以致信。咁係咪即係個個幫會都怕左佢地，唔敢挑佢地呢？
最後，我地再睇睇各幫會既挑戰意向。
復仇者挑戰22場。其中，十場對PLG，八場對皇朝，四場對屈機聯。十分正路，專挑大野！唔多睬D後起之「獸」。
PLG挑戰23場。其中，屈機聯已佔9 場！係屈機聯可接戰場次既一半咁滯！似乎，PLG真係擇肥而食喎。其次，復仇者同皇朝都佔七場。咁多組中，佢既挑戰意向最為平均。人人有分。
聖統皇朝挑戰20場。其中，以復仇者為最多，佔八場，仇口最大。屈機聯都佔左成七場！屈機聯似乎被PLG同皇朝夾住黎打。最少既，就係PLG。只得四場。睇黎無意同PLG過招咁喎。係怯於其勢，定係因為無咩牙齒印呢？
屈機聯挑戰16場。其中，以復仇者最多，佔八場。復仇者係其他三派中，最少人挑屈機聯既，偏偏，人唔打佢，佢反而針住復仇者黎打。怪哉奇也！相反，係咁挑佢地既PLG同皇朝，都係各佔四場。愈打佢愈避開。
點都好，餘下仲有兩日既時間，希望大家善用手上挑人被挑名額，令我地既出戰率可達百分之一百！多謝大家。報告完畢。
[ 本文被ELB SUPERIOR01在2006-03-02 10:59重新編輯 ]
