[英超]曼聯主場0:1不敵榜尾的西布朗後曼城以16分優勢提早5輪鎖定英超錦標 [復制鏈接]

羅力亞:咁哥帥教親都係大球會
D球員都好勁wor[表情]
係咪可以同一結論？
....... (2018-04-17 11:45) 

哥帥 可以睇到佢tool到D人有好大進步

摩佬除左識X自己班球員踢得唔好, 仲識D咩??


PS : 所以我好憎拜仁, 講真, 搵邊個教都應該拎到冠軍, 只要個教練唔太膠

廢托:熱刺既建立用左幾年時間 , 班底既厚度係要時間......強如曼城就算有錢買人都要花左兩,三季去tune
其實我都幾欣賞般尼同白禮........ keep 住呢個班底黎緊兩季應該會有力挑戰 (2018-04-17 11:26) 

熱刺唔係用左好耐咋。第一季執下隊波，第二季已經見到成績，第三季一路進步！

佢14-15 年黎到熱刺。

15-16 個屆，熱刺已經拎到季軍，拎到歐聯資格。
16-17 已經係亞軍。繼續係歐聯作賽。


今屆，四強睇怕無走雞，第二定第四要睇到最尾。歐聯既賽事表現亦十分像樣。唔再係過客。




普捷天奴只係用左一季時間就將熱刺變成英超列強之一了！

freezefox:熱刺唔係用左好耐咋。第一季執下隊波，第二季已經見到成績，第三季一路進步！ (2018-04-17 12:00) 

最重要全隊個架構無大轉變.........

上季仲買岩左雲耶馬.....

好似拿波里個班底都夾左好多年 , 呢幾年都好接近冠軍..........

其實我覺熱刺無左簡尼都未必會死！


無左普捷天奴就真係玩完！

utadahikaru20:究竟係犘佬教波勁, 定係佢班球員勁, 先拎到冠軍
大家應該識答
....... (2018-04-17 11:34) 

踢波係班球員，唔係個領隊。幾勁既領隊，比班二打六你，都一樣帶唔掂。

同樣地，幾好既球員，無一個好既領隊帶住，都只係一盤散沙。


兩者都要相負相承的。摩佬唔掂，齋靠班球員勁，係唔會拎到咁多冠軍番黎的。只係，呢兩年佢真係退左塘了。再無以前個種魄力了。

utadahikaru20:哥帥 可以睇到佢tool到D人有好大進步
摩佬除左識X自己班球員踢得唔好, 仲識D咩??
....... (2018-04-17 11:56) 

咁有好多同佢交惡既人你冇提者......
摩佬鬧過女軍醫
哥帥都同拜仁隊醫炒過大鑊la

廢托:最重要全隊個架構無大轉變.........
上季仲買岩左雲耶馬.....
....... (2018-04-17 12:05) 

呢D 就真係睇領隊功力了。


同一班人，係對上個個領隊手上可能係廢既，係另一個領隊手上就變成神級！就係睇個領隊識唔識得用佢！

freezefox:呢D 就真係睇領隊功力了。
同一班人，係對上個個領隊手上可能係廢既，係另一個領隊手上就變成神級！就係睇個領隊識唔識得用佢！ (2018-04-17 12:25) 

仲有唔踢殘班球員........ 呢方面都好堅

utadahikaru20:究竟係犘佬教波勁, 定係佢班球員勁, 先拎到冠軍
大家應該識答
....... (2018-04-17 11:34) 

林伯 泰利唔係摩佬手上由一線球員變世界級球星咩？
杜夫又係佢手上先踢到鐵人咁冇乜傷

講練球員，摩佬無想像中咁差

滅羅:林伯 泰利唔係摩佬手上由一線球員變世界級球星咩？
杜夫又係佢手上先踢到鐵人咁冇乜傷
講練球員，摩佬無想像中咁差 (2018-04-17 13:23) 

呢D都已經十年前既事
試問衣家有咩球員係佢身上大銳變 我真係見唔到
奧斯卡由攻中變成4不像 進攻球員要係後場防守 真係九唔搭八

ericlok:呢D都已經十年前既事
試問衣家有咩球員係佢身上大銳變 我真係見唔到
奧斯卡由攻中變成4不像 進攻球員要係後場防守 真係九唔搭八 (2018-04-19 00:11) 

ozil,大米算唔算?

其實而家好多隊前場球員都有返後防守,只不過摩佬要佢地再守得後d