餵食炮仗花 [復制鏈接]

muly，我就係咁樣餵炮仗花架啦。


首先，攞包冷藏白蝦肉出黎。搣一小塊。

放入容器後，等解凍之後，用交剪，剪到佢細細粒粒，溶溶爛爛。費時d炮仗花消化不良。

然後拎個炮仗花上黎，用d蝦肉抺係佢地個口上面。

你有拎佢出黎，佢d觸手自然會縮，一縮，就會剩番個骨架。要抺d蝦肉入去就唔難。

要每一個頭都抺上去。大頭抺多d，細頭抺少d。

抺好之後，就將佢放入隔離器先。唔好放入大缸住。因為佢未開始食d蝦肉，一放入大缸，d水流會沖走d蝦肉。另外，d魚呀，蝦呀，又會黎搶佢d晚餐。所以，要放住係隔離器先。

我開頭放係條藍吊既隔離器。一時無醒起，佢都會偷食。結果真係比佢係炮仗花口中搶走兩件蝦肉……


迫住開多個隔離器……


呢幅相，你會清清楚楚見到炮仗花開哂口黎吞食d蝦肉。

呢個過程大既要十五至三十分鐘，然後食飽飽之後，d炮仗花就會好識做咁係你面前盛開架啦。







只要你個缸無野攪d炮仗花，佢會keep住花幾日架。


我個缸就煩d，有野啄佢，所以食飽之後都會縮埋哂。

好得意！但都幾煩！
日日都要餵？

下面是引用henrychung於2006-03-15 00:06發表的:
好得意！但都幾煩！
日日都要餵？

係好煩架。但軟體中以佢最易養易keep……都無計。


唔駛日日餵。可以既話，三四日餵一次都好夠。


我就懶d，本來應該一星期餵一次。但對上個次已經係兩星期有多既事…………

下面是引用freezefox於2006-03-15 00:15發表的:
係好煩架。但軟體中以佢最易養易keep……都無計。
.......

咁都無事！
下次你會唔會試下３個星期後先餵佢呢？

盡量keep住一星期餵一次啦……


其實餵定左，佢都識自己搵食架。早兩日我先見佢「擔」左條比魚咬luck，飄浮係水中既水草。食完之後又係開哂花個隻。


所以我先諗住，食遲幾日都唔驚掛。

炮仗花好似易餵好多…

炮杖樹好多頭，我隻有26個頭…個頭又細，又唔開…好煩

你d蝦肉係邊買ga？


仲有你d珊瑚餵咩糧ga？

26個頭？嘩，咁開起黎都好壯觀下喎。

你試下我個方法餵一次先。同埋，揀d大d既頭黎餵。我唔知炮仗樹結構係點，係咪個個頭都獨立定係相連。相連既話，一個頭食到野，都可以益埋其他頭哎。否則……你可能真係要餵足二十六個頭……


我其他既珊瑚，都係餵葵糧咋。佢地有冇食到，食唔食到，我真係唔知架。我見你係魚佬網個topic，d人提到綠水個d，我遲下問人係咩先。

呀，d蝦肉係牛頭角間海國買既。

下面是引用freezefox於2006-03-15 00:32發表的:
26個頭？嘩，咁開起黎都好壯觀下喎。
你試下我個方法餵一次先。同埋，揀d大d既頭黎餵。我唔知炮仗樹結構係點，係咪個個頭都獨立定係相連。相連既話，一個頭食到野，都可以益埋其他頭哎。否則……你可能真係要餵足二十六個頭……
.......

開得無炮杖花咁大朵

但我唔餵，已8日宜家開得好靚第一張係我個件

第2張係d高手keep到咁靚