連續幾周分數低迷。望下個陣，明明正正常常坐係到等爆分格，點解個個星期都中伏既呢？人地又係個幾個人，自己又係個幾個人，人地個個星期過百，自己就個個星期食塵！點解會咁既呢？邊到出錯呢？！係咪如坊間既傳聞，靚仔係會遭天譴呢？但自問又未靚仔到呢個地埗哎………
學陳總話齋，呢個時候，唔好亂，唔好怕！堅信自己既眼光，明白黑仔唔會黑一季的！宜家即使係較為低分，但只係成個賽季既三分一，仲有三分二既路賽比你追。宜家講放棄實在太早了！
所以，今周我仍然堅信：「靚仔唔係罪！爆分有我份！」
言歸正傳，今周錢多，但又未至於可以買哂D 心頭好，有少少進退兩難既感覺！防守球員方面，比較睇好史篤城。尤其係主場，都幾屈機。而且黎緊幾周賽程唔錯，買左佢地既防守球員，長渣短炒皆宜。大隊較多人買既係CAMERON，如果你係偷價七個幾買入既，更加令人羡慕。唔單單係表示你眼光好，仲表示你把持力夠。上周都無放佢。可以高分靚價迎接下一周。至於三個幾既韋堅遜，要黎搏大霧既者，比史篤城攞到CS，10蚊買個疏哥斯又係6分，你三蚊執個韋堅遜又係6 分，都幾抵架。其他雜分………有咪當BONUS囉。唔負分你都還神了。籠門比高域都只係8.93，仲要唔駛偷，現價可入貨。方便周六、日無上好友既各位街坊買黎守下門口。
今周CS球隊不易估，史篤城會係熱門既一隊。我暫時都會重注係佢身上。
另一個後防位係SORRY。呢個真係要講SORRY。同自己講又好同人地講又好。上周睇低佢，仲周圍同人講放左都唔拘。結果佢蔗渣既身價，打出大閘蟹既水準！已經唔係講緊回唔回本既問題，係有冇一個DOUBLE既問題。死死地氣又偷番。今季都衰左好幾次呢D 回頭草既情況。勝在自己面皮厚，肯放下無謂既自尊，堅持食回頭草可養顏。宜家仲可以跟住大隊。唔係跟住落黎個個星期比佢老屈SC 都幾痛苦。
另一隊較為睇好，或者被迫要睇好既係愛華頓。點解咁講？我有六個幾既米拉拿斯，又偷左九蚊唔駛既爆炸頭，換就一定唔會換走，咁你話係咪谷住要睇好佢？咁老老實實，佢只係對住攻力疲憊既新特蘭，主場有力再下一城，買佢既攻擊球員都買得過既。其實我最想買班恩斯，但成18蚊有多，買左佢就唔夠錢買朗尼、VPS 呢D 貴價貨，攪到自己心大心細！
今周望天打卦，希望星期六朗尼、班恩斯、比高域一人跌番少少，跌夠三蚊，咁我就夠錢SAVE 陣了。
比高域
CAMERON SORRY 拜恩斯
卡穌 LALA 史達寧 爆炸頭
米拉拿斯 基佬特 20.48
[ 此帖被freezefox在2012-11-06 16:09重新編輯 ]
